1 Pale godova ašundem vareso sago baro glaso e bute dženengo po nebo. Čhonas muj:

"Aliluja!

O spasenje, e slava thaj e sila pripadil amare Devlešće,

2 kaj si lešće presude čačutne thaj pravedne.

Vo osudisardas e Bare bludnica,

savi rumusardas e phuv pire bludosa,

thaj pe late osvetisardas o rat pire slugengo saven voj mudarda."

3 Thaj još phendine:

"Aliluja!

O thuv katar lako uništenje vazdel pe pale uvek!"

4 Askal e biš thaj štar starešine, thaj e štar džude bićurja peline pe koča thaj poklonisajle e Devlešće, savo bešelas po prestolje, thaj mothonas: "Amin, Aliluja!"

5 A katar o prestolje avilo o glaso savo phendas:

"Hvalin amare Devles,

savora tumen save sen lešće sluge,

save daran lestar, e cikne thaj e bare!"

6 Askal ašundem vareso sago glaso e bute dženengo thaj sago e buka katar e bare morske talasurja thaj sago zvuko e zurale gromonengo sar mothol:

"Aliluja!

O Gospod, amaro Del vladil, savo sa šaj!

7 Radui men thaj veselimen, thaj e slava das lešće.

Kaj avile svaturja e Bakhrešće,

thaj e Nevesta lešći si spremno.

8 Dine si laće čiste thaj blistavo parne drze katar o lano

te lel pe peste."

A o lano prestavil e pravedne dela e Devlešće manušengo.

9 Askal o anđelo phendas manđe: "Ramosar: ‘Blago okolenđe save si akharde pe Bakhrešće svaturja!’ "

Thaj još phendas: "Akala si čače e Devlešće alava."

10 Pelem pe koča dži ke lešće pungre te poklonima lešće, a vo phendas manđe: "Na ćer godova! Vi sem samo sluga sago vi tu thaj ćire phral save svedočin pale piro paćipe ando Isus. E Devlešće pokloni tut. Kaj okola save svedočin palo Isus si len proročko duho."

11 Askal dikhlem putardo o nebo thaj okote parne graste! Okova kaj jašilas po gras akhardolas "Verno thaj Čačutno". Vo ande pravda sudil thaj ratuil. 12 Lešće jakha si sago o jagalo plameno, a pe lesko šoro si but krune. Les si ramome alav savo khonik či džanel osim vo. 13 Lačhardo si ando ogrtači natopime e rateja, a vo akhardol: Alav* e Devlesko. 14 Pala leste džanas e nebeske vojske pe parne grasta, lačharde ando blistavo parno thaj čisto lano. 15 Andar lesko muj inkljel o oštro mačo saveja dela dab e themen. Vladila pe lende sastrune rovljasa thaj uštavela e drak ande presa e zurale molasa savi si bari holji e Devlešći savo sa šaj. 16 Po ogrtači thaj pe butina si lešće ramome alav:

CARO PE CARURJA THAJ GOSPODARI PE GOSPODARJA

17 Askal dikhlem jećhe anđele savo ačhel po kham thaj andar sa o glaso čhol muj sa e čirikljenđe save furjan vuče dži ko nebo: "Aven! Ćiden tumen pe bari Devlešći gozba, 18 te han o mas katar e carurja, katar e zapovednikurja, katar e močnikurja, katar e jahača thaj katar lenđe grasta, thaj mas katar sa manuša – katar e slobodne, katar e roburja, katar e bare thaj cikne manuša!"

19 Askal dikhlem e Zver thaj e phuvjaće caronen thaj lenđe vojnikonen sar ćidine pe te ratujin protiv o Jahači po gras thaj protiv lešći vojska. 20 Thaj e Zver sas astardi, a lasa vi o Hohamno proroko, savo ande lako alav ćerelas čudurja savenca zavodilas okolen kaj primisardine o žigo katar e Zver thaj klanjinaspe laće kipošće. Liduj sas čhudine ando ognjeno jezero kaj phabol o sumpor. 21 A okole avren mudarda o mačo savo inkljisto andar o muj e Jahačesko savo sas po gras, thaj sa e čiriklja čaljile lenđe masestar.