1 Posle akava so sas, čim nakhli e holji katar o caro Kserks, vo dija pe gođi ke Vašti, ke okova so voj ćerda thaj ke okova so vo zapovedisardas laće.

2 Askal phendine e carošće e sluge save služinas samo lešće: "Neka palo caro roden pe šukar terne čheja. 3 Neka ande sa e pokrajne e carošće odredin pe manuša save e odabirime čhejen anena ande Suza, pe briga thaj e nega ke carosko evnuh o Hegaj, savo si zadužime pale manušnja ande caresko harem. Vo osigurila lenđe sa so trubul len pale nega. 4 Okoja čhej savi majbut sviđola pe e carošće, neka avel carica umesto e Vašti."

Akava predlog sviđosajlo e carošće thaj vo gajda ćerda.

5 Ande palata ande Suza sas vi jek Židovo andar e Venjaminesko pleme savo akhardolas Mordehaj, e Jairesko čhavo, e Šimijesko unuko thaj e Kisesko praunuko. 6 E Mordehaje inđardine andar o Jerusalim zajedno e progonime manušenca save sas e Jehonijesa e carova andar e Judeja, a saven o caro Navuhodonozor inđarda ando Vavilon. 7 O Mordehaj barjarelas e Hadasa, savja akharenas vi Jestira thaj savi sas čhej katar lesko kako, kaj lat nas ni dad ni dej. E Jestira sas zgodo thaj šukar čhej. O Mordehaj lija lat te avel sago lešći čhori kana muline lako dad thaj laći dej.

8 Kana sas objavime e carošći zapovest thaj o zakon, ando dvoro ando gav e Suza andine bute čhejen thaj poverisardine len pe briga e Hegaješće. Gajda vi e Jestira inđardine ando caresko dvoro thaj poverisardine lat e Hegaješće, savo sas zadužime pale manušnja. 9 E Jestira odma sviđosajli lešće thaj steknisardas lešći naklonost. Vo revno vodilas briga pale lako šukaripe thaj palo habe savo sledilas laće. Dija lat efta majlačhe sluškinje andar o carosko dvoro thaj zajedno lenca čhuta lat ande majlačho deo e haremesko.

10 A e Jestira či phendas andar savo them avel niti ko si lako rodo, kaj o Mordehaj phendas laće te na phenel godova. 11 Vo svako đes avelas angle avlija e haremešći te ašunel sar si e Jestira thaj so si lava.

12 Kana pe varesavi čhej avilosas o redo te džal ko caro Kserks nakon so nakhli kroz e dešuduj čhonenđi nega palo šukaripe, a so sas uredba pale manušnja – šov čhon e uljeja katar e smirna thaj šov čhon e mirisenca thaj aver stvarenca pale šukarimata – 13 agajda džalas ko caro: sa so god kamlasas te inđarel pesa andar o harem ande carošći palata, dinesas lat. 14 Tale rjat đelisas ko caro, a detharinako boldelas pe ande aver deo e haremesko, pe briga e Šaašgazešće, savo sas e carosko evnuho zadužime pale romnja ropkinje. Voj či đelisas palem ko caro, osim ako sviđosajli e carošće thaj vo akhardasas lat palem peste po lako alav.

15 Kana avilo o redo pe Jestira – savja posvojisadas o Mordehaj thaj savi sas čhori katar lesko kako Avihajil – te džal ko caro, e Jestira či manglas khanči te inđarel pesa, osim okova so phendas laće o Hegaj, e carosko evnuho zadužime pale manušnja. Godoleja e Jestira steknisardas e naklonost savorenđi save dićhenas lat. 16 E Jestira inđardine ko caro Kserks, ande lesko carsko dvoro, ando dešto čhon, godova si ando čhon Tevet, eftato brš sar vladilas. 17 O caro zavolisardas e Jestira majbut katar sa aver manušnja thaj voj dobisardas lešći naklonost thaj ljubav majbari nego bilo savi terni čhej. Vo čhuta laće carsko kruna po šoro thaj ćerda lat carica po than e Vaštijako. 18 Pe godova o caro dija te ćerel pe bari gozba ande čast e Jestiraći, pale sa pire poglavarja thaj pire sluge. Proglasisarda prazniko pe sa pire pokrajine thaj darežljivo razdelisardas e poklonurja sar priličil e carošće.

19 Kana e čheja ćidine pe po dujto drom, o Mordehaj bešela ke carošći kapija*. 20 A e Jestira još či phendas ko si lako rodo thaj andar savo them avel, zato kaj o Mordehaj phendas laće te na phenel. E Jestira ćerelas sa sar phenelas laće o Mordehaj, sago vi kana barjarelas lat.

21 Ande vrjama kana o Mordehaj bešelas ke carošći kapija, e duj carošće evnuhurja, o Bigtan thaj o Tereš, save lenas sama po ulaz, holajle thaj ćerdine zavera te mudaren e caro Kserkso. 22 Ali o Mordehaj saznajisarda pale godoja zavera thaj mothoda e caricaće e Jestiraće, a voj phendas e carošće ando Mordehajesko alav. 23 Kana o izveštaj sas proverime thaj kana dikhla pe kaj si godova čače, okole dujen evnuhurjen ungladine pe vešala. Sa godova sas ramome ande knjiga kaj sas ramome e carošće istoriske zapisurja.