1 O Jona andar o đi e mačhesko pomolisajlo e GOSPODEŠĆE, pire Devlešće, 2 e alavenca:

"Ande mungri nevolja zavapisardem e GOSPODEŠĆE

thaj vo ašunda man.

Andar o them e mulengo akhardem ando pomoć,

thaj tu ašundan mungro glaso.

3 Ande dubine čhudan man,

maškare ando more,

kaj e paješće stuje opkolisardine man;

ćire talasurja thaj e vrtlogurja učhardine man.

4 Gndisardem: ‘Tradino sem majdur katar ćire jakha,’

ali palem mungre jakha vazdava karingal ćiro sveto Hramo.

5 E paja učhardine man dži ko krlo,

e dubine poklopisardine man,

e morešći čar omotisajli manđe oko o šoro.

6 Dži ko temelji e planinengo potonisardem,

dži ke phuv savjaće kapije phandadine man zauvek.

Ali tu inkaldan man džude andar e limorešći hv,

GOSPODE, Devla mungreja.

7 Kana o trajo mućelas man,

dijem man gođi tute, GOSPODE,

thaj mungri molitva dži tute vazda pes,

karingal ćiro sveto Hramo.

8 Okola save inćaren pes ke ništavne idolurja,

džantar katar ćiri bari ljubav.

9 Ali me prinesiva žrtve tuće,

e điljenca save zahvalin tuće,

pherava o obećanje savo dijem tut.

O spasenje avel katar o GOSPOD."

10 Askal o GOSPOD zapovedisardas e mačhešće te čhungardel e Jona andar o muj pe obala.