1 O alav e GOSPODESKO avilo e Jonašće dujto drom: 2 "Ušti thaj dža ando baro gav Niniva, okote propovedisar e poruka savi dijem tut."

3 O Jona čhuta kan ko GOSPOD thaj đelo ande Niniva. E Niniva sas gajda baro gav kaj trubulas trin đes phiripe te naćhel pe kroz sasto gav.

4 Prvo đes o Jona naćhelas kroz o gav thaj propovedilas: "Još štarvardeš đesa thaj e Niniva avela uništime."

5 E manuša andar e Niniva paćajine e Devlešće, proglasisardine posto thaj line pe peste kostret, savora katar o majbaro dži ko majcikno. 6 Kana sa godova avilo dži ko caro e Ninivako, vo uštilo katar piro prestolje, fuljardas pestar piro carsko ogrtači thaj lijas pe peste o kostret thaj bešlo ande praho.

7 Askal o caro dijas te objavil pe ande sasti Niniva:

"O caro thaj lešće bare manuša zapovedin:

‘Ni jek manuš ni životinja katar e bari ili cikni stoka či troman te han thaj te pijen. 8 Svako manuš thaj životinja moraš te inđaren pe peste o kostret. Savora neka akharen e Devle andar sasto glaso thaj neka svako manuš mućel pe pire bilače trajostar thaj katar o nasilje. 9 Ko džanel? Šaj te o Del gindila averčhande thaj ande piri milost či mućela piri bari holji pe amende, pa gajda či avas mudarde.’"

10 Kana o Del dikhla so ćerdine thaj sar boldine pe katar piro bilačho trajo, smiluisajlo thaj či kaznisarda len sago kaj phendas lenđe.