João 13

O Isus thovel e pungre e učenikonenđe

1 Sas akava anglo prazniko Pasha. O Isus džanelas kaj avilo o časo kana mućela akava them thaj džala ke piro Dad. Volilas okolen save sas lešće ande akava them, a volilas len dži ko piro smrto.

2 O Isus thaj lešće učenikurja hanas zajedno večera. A o beng e Judašće andar o gav Kariot, e Simonešće čhavešće, već čhuta ando ilo te izdail e Isuse. 3 O Isus džanglas kaj o Dad sa e vlast dija ande lešće vas thaj kaj vo katar o Del avilo thaj kaj leste boldel pe. 4 Askal o Isus uštilo katar e večera thaj fuljarda pestar o ogrtači, lijas o peškiri thaj phangla les angle peste. 5 Askal čhuta paj ando lavori thaj ačhilo te thovel e pungre pire učenikonenđe thaj te khosel len e peškiresa savo sas angle leste.

6 Askal avilo dži ko Simon Petar, savo phendas lešće: "Gospode, tu manđe e pungre te thoves!"

7 A o Isus phendas lešće: "Tu akana či džanes so me ćerav, ali haćareja jek đes."

8 Pe godova o Petar phendas lešće: "Či thoveja tu mungre pungre nikad!" A o Isus phendas lešće: "Ali te či thodem ćire pungre, našti aves jek katar mungre."

9 Askal o Simon Petar phendas lešće: "Gospode, na thov samo mungre pungre, nego vi mungre vas thaj vi mungro šoro!"

10 A o Isus phendas lešće: "Kolešće savo si najardo trubul samo te thoven pe e pungre, kaj već si sasto čisto. Tumen sen čiste, ali na savora."

11 O Isus džanelas ko izdaila les thaj andar godova phendas: "Naj sen savora čiste."

12 Kana thoda lenđe pungre, lijas pe peste piro ogrtači thaj bolda pe ke sinija. Askal phučla len: "Dali haćaren so ćerdem tumenđe? 13 Tumen akharen man Učitelj thaj Gospod. Lačhe phenen kaj godova vi sem! 14 Pa ako me, o Gospod thaj Učitelj thodem tumenđe e pungre, vi tumen askal trubun te thoven e pungre jek avrešće. 15 Dijem tumen primer: ćeren gajda sago kaj me ćerdem tumenđe. 16 Čače, čače phenav tumenđe: naj o sluga majbaro katar piro gospodari niti si o poslaniko majbaro katar okova savo bičhalda les. 17 Akana, kana džanen godova, blago tumenđe te gajda vi ćeren!"