8 Askal e Nojemina phendas pire duje borjenđe: "Bolden tumen liduj džeja ande ćhera tumare dejenđe. Neka o GOSPOD sikavel piri ljubav prema tumende sago kaj tumen sikadine prema tumare mule roma thaj prema mande. 9 Neka del tumen o GOSPOD te liduj araćhen miro ando ćer tumare neve romengo."

Askal čumida len palo rastanak, a von liduj pe godova ačhile ando baro muj te roven 10 thaj phendine laće: "Na, amen džasa tusa ćire themeste."

11 Ali e Nojemina phendas: "Bolden tumen, čhejalen mungralen, ke tumare ćhera. Sostar te džan manca? Zar bijanava još čhave save šaj avilesas tumare roma? 12 Džan, bolden tumen ćhere, čhejalen mungralen. Me sem but phuri te lav romes. Čak vi kana gindisardemas kaj si nada pale mande, kana arjat lijemas rome thaj bijandemas čhaven, 13 zar ažućardinesas len te barjon? Zar zbog lende ačhilinesas biromengo? Na, čhejalen mugralen! Mungro pharipe si majbaro nego tumaro, kaj o GOSPOD bolda pe protiv mande."

14 Pe godova von palem rujine ando baro muj.

Askal e Orpa čumida pire sokra thaj đelitar, ali e Ruta ačhili lasa.