1 Timóteo 1

1,2 Ngoi, Paulus, to lefo surata nena-ne ra ngana, Timotius, ga’a ma tero ḇato sa’olo ngoi 'ari ngowa’a madutu, sababu ngana re ngoi, ngene rewo ngaku Ma Jou Yesus. Ngoi to dadi Kristus Yesus 'ai so-soma’a mete’e Ma Jou’ongu Madutu 'ai parenta, Unanga ga’a nanga Salamata ma Cimi, re ḏi’i mete’e Yesus Kristus 'ai parenta, Unanga ga’a nanga ngo-nganono.✝1:1-2 Som. 16:1

Ngoi to golo’o ra Ma Jou’ongu Madutu nanga Ḇaḇa re Yesus Kristus nanga Jou di’a 'aḏi sijumu 'akala re sinyingara ma la-la re 'aḏi pula’a mura re dadalara re ḏi’i dame ra ngana.