Jisua inlaltakin Jerusalema a lût
12 Anangtûka chu Kalkân kût khohoia hong loko tamtakin Jisua Jerusalema a hong ti an rieta. 13 Masikin letûmbuongei an chôia ama lamdon rangin an sea, "Hosanna! Pumapa riminga juongpu chu Pathien’n satvur rese! Pathien’n Israel Rêngpa satvur rese!" tiin an inieka.12:13: Lap 118:25,26
14 Jisua’n sakuording inkhat a mua, a chunga a chuonga, Pathien Lekhabu’n ati anghan,
15 "Chi no roh, Zion khopuilien!
Ne Rêng hah sakuordingte,
chunga chuongin a hong ani."12:15: Zak 9:9
16 Ha chong hah aphut han chu a ruoisingeiin riet thei mak ngeia; aniatachu Jisua inlaltakin inthoiin a om suo tena chu Pathien Lekhabu’n ama chungroi a lei miziek ani ti le a chunga ha anga han an lei tho ti an riet zoi.
17 Jisua’n Lazarus thân renga a koi suoka, thina renga a kaithoi lâia mipui om ngei han a thurchi an misîr tir zoia. 18 Ha sininkhêl hah an riet sikin mipui ngeiin an lei don ani. 19 Hanchu Phariseengei han, "En ta u, ite chang khâi mak me! En roi, rammuol pumpuiin ama kêng an jûi zoi hi!" an tia.
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)