24 lásurun líchugun eteingiruni lun Bungiu tuagu, aba lagubachagunu lun lafanreinragunu hadan lánigu, aba lariñagun: «Hou humá; núgubu le, le nederegerubei luagu hufulesein. Adügameme huméi katei le, haritaguagüleme nuagun». 25 Ítara giñe, lárigiñe héiginu fein, aba lanügüni kopu tau diwéin lúhaburugu, aba lariñagun: «Kopu le tau diwéin to, liseinin iseri lidaradun Bungiu huma, le achoururúabei lau nita. Ságüme hátuni, adüga huméi lun haritagun nuagun». 26 Ítara liña lubeiti, darime le lagiribudun Wabureme ubouagun, ságüme heigin fein, gurá huguya diwéin to haritaguagüle luagun Hesusu, harufuduñein luáguti lounwen Hesusu wawagu darime liabin.
Ligaburi leigín éigini le aritaguagülei luagun Hesusu
27 Furumiñeguarügü le éigitu fein tuguya, guraloun diwéin to lani Wabureme Hesukrístu madünamouga, ladügüña figóu lau líchugun minebesei lun lúgubu luma lita Wabureme. 28 Ítara liña lubeiti, kada aban lunti lasubudiragun lungua lubaragiñe léiginu fein luma látunu diwéin.
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)