1 Korintuna 2

Arufudaguati Bungiu lungua lídangiñe lani Sífiri

6 Lau sun lira, yúsutiwa dimurei le lánina lichú aau houn ha wéinamuhañabaña lidan hafiñen. Gama lumoun lichú aau ligía, mama lánina ubóu le; mama giñe hani ha agumadihabaña ya ubouagu, ha madiseelibei hagumuchagun. 7 Luagu lichú lau Bungiu le aramudaguabei wadimureha, lichú aau le daruguñubei lau hawéi gürigia, lememe lanúadirubei Bungiu lun waweirigunme lúmagiñe lubaragiñe ladügüni ubóu.