6 Haritagua humá luagu katei le: Le lóuguati lábunagun, lóuguabei giñe lalubahan; le gíbeti lábunagun, gíbebei giñe lalubahan. 7 Lunti líchugun kada aban hídangiñe, keisi lasandiruni tidan lanigi; mama lau magundani ni ladüga lariñawagún hun lun híchugun, lugundun hínsiñehabuti Bungiu lun le íchugubei lau ugundani. 8 Gayaraati líchugun Bungiu sun luwuyeri abiniruni hun, lun ñein lan le habusenrubei huma súnwandan lun habagaridun, ñein ligíame giñe saragu huma lun hídehan lidan sun katei buiti.
Publicidade