Iseri ibagari lidan Kristu
8 Góunigi humá; mígiraguagüda humá hungua houn ha busenbaña heyeehan lau burí arufudahani málati. Mama lúmagiñeti Kristu katei le harufudahabei, lídangiñeti binadu échuni luma burí ligaburi haritagun gürigia lánina ubóu le.
18 Mígiraguagüda humá hungua houn ha afamurubaña kei ǘnabugutiña, ha áhuduragubaña houn ánheligu, lun hanügüni hagañeirun huéi. Wéiriti hadimurehan luagu nege burí katei le ayawadaguti houn, aba burí hanaagun houngua luagu ligaburi hasaminan, keisi gürigia.
20 Anhein hilaadün lubéi luma Kristu, kagia uagu habagaridunbei kamá hamuga lánigugidün ubóu, 21 íchaagua hungua lun ligaburi ubóu lun hagunfulirun luma Bungiu kei burí hamuga lúrudu le ariñagubei: «Maguurabéi le, meigabéi lira, márügüdabei katei ligía»? 22 Sun burí gumadi le, luáguti burí katei le gagumuchaditi lau layusurún, ani mama amu katei luéi gumadi burí luma arufudahani le hani gürigia. 23 Inarüni luagu gayara lan genege lani burí katei lánina subudi lugundun labusenrúniwa agunfuliruni luma ǘnabuguni lun lagunfulirúniwa lau, ani dereti lira woun. Lau sun lira, mabafuti lúrudu burí ligía lun lerederuniña gürigia luéi hadügüni le haritagubei hadügün.