Layumahan ǘgürügü luma luadigimari Sífiri Sandu
16 Anihán katei le nariñagubei hun: Abagarida humá kei labusenruni Sífiri, ítara luba michu humá gúnfuli lun layumahan ǘgürügü. 17 Ladüga múaradunti Sífiri luma layumahan ǘgürügü; múaradun ligía ǘgürügü luma layumahan Sífiri. Gáganiguati aban luma le aban; ligía lásiñarunbei hadügüni katei le habusenrubei yebe hadügün.
22 Ánheinti igaburi le líchugubei Sífiri: Ínsiñehabuni, ugundani, darangilaü, gaguraasuni, areiduni, lubuidun igaburi, úaraguni, 23 ǘnabuguni, ragüguaü unguaü. Úaraguati burí igaburi le luma furumiñeguarügü lúrudu.