12 Fuleseiwati gürigia le awandubalin óuchawaguni lau gurasu, lugundun danme le láfuridun lau buidu, libihubei ibagari magumuchaditi keisi aban afayeiruahaü le füramase lubéi Bungiu houn ha hínsiñehabubaña lun. 13 Dan le lebelurun lun aban gürigia lun ladügün katei wuribati, maritagualá luagu Bungiu lan ádarubalin katei ligía lidoun; lugundun mebeluti lidoun Bungiu lun ladügün wuribani, mada lumuti giñe hadoun gürigia lun hadügüni. 14 Lubaragiñe lira, dan le lachawahani luriban layumahan gürigia, ligía lábürühan lidoun ladügǘn le wuribabei. 15 Lídangiñe burí luriban ayumahani le, liabin figóu; danti le laweiridun figóu barüti óunweni.