1 ಅಮಿ ಇಟಲಿಕ್ ಢೊನಿತ್ನಾ ಜಾವ್ಚೆ ಮನುನ್ ನಿರ್ದಾರ್ ಕರ್ಲಾಂವ್ ಪಾವ್ಲುಕ್‍ ಅನಿ ಹುರಲ್ಯಾ ಚೊರಾಕ್ನಿ ಜುಲಿಯಸ್ ಮನ್ತಲೊ ಚಕ್ರವರ್ತಿಚ್ಯಾ ಸೈನ್ಯ ರೊಮಾಚೊ ಶತಾದಿಪತಿ ರಾಕ್ವಲಿ ಹೊವ್ನ್ ಹೊತ್ತೊ, ಜುಲಿಯಸ್ ಮನ್ತಲೊ ಚಕ್ರವರ್ತಿಚ್ಯಾ ಸೈನಿಕಾತ್ನಿ ಸೆವಾ ಕರಿತ್ ಹೊತ್ತೊ. 2 ಅಮಿ ಢೊನಿತ್ ಚಡುನ್ ಜಾವ್ಕ್ ಲಾಗ್ಲಾಂವ್ ತಿ ಢೊನಿ ಅದ್ರಮಿತ್ತಿ ಶಾರಾಕ್ನಾ ಯೆಲ್ಲಿ ಅನಿ ಎಶ್ಯಾ ಪ್ರಾಂತ್ಯಾಂಚ್ಯಾ ದುಸ್ರ್ಯಾ ದುಸ್ರ್ಯಾ ಗಾಂವಾಕ್ನಿ ಜಾವ್ಕ್ ತಯಾರ್ ಹೊಲ್ಲಿ, ಮೆಸೆದೊನಿಯಾಚ್ಯಾ ಥೆಸಲೊನಿತ್ಲೊ ಅರಿಸ್ತಾರ್ಕ್ ಮನ್ತಲೊ ಅಮ್ಚ್ಯಾ ವಾಂಗ್ಡಾ ಹೊತ್ತೊ. 3 ದುಸ್ರ್ಯಾಂದಿಸಿ ಅಮಿ ಸಿದೊನ್ ಮನ್ತಲ್ಯಾ ಶಾರಾಕ್ ಪಾವ್ಲಾಂವ್, ಜುಲಿಯಸ್ ಪಾವ್ಲುಚ್ಯಾ ವಿಶಯಾತ್ ಕಾಳ್ಜಿಚೊ ಮಾನುಸ್ ಹೊಲ್ಲೊ, ಪಾವ್ಲುಕ್ ಅಪ್ಲ್ಯಾ ವಾಂಗ್ಡಿಯಾಕ್ನಿ ಭೆಟುಕ್ ತೆನಿ ಒಪ್ಕಿ ದಿಲ್ಯಾನ್, ತನ್ನಾ ತೆಚ್ಯಾ ವಾಂಗ್ಡಿಯಾನಿ ತೆಚ್ಯಾ ಗರ್ಜೆಚೆ ಪಾಜೆ ಹೊಲ್ಲೆ ಸಗ್ಳೆ ತೆಕಾ ದಿಲ್ಯಾನಿ. 4 ಅಮಿ ಸಿದೊನ್ ಶಾರಾಕ್ನಾ ಜಾವ್ಕ್ ಲಾಗ್ಲಾಂವ್, ಇದ್ರಾಕ್ ವಾರೊ ಮಾರುಲಾಗಲ್ಯಾ ಸಾಟ್ನಿ ಅಮಿ ಸೈಪ್ರಸ್ ಮನ್ತಲ್ಯಾ ದ್ಪಿಪಾಚ್ಯಾ ಜಗ್ಗೊಳ್ನಾ ಗೆಲಾಂವ್. 5 ಸಿಲಿಸಿಯಾಕ್ ಅನಿ ಪಾಂಪಿಲಿಯಾಕ್ ಇದ್ರಾಕ್ ಹೊತ್ತ್ಯಾ ಸಮುಂದರಾತ್ನಾ ಅಮಿ ದಾಟ್ಲಾಂವ್ ಅನಿ ಲುಸಿಯಾಚ್ಯಾ ಮುರ್ ಮನ್ತಲ್ಯಾ ಜಾಗ್ಯಾಕ್ ಅಮಿ ಯೆಲ್ಯಾಂವ್. 6 ಅಲೆಕ್ಸಾಂಡ್ರಿಯಾಕ್ನಾ ಯೆವ್ನ್ ಮುರಾತ್ ಇಬೆ ಹೊತ್ತೆ ಎಕ್ ಢೊನ್ ಸೈನಿಕಾಂಚ್ಯಾ ಅಧಿಕಾರಿನ್ ಬಗಟ್ಲ್ಯಾನ್, ತಿ ಢೊನ್ ಇಟಲಿಕ್ ಜಾತಲಿ ಹೊಲ್ಲಿ ತಸೆ ಹೊವ್ನ್ ತೆನಿ ಅಮ್ಕಾ ತ್ಯಾ ಢೊನಿತ್ ಚಡ್ವುಲ್ಯಾನ್.

7 ಅಮಿ ಲೈ ದಿಸಾಂಚ್ಯಾ ಪತರ್ ಸಾವ್ಕಾಸ್ ಢೊನಿತ್ನಾ ಜಾಯ್ತ್ ಹೊತ್ತಾಂವ್ ಅಮಿ ಸ್ನಿಡ್ ಮನ್ತಲ್ಯಾ ಶಾರಾಕ್ ಲೈ ತರಾಸಾನ್ ಪಾವ್ತಲೆ ಹೊಲೆ ,ತನ್ನಾ ವಾರ್‍ಯಾನ್ ಅಮ್ಕಾ ಅಡ್ಕಳ್ ಕರ್ಲ್ಲ್ಯಾನ್, ತಸೆ ಹೊವ್ನ್, ಅಮಿ ಕ್ರೆಟ್ ದ್ಪಿಪಾಚ್ಯಾ ಜಗ್ಗೊಳ್ನಾ ಸಾಲ್ಮೊನೆತ್ನಾ ಪಾರ್ ಹೊವ್ನ್ ಗೆಲಾಂವ್. 8 ಅಮ್ಕಾ ಲೈ ತರಾಸ್ ಹೊತ್ತೊ ಅನಿ ಸಮುಂದರಾಕ್ನಿ ಗಾವಾ ಜಗ್ಗೊಳ್ ಹೊತ್ತ್ಯಾಕ್ನಾಚ್ ಅಮಿ ಜಾಯ್ತ್ ಹೊತ್ತ್ಯಾಂವ್, ಮಾನಾ ಅಮಿ ಸುರಕ್ಷಿತ ಬಂದರು ಮನ್ತಲ್ಯಾ ಜಾಗ್ಯಾಕ್ ಪಾವ್ಲಾಂವ್, ಲಸಾಯ್ ಮನ್ತಲೆ ಶಾರ್ ಜಗ್ಗೊಳ್ ಹೊತ್ತೆ.

9 ಖರೆ ಅಮಿ ಲೈ ಎಳ್ ಕಳ್ದುನ್ ಘೆಟ್ಲ್ಯಾಂವ್, ಅತ್ತಾ ಅಮಿ ಢೊನಿತ್ನಾ ಜಾತಲೆ ಅಪಾಯ್ ಹೊಲ್ಲೆ, ಕಶ್ಯಾಕ್ ಮಟ್ಲ್ಯಾರ್, ಜುದೆವಾಂಚೊ ಉಪಾಸ್ ಕರ್‍ತಲೊ ವೆಳ್ ಕಳ್ದುನ್ ಗೆಲ್ಲೊ. 10 ತಸೆ ಹೊವ್ನ್ ಪಾವ್ಲುನ್ ತೆಂಕಾ, ಅಮ್ಕಾ ಜಾತಾನಾ ಲೈ ತರಾಸ್ ಹೊತಲೆ ರ್‍ಹಾವ್ಕ್ ಫಿರೆ ಢೊನಿಯಾ, ಅನಿ ತ್ಯಾತುರ್ ಹೊತ್ತಿ ಸಾಮಾನಾ ಸಗ್ಳಿ ನಾಸ್ ಹೊವ್ನ್ ಜಾತಾತ್ ಅಮ್ಚಿ ಜಿವಾಬಿ ನಾಸ್ ಹೊತಾತ್ ಮನುನ್ ಸಾಂಗುಕ್ ಹೊಯ್ನಾ! ಮನುನ್ ಹುಶ್ಯಾರ್ಕಿ ದಿಲ್ಯಾನ್. 11 ಹೊಲ್ಯಾರ್ಬಿ ಢೊನಿಚ್ಯಾ ಮುಖಂಡಾನ್, ಅನಿ ಯಜಮಾನಾನಿ ಪಾವ್ಲುಚಿ ಗೊಸ್ಟಿಯಾ ಮಾನುಕ್ನಾತ್ ತಸೆ ಹೊವ್ನ್ ಸೈನಿಕಾಂಚೊ ಅಧಿಕಾರಿಬಿ ಪಾವ್ಲುನ್ ಸಾಂಗ್ತಲ್ಯಾಕ್ ಲಕ್ಷ್ಯ ದಿ ನಸ್ತಾನಾ ತೆನಿ ಸಾಂಗ್ತಲೆಚ್ ವಿಸ್ವಾಸ್ ಕರುಕ್ಲಾಗ್ಲೊ. 12 ಲೈ ಲೊಕಾನಿ ಥಂಡೆಚಿ ದಿಸಾ ಕಳ್ದುಕ್ ಫೆಲಿಕ್ಸಾಕ್ ಜಾವ್ನ್ ಪಾವ್ಚೆ ಮನುನ್ ಕಟ್ಪಟ್ಲ್ಯಾನಿ ,ಫೆಲಿಕ್ಸಾಮನ್ತಲೊ ಢೊನ್ ಇಬೆರಾತಲೊ ಜಾಗೊ ಕ್ರೆಟ್ ದ್ವಿಪಾತ್ ಹೊತ್ತೊ, ತೊ ತ್ಯಾ ಎಳಾರ್ ಢೊನ್ ಚಾಲ್ವುಕ್ ವಾರೊ ಮಾರ್‍ತಲ್ಯಾ ದಿಕ್ಕಾಕ್ಡೆ ತೊಂಡ್ ಕರುನ್ ಹೊತ್ತೊ.

13 ಮಾನಾ ಅಮಿ ಜಾವ್ಕ್ ಆಸ್ಯಾ ಕರಲ್ಯಾ ದಿಕ್ಕಾಕ್ನಾ ಬರೊ ವಾರೊ ಯೆವ್ಕ್ ಲಾಗ್ಲೊ, ತನ್ನಾ ಢೊನಿತ್ನಿ ಸಗ್ಳ್ಯಿಲೊಕಾಬಿ, ಆಮ್ಕಾ ಪಾಜೆ ಹೊಲ್ಲೊ ಅಸ್ಲೊಚ್ ವಾರೊ ಅತ್ತಾ ತೊ ಅಮ್ಕಾ ಗಾವ್ಲೊ! ಮನುನ್ ಕಳ್ವುನ್ ಘೆವ್ಕ್ ಲಾಗ್ಲೆ, ಅನಿ ತೆನಿ ಢೊನಾಕ್ ಭಾಂದುನ್ ಥವಲ್ಲೊ ಗೊಕ್ಕೊ ವೈರ್ ಪರ್ತುನ್ ಘೆಟ್ಲ್ಯಾನಿ, ಅಮಿ ಕ್ರೆಟ್ ಮನ್ತಲ್ಯಾ ದ್ವಿಪಾಚ್ಯಾ ಕರಾವಳಿಕ್ನಾ ಗೆಲಾಂವ್. 14 ಖರೆ ದಿಸ್ ಉಗಾವ್ತಲ್ಯಾ ದಿಕ್ಕಾಚ್ಯಾ ಢಾವ್ಯಾ ಭಾಜುಕ್ನಾ ಮಾರ್ತಲೊ ಮೊಟೆ ಲಾಟಾ ಉಟ್ವುತಲೊ ವಾರೊ ತ್ಯಾ ದ್ವಿಪಾತ್ ಮಾರುಕ್ಲಾಗ್ಲೊ. 15 ಅನಿ ತೊ ವಾರೊ ಅಮ್ಚ್ಯಾ ಮೊಟ್ಯಾ ಢೊನಾಕ್ ಮಾರುನ್ ಘೆವ್ನ್ ಗೆಲೊ ಅಮ್ಚಿ ಢೊನಿ ತೊ ವಾರೊ ಯೆತಲ್ಯಾ ದಿಕ್ಕಾಕ್ ಇದ್ರಾಕ್ ಹೊವ್ನ್ ಜಾವ್ಕ್ ಹೊವ್ಕ್ನಾ ,ಅಮಿ ಕಟ್ಪಟ್ ಕರ್‍ತಲೆ ಸೊಡ್ಲ್ಯಾಂವ್ ತೊ ವಾರೊ ಜಾವ್ಕ್ ಲಾಗಲ್ಯಾ ಭಾಜುಕುಚ್ ಢೊನ್ ಬಿ ಜಾವ್ಕ್ ಲಾಗ್ಲಿ. 16 ಅಮಿ ಕ್ಲೌಡ್ ಮನ್ತಲ್ಯಾ ಬಾರಿಕ್ ದ್ಪಿಪಾಚ್ಯಾ ಮುಳಾತ್ನಾ ಗೆಲಾಂವ್ ತನ್ನಾ ಅಮಿ ಮೊಟ್ಯಾ ಢೊನಾತ್ ಬಾರಿಕ್ ಢೊನ್ ಭುತ್ತುರ್ ಘೆವ್ಕ್ ಹೊಲೆ ಹೊಲ್ಯಾರ್ಬಿ ತೆ ಕಾಮ್ ಲೈ ತರಾಸಾಚೆ ಹೊತ್ತೆ. 17 ತನ್ನಾ ಸುರ್ತಿಸ್ ಮನ್ತಲ್ಯಾ ರೆತಿತ್ ಸಿರ್ಕುನ್ ಪಡ್ತಾವ್ ಮನ್ತಲ್ಯಾ ಭಿಂಯಾನ್ ಢೊನಾ ವರ್‍ತಿ ತೆಕಾ ಪಳ್ತಲೆ ಕಮ್ಮಿ ಕರುಕ್ ಮನುನ್ ಭಾಂದಲಿ ಸಾಮಾನಾ ಖಾಲ್ತಿ ಉತ್ರುನ್ ವಾರ್ಯ್ಯಾಕ್ ಢೊನಾಕ್ ಮಾರುಂಗೆವ್ನ್ ಜಾವ್ಕ್ ಅವಕಾಸ್ ಕರುನ್ ದಿಲ್ಯಾನಿ. 18 ದುಸ್ರ್ಯಾಂದಿಸಿ ಮೊಟೊ ವಾರೊ ಲೈ ಮಾರುಕ್‍ಲಾಗ್ಲೊ, ತನ್ನಾ ಲೊಕಾನಿ ಢೊನಾತ್ಲೊ ಉಲ್ಲೊ ಸಾಮಾನ್ ಕಾಡುನ್ ಟಾಕ್ಲ್ಯಾನಿ. 19 ತೆಚ್ಯಾ ದುಸ್ರೆಂದಿಸಿ ಹೊಲ್ಲ್ಯಾ ಮಾನಾ ಢೊನಿಚಿ ಸಾಮಾನಾ ಅಪ್ಲ್ಯಾ ಸ್ವತಾಚ್ಯಾ ಹಾತಾನಿ ಟಾಕ್ಲ್ಯಾನಿ. 20 ಅಮಿ ಲೈ ದಿಸಾಂಚ್ಯಾ ಪತರ್ ದಿಸ್ ಹೊಂವ್ದಿ ನಾಹೊಲ್ಯಾರ್ ಚಿಕ್ಕಿಯಾ ಹೊಂವ್ದಿ ಬುಗುಕ್ ಹೊವ್ಕ್ ನಾ ಮೊಟೊ ವಾರೊ ಭಯಾನಕ್ ಹೊತ್ತೊ ,ಅಮಿ ಜಿವಾನಿ ರಾತಾಂವ್, ಮನ್ತಲೊ ಬರೊಸೊ ಕಳ್ದುನ್ ಘೆಟ್ಲ್ಯಾಂವ್.

21 ಪಾವ್ಲುನ್ ತೆಂಚ್ಯಾ ಇದ್ರಾಕ್ ಉಟುನ್ ಇಬೆ ರ್‍ಹಾವ್ನ್ ಮಾಜಿ ಗೊಸ್ಟ್ ಆಯ್ಕುನ್ ತುಮಿ ಕ್ರೆಟ್ ದ್ವಿಪಾತ್ನಾ ಯೆಯ್ ನಸ್ತಾನಾ ಹೊತ್ತೆ ಹೊಲ್ಯಾರ್ ಹ್ಯೊ ತರಾಸ್ ಅನಿ ಲುಕ್ಷಾನ್ ಹೊಯ್ನಶಿ ಹೊತ್ತೊ, 22 ಅತ್ತಾ ತರಿ ತುಮಿ ಉಮ್ಮೆದಿನ್ ರ್‍ಹಾವಾ ದೆವ್ ತುಮ್ಚ್ಯಾ ವಾಂಗ್ಡಾ ಹಾಯ್ ಮನುನ್ ಮಿಯಾ ತುಮ್ಕಾ ಸಾಂಗುಲ್ಲಾ ತುಮ್ಚ್ಯಾತ್ಲೊ ಎಕ್ಲೊಬಿ ಮರಿನಾತ್ ಖರೆ ಢೊನ್ ನಾಸ್ ಹೊವ್ನ್ ಜಾತಾ. 23 ಕಳದಲ್ಲ್ಯಾ ರಾತ್ತಿನ್ ದೆವಾಕ್ನಾ ಎಕ್ ದುತ್ ಮಾಜ್ಯಾ ಬಾಜುಕ್ ಯೆವ್ನ್ ಇಬೆ ಹೊತ್ತೊ ಮಿಯಾ ಆರಾದನ್ ಕರ್ತಲೆ ತ್ಯಾಚ್ ದೆವಾಕ್ ಅನಿ ಮಿಯಾ ತೆಜೊಚ್. 24 ದೆವಾಚ್ಯಾ ದುತಾನ್ ಮಾಕಾ, ಪಾವ್ಲು, ಭಿಂವ್‌ನಕ್ಕೊ! ತಿಯಾ ಸಿಸರಾಚ್ಯಾ ಇದ್ರಾಕ್ ಇಬೆ ರ್‍ಹಾವ್ಕ್ ಪಾಜೆ ತುಜ್ಯಾ ವೈಲ್ಯಾ ದಯಾ ವೈನಾ ತುಜ್ಯಾ ವಾಂಗ್ಡಾ ಜಾಯ್ತ್ ಹೊತ್ತ್ಯಾ ಹರ್ ಎಕ್ಲ್ಯಾಚೊ ಜಿವ್ಬಿ ದೆವ್ ಹುರ್ವುತಾ ಮನುನ್ ಸಾಂಗ್ಲ್ಯಾನ್.

25 ತಸೆಹೊವ್ನ್, ಲೊಕಾನು ಧರ್ಯಾನ್ ರ್‍ಹಾವಾ! ಮಿಯಾ ದೆವಾಚೆರ್ ಬರೊಸೊ ಥವ್ಲಾ ತೆನಿ ಸಾಂಗಲೆ ಸಾರ್ಕೆಚ್ ಹರ್ ಎಕ್‍ಬಿ ಹೊತಾ. 26 ಖರೆ ಅಮಿ ಎಕ್ ದ್ವಿಪಾಚ್ಯಾ ದಂಡೆಕ್ ಪಾವ್ತಲೆ ಹಾಯ್ ಮಟ್ಲ್ಯಾನ್.

27 ಚೌವ್ದಾ ದಿಸಾಚ್ಯಾ ರಾತ್ತಿನ್ ಅಮಿ ಭುಮದ್ದ್ಯಾ ಸಮುಂದರಾತ್ ತಿಕ್ಡಿನ್ ಹಿಡ್ಕಿನ್ ಹಾಲುಂಗೆತ್ ಜಾವ್ಕ್ ಲಾಗ್ಲಾಂವ್, ತನ್ನಾ ಅಮಿ ದಂಡೆಕ್ ಜಗ್ಗೊಳ್ ಕರ್ಲಾಂವ್ ಮನುನ್ ಢೊನ್ ಚಾಲ್ವುತಲ್ಯಾನಿ ಚಿಂತ್ಲ್ಯಾನಿ. 28 ತೆನಿ ಮಾಪಾಚೊ ಗುಂಡೊ ದೊರಿಚ್ಯಾ ತುದಿಕ್ ಭಾಂದುನ್ ತಿ ದೊರಿ ಪಾನಿಯಾತ್ ಸೊಡ್ಲ್ಯಾನಿ ಪಾನಿ ಅಜುನ್ ವಿಸಾರ್ ಸಾ ಮಾನ್ಸಾ ಬರ್ ಖೊಲ್ ಹೊತ್ತೆ ತೆನಿ ಅನಿ ಉಲ್ಲೆ ಧುರ್ ಜಾವ್ನ್ ದೊರಿ ಪಾನ್‍ಯಾತ್ ಸೊಡುನ್ ಬಗ್ತಾನಾ ಥೈ ಪಾನಿ ವಿಸ್ ಮಾನ್ಸಾ ಭರ್ ಖೊಲ್ ಹೊತ್ತೆ. 29 ಢೊನಿ ಜಾವ್ನ್ ಮೊಟ್ಯಾ ಗುಂಡ್ಯಾಕ್ ಆದಳ್ತಾ ಮನುನ್ ಚಾಲ್ವುತಲಿ ಲೊಕಾ ಭಿಂಯಾಲಿ, ತಸೆ ಹೊವ್ನ್ ತೆನಿ ಪಾನಿಯಾತ್ ಚಾರ್ ಢೊನಾಕ್ ಭಾಂದುನ್ ಥವ್ತಲೆ ಗೊಕ್ಕೆ ಸೊಡ್ಲ್ಯಾನಿ, ಅನಿ ಲಗ್ಗುನಾ ಉಜ್ವಾಡುಂದಿತ್ ಮನುನ್ ಮಾಗ್ನಿ ಕರ್‍ಲ್ಯಾನಿ. 30 ತನ್ನಾ ಎಗ್ದಾ ಢೊನಾತ್ನಾ ಚುಕ್ವುನ್ ಘೆವ್ನ್ ಜಾವ್ಕ್ ಸಾಟ್ನಿ ಢೊನ್ ಚಾಲ್ವುತಲ್ಯಾನಿ ಕಟ್ಪಟ್ ಕರ್‍ಲ್ಯಾನಿ, ತೆನಿ ಬಾರಿಕ್ ಢೊನಾ ಘೆವ್ನ್ ಮೊಟ್ಯಾ ಢೊನಾಂಚ್ಯಾ ಫಿಡ್ಯಾತ್ ಗೊಕ್ಕೆ ಸೊಡಲ್ಯಾ ಸಾರ್ಕೆ ಕರುನ್ ದಾಕ್ವುಲ್ಯಾನಿ. 31 ಖರೆ ಪಾವ್ಲುನ್ ಸೈನಿಕಾಂಚ್ಯಾ ಅಧಿಕಾರ್ಯ್ಯಾಕ್, ಅನಿ ಹುರಲ್ಲ್ಯಾ ಸೈನಿಕಾಕ್ನಿ ಹಿ ಢೊನ್ ಚಾಲ್ವುತಲಿ ಮಾನ್ಸಾ ಢೊನಾತ್ ರ್‍ಹಾಯ್ ನಸ್ತಾನಾ ತುಮ್ಚಿ ಜಿವಾ ಹುರ್ವುನ್ ಘೆವ್ಕ್ ಹೊಯ್ನಾ ಮಟ್ಲ್ಯಾನ್. 32 ತಸೆ ಹೊವ್ನ್, ಸೈನಿಕಾನಿ ದೊರಿಯ್ಯಾ ಕಾಪುನ್ ಬಾರಿಕ್ಲಿ ಢೊನ್ಯಾ ಪಾನಿಯಾತ್ ಜಾಯ್ ಸಾರ್ಕೆ ಕರ್‍ಲ್ಯಾನಿ.

33 ಅಜುನ್ ಉಜ್ವಾಡುಂಗೆತ್ ರ್‍ಹಾತಾನಾಚ್ ಪಾವ್ಲುನ್ ತೆಂಕಾ ಪೊಟಾಕ್ ಕಾಯ್ತರಿ ಉಲ್ಲೆ ಖಾವಾ ಮನುನ್ ಒತ್ತಾಯ್ ಕರುನ್ ಆಮಿ ಅತ್ತಾ ಚೌದಾ ದಿಸಾ ಕಳ್ದ್ಲಾಂವ್ ಅಜುನ್ ಪತರ್ ತುಮಿ ಕಾಯ್ಬಿ ಖಾವ್ಕ್ ನಾಸಿ, 34 ಅತ್ತಾ ಮಿಯಾ ತುಮ್ಚ್ಯಾಕ್ಡೆ ಮಾಗ್ತಾ ಉಲ್ಲೆ ತರಿಬಿ ಜೆವಾನ್ ಕರುಕ್ ಪಾಜೆ ತುಮಿ ಝಿತ್ತೆ ರಾವ್ಚೆ ಹೊಲ್ಯಾರ್ ಜೆವಾನ್ ಕರುಕ್ ಪಾಜೆ ತುಮ್ಚ್ಯಾತ್ಲ್ಯಾ ಎಕ್ಲ್ಯಾಚೆಬಿ ಟಕ್ಲ್ಯಾತ್ಲೆ ಎಕ್ ಕೆಸ್‍ಬಿ ಕಳ್ದುನ್ ಘೆಯ್ನ್ಯಾಶಿ ಮನುನ್ ಮಿಯಾ ತುಮ್ಕಾ ಸಾಂಗ್ತಾ ಮಟ್ಲ್ಯಾನ್. 35 ಅಶೆ ಸಾಂಗುನ್ ಮಾನಾ ಪಾವ್ಲುನ್ ಭಾಕ್ರಿ ಘೆವ್ನ್ ತಿಕಾ ಸಗ್ಳ್ಯಾಂಚ್ಯಾ ಫಿಡ್ಯಾತ್ ದೆವಾಕ್ ಸ್ತುತಿ ಕರ್‍ಲ್ಯಾನ್, ಅನಿ ಭಾಕ್ರಿ ಮೊಡುನ್ ತುಕ್ಡೊ ಖಾವ್ಕ್ ಲಾಲೊ. 36 ತನ್ನಾ ಸಗ್ಳಿ ಲೊಕಾಬಿ ಧರ್ಯೊ ಘೆವ್ನ್ ಭಾಕ್ರಿ ಖಾವ್ಕ್ ಲಾಗ್ಲಿ. 37 ತ್ಯಾ ಢೊನಾತ್ ದೊನ್ಸೆ ಸತ್ತರಾರ್ ಸಾ ಲೊಕಾ ಹೊತ್ತ್ಯಾಂವ್. 38 ಅಮಿ ಪೊಟ್ ಭರಿ ಪತರ್ ಖಾಲ್ಲ್ಯಾಂವ್ ಅನಿ ಹುರಲ್ಲೆ ದಾನೆ ಸಗ್ಳ್ಯೆ ಸಮುಂದರಾತ್ ಟಾಕುನ್ ಢೊನಾಕ್ ವಜ್ಜೆ ಕಮ್ಮಿ ಕರ್ಲಾಂವ್.

39 ಉಜ್ವಾಡಲ್ಲ್ಯಾ ತನ್ನಾ ಢೊನ್ ಚಾಲ್ವುತಲ್ಯಾಕ್ನಿ ದಂಡೆಕ್ ವಳ್ಕುಕ್ ಹೊವ್ಕ್ ನಾ, ಖರೆ ತೆನಿ ಬಗ್ತಾನಾ ತೆಂಕಾ ಎಕ್ ದರ್ಯಾಚೊ ಫಾಟೊ ದಿಸ್ಲೊ ತ್ಯಾತುರ್ನಾ ಭಾಯ್ರ್ ಯೆವ್ಕ್ ಹೊತಾ ಮನುನ್ ತೆನಿ ಚಿಂತ್ಲ್ಯಾನಿ.

40 ತಸೆ ಹೊವ್ನ್, ತೆನಿ ಢೊನಾಚಿ ದಿಕ್ಕಾ ಬದಲ್ತಲ್ಯಾ ಗೊಕ್ಕ್ಯಾಕ್ ಧರುನ್ ಘೆಟಲ್ಲ್ಯಾ ಧೊರ್ಯಾಕ್ನಿ ಕಾಪುನ್ ಟಾಕ್ಲ್ಯಾನಿ ಅನಿ ಫಿಡ್ಲ್ಯಾ ಭಾಜುಚ್ಯಾ ಢೊನಾಕ್ ಭಾಂದಲ್ಲಿ ಫಾಳಿ ಉಕ್ಲುಕ್ ವಾರ್ಯ್ಯಾಕ್ ಬಾಂದುನ್ ದಂಡೆಕ್ಡೆ ಜಾವ್ಕ್ ಲಾಗ್ಲ್ಯಾಂವ್. 41 ಖರೆ ಮೊಟಿ ಢೊನ್ ರೆತಿಚ್ಯಾ ಗುಡ್ಯಾಕ್ ಆಡ್ಲುನ್ ಢೊನಾಚೊ ಫಿಡ್ಲೊ ಭಾಗ್ ರೆತಿತ್ ಸಿರ್ಕುನ್ ಪಡಲ್ಯಾಕ್ ಢೊನ್ ಚಾಲ್ವುಕ್ ಹೊವ್ಕ್ ನಾ, ಮಾನಾ ಮೊಟಿ ಲಾಟಾ ಯೆವ್ನ್ ಢೊನಾಚ್ಯಾ ಫಾಟ್ಲ್ಯಾ ಭಾಜುಕ್ ಮಾರುನ್ ತುಕ್ಡೆ ತುಕ್ಡೆ ಕರುನ್ ಟಾಕುಕ್ ಲಾಗ್ಲೆ.

42 ಎಕ್ ಚೊರ್ಬಿ ಚುಕ್ವುನ್ ಘೆವ್ನ್ ಜಾವ್ಕ್ ನಾ ಮನುನ್ ಸೈನಿಕಾನಿ ತೆಂಕಾ ಜಿವ್ ಕಾಡುಚೆ ಮನುನ್ ಚಿಂತಲ್ಲ್ಯಾನಿ . 43 ಖರೆ ಸೈನಿಕಾಂಚೊ ಅಧಿಕಾರಿಕ್ ಪಾವ್ಲುಕ್ ಹುರ್ವ್ವುಚೆ ಹೊತ್ತೆ, ತಸೆ ಹೊವ್ನ್, ತೆನಿ ತೆಂಕಾ ಚೊರಾಂಚೊ ಜಿವ್ ಕಾಡುಕ್ ಸೊಡುಕ್ನಾ ಹೆಚ್ಯಾ ಬದ್ಲಾಕ್ ತೆನಿ ಪೆವುಕ್ ಯೆತಲೆ ಸಗ್ಳೆ ಹುಡುನ್ ಪೆವುನ್ಗೆತ್ ದಂಡೆಕ್ ಪಾವಾ ಮನುನ್ ಹುಕುಮ್ ದಿಲ್ಯಾನ್ . 44 ಹುರಲಿ ಲೊಕಾ ಫಳಿಯಾ ಅನಿ ಢೊನಾಚೆ ತುಕ್ಡೆ ಧರುನ್ ಘೆವ್ನ್ ಜಾವ್ನ್ ದಂಡೆಕ್ ಪಾವ್ಲೆ, ತಸೆ ಅಶೆ ಅಮಿ ಸಗ್ಳ್ಯಿ ಲೊಕಾಬಿ ಬರ್‍ಯಾ ರಿತಿನ್ ದಂಡೆಕ್ ಪಾವ್ಲಾಂವ್.