1 ಪಾರಸಿಯಾಚೊ ರಾಜಾ ಕೊರೆಶಾಚ್ಯಾ ರಾಜ್ವಟ್ಕಿಚ್ಯಾ ತಿನ್ವ್ಯಾ ವರ್ಸಾತ್ ಬೆಲ್ತೆಶಚ್ಚರ್ ನಾವಾಚ್ಯಾ ದಾನಿಯೆಲಾಕ್ಎಕ್ ವಿಶಯ್ ಪರ್ಗಟ್ ಹೊತಾ, ತಿ ಲೈ ತರಾಸಾಚಿ ಖರಿ ವಿಶಯ್ ಹೊಲ್ಲಿ ರ್‍ಹಾತಾ, ತೆ ಬಗಟಲ್ಲೆ ದರ್ಶನ್ ಸಮ್ಜುನ್, ಮನಾತುಚ್ ಥವ್ನ್ ಘೆಟ್ಲ್ಯಾನ್. 2 ತ್ಯಾ ದಿಸಾತ್ನಿ ಮಿಯಾ ದಾನಿಯೆಲ್ ತಿನ್ ವಾರಾಂಚ್ಯಾ ಪತರ್ ಲೈ ದುಕ್ಕಾನ್ ಹೊತ್ತೊ. 3 ತಿನ್ ವಾರ್ ಸರಿ ಪತರ್ ಮಿಯಾ ಕಾಯ್ಬಿ ಬರೆ ಜೆವಾನ್ ಖಾವ್ಕ್ ನಾ, ಅನಿ ಮಾಸ್ ಖಾವ್ಕ್ ನಾ ವಾಯ್ನ್ ಬಿ ತೊಂಡಾತ್ ಧರುಕ್ ನಾ, ಅನಿ ತೆಲ್ಬಿ ಲಾವ್ನ್ ಘೆವ್ಕ್ ನಾ. 4 ಪೈಲೆಚ್ಯಾ ಮಯ್ನ್ಯಾಚ್ಯಾ ವಿಸಾರ್ ಚಾರ್ವೆಚ್ಯಾ ದಿಸಿ ಹಿದ್ದೆಕೆಲ್ ಮನ್ತಲ್ಯಾ, ನ್ಹಯಿಚ್ಯಾ ದಂಡೆಕ್ ರಾವ್ನ್, 5 ಡೊಳೆ ವರ್‍ತಿ ಕರುನ್ ಬಗ್ತಾನಾ, ಚೊಕ್ ಕಪ್ಡೆ ಕಾಂಬ್ರುನ್ ಘೆವ್ನ್, ಸೊನ್ಯಾಚಿ ಪಟ್ಟಿ ಕಂಬ್ರೆಕ್ ಭಾಂದುನ್ ಘೆಟಲ್ಲೊ ಎಕ್ ಘೊ ಮಾನುಸ್ ದಂಡೆಕ್ ಇಬೆ ಹೊತ್ತೊ ಮಾಕಾ ದಿಸ್ಲೊ. 6 ತೆಚೆ ಆಂಗ್ ಪಿತ್ಳಿ ಗತಿನ್ ಹೊಳ್ವುಲಾಗಲ್ಲೆ, ಅನಿ ತೆಚೆ ತೊಂಡ್ ಲಕ್ಲಕ್ಯಾಚ್ಯಾ ಗತಿನ್ ಹೊಳ್ವುಲಾಗಲ್ಲೆ, ತೆಚೆ ಡೊಳೆ ಪೆಟ್ತಲ್ಯಾ ಆಗಿಚ್ಯಾ ಗತಿನ್ ಹೊತ್ತೆ, ತೆಚಿ ಪಾಂಯಾ ಚೊಕ್ಕ್ ಗಾಸಲ್ಲ್ಯಾ ತಾಂಬ್ಯಾಚ್ಯಾ ಗತಿನ್ ಥಳ್ತಳುಕ್ಲಾಗಲ್ಲಿ, ತೆಚೆ ಬೊಲ್ನೆ ಲೈ ಲೊಕಾಂಚ್ಯಾ ಬೊಬೆ ಗತಿನ್ ಆಯ್ಕೊ ಯೆಲೆ. 7 ಮಿಯಾ ದಾನಿಯೆಲ್ ಎಕ್ಲ್ಯಾನುಚ್ ತೊ ದರ್ಶನ್ ಬಗಟ್ಲೊ; ಖರೆ ಮಾಜ್ಯಾ ವಾಂಗ್ಡಾ ಹೊತ್ತ್ಯಾಕ್ನಿ ತೆ ದಿಸುಕ್ ನಾ, ತೆಂಕಾ ಥರ್ಥರೊ ಯೆವ್ನ್, ತೆನಿ ಜಾವ್ನ್ ನಿಪ್ಲ್ಯಾನಿ. 8 ಮಿಯಾ ಎಕ್ಲೊಚ್ ಹುರಲ್ಲೊ ಅನಿ ತೆ ಮೊಟೊ ದರ್ಶನ್ ಬಗುನ್, ಫುರಾ ಬಳ್ ಕಳ್ದುನ್ ಘೆಟ್ಲೊ, ಅನಿ ಇಬೆ ರಾವ್ಕ್ ಹೊಯ್ನಾ ಸಾರ್ಕೆ ಹೊಲೆ. 9 ಖರೆ ತೊ ಬೊಲ್ತಲೆ ಬೊಲ್ನೆ ಆಯ್ಕೊ, ತೆಚಿ ಬೊಲ್ನಿಯಾ ಮಾಜ್ಯಾ ಕಾನಾತ್ ಪಡಲ್ಲ್ಯಾ ತನ್ನಾ ಮಿಯಾ ಖಾಲ್ತಿ ಡಬ್ಬ್ ಪಡಲ್ಲೊ ಹೊತ್ತೊ. 10 ಆಹಾ, ಮಾಕಾ ಎಕ್ ಹಾತಿನ್ ಆಪಡ್ಲ್ಯಾನ್, ತೆಜ್ಯಾ ವಯ್ನಾ ಮಿಯಾ ಖಾಪುನ್ಗೆತ್, ಡೊಗ್ಲಾ ಅನಿ ಹಾತಾಂಚ್ಯಾ ವರ್‍ತಿ ಇಬೆ ರಾಲೊ ಖರೆ ಥರ್ಥರುಕ್ ಲಾಗಲ್ಲೊ. 11 ತನ್ನಾ ತೆನಿ ಮಾಕಾ, ಲೈ ಪ್ರೆಮಾಚ್ಯಾ ದಾನಿಯೆಲಾ, ದೆವಾಕ್ ಮಾಜಿ ಬೊಲ್ನಿ ಆಯ್ಕ್, ಉಟುನ್ ಇಬೆ ರಾ, ಮಾಕಾ ತುಜೆಕ್ಡೆ ಧಾಡುನ್ ಹೊಲಾ, ಮಟ್ಲ್ಯಾನ್, ತನ್ನಾಚ್ ಮಿಯಾ ಲಗ್ಗುನಾ ಉಟುನ್ ಥರ್ಥರುನ್ಗೆತ್ ಇಬೆ ರಾಲೊ. 12 ಮಾನಾ ತೆನಿ ಮಾಕಾ, ದಾನಿಯೆಲ್, ಭಿಂವ್ ನಕ್ಕೊ, ತಿಯಾ ದೆವಾಚ್ಯಾ ಉದ್ದೆಶಾ ಸಾರ್ಕೆ ಚಲುಕ್ ಅನಿ ತುಕಾಚ್ ತಿಯಾ ದೆವಾಚ್ಯಾ ಇದ್ರಾಕ್ ಖಾಲ್ತಿ ಕರುನ್ ಘೆವ್ಕ್ ಮನ್ ಕರಲ್ಲ್ಯಾ ದಿಸಿಚ್ ತುಜಿ ಮಾಗ್ನಿ ದೆವಾಕ್ಡೆ ಪಾವ್ಲಾ, ತ್ಯಾ ಮಾಗ್ನಿಚ್ಯಾ ವಯ್ನಾಚ್ ಮಿಯಾ ಹಿತ್ತೆ ಯೆಲಾ. 13 ಪಾರಸಿಯಾಚ್ಯಾ ರಾಜ್ಯಾಚ್ಯಾ ರಾಕ್ವಲ್ಯಾನ್ ವಿಸಾರ್ ಎಕ್ ದಿಸಾ ಪತರ್ ಅಡ್ವುಲ್ಯಾನ್, ಅಬಕ್ ರಾಕ್ವಲ್ಯಾಂಚ್ಯಾ ಮುಖಂಡಾಂತ್ಲೊ ಎಕ್ಲೊ ಧುತ್ ಮಿಂಗೆಲ್ ಮಾಜ್ಯಾ ಮಜತಿಕ್ ಯೆಲೊ, ಪಾರಸಿಚ್ಯಾ ರಾಕ್ವಲ್ಯಾ ವಾಂಗ್ಡಾ ಹೊರಾಟ್ ಕರುನ್, 14 ಅನಿ ಆಕ್ರಿಕ್ ತುಜ್ಯಾ ಲೊಕಾಕ್ನಿ ಹೊತಲಿ ಗತ್ ತುಕಾ ಸಾಂಗುಕ್ ಮನುನ್ ಯೆಲೊ; ಮಟ್ಲ್ಯಾನ್. 15 ತೆನಿ ಮಾಜ್ಯಾ ವಾಂಗ್ಡಾ ಹ್ಯಾ ವಿಶಯಾತ್ ಬೊಲಲ್ಯಾ ತನ್ನಾಚ್, ಮಿಯಾ ತೊಂಡ್ ಖಾಲ್ತಿ ಕರುನ್ ಗಪ್ ರಾಲೊ. 16 ಅಬಕ್, ಮಾನ್ಸಾಚ್ಯಾ ರುಪಾಚ್ಯಾ ಎಕ್ಲ್ಯಾನ್ ಮಾಜಿ ಹೊಟ್ಟಾ ಅಪಡ್ತಾನಾ, ಮಿಯಾ ತೊಂಡ್ ಉಗ್ಡುನ್ ಮಾಜ್ಯಾ ಇದ್ರಾಕ್ ಹೊತ್ತ್ಯಾಕ್, "ಮಾಜ್ಯಾ ಧನಿ ಮಾಕಾ ಹ್ಯಾ ದರ್ಶನಾ ವಯ್ನಾ ಲೈ ತರಾಸಾ ಯೆಲಾತ್, ಅನಿ ಮಿಯಾ ಬಳ್ ನತ್ತೊ ಹೊಲೊ. 17 ಮಾಜ್ಯಾ ಧನಿಯಾಚೊ ಸೆವಕ್ ಮಿಯಾ ಮಾಜ್ಯಾ ಧನಿ ವಾಂಗ್ಡಾ ಕಸೆ ಬೊಲುಕ್ ಹೊತಾ? ಅತ್ತಾಕ್ ಸಗ್ಳಿ ಬಳ್ ಕಳ್ದುನ್ ಘೆಟಲ್ಲೊ ಹೊಲೊ, ಮಾಕಾ ಉಸಿಲ್ ಬಿ ಹುರುಕ್ನಾ" ಮಟ್ಲೊ. 18 ಪರ್‍ತುನ್ ಅನಿ ಎಕ್ದಾ ಮಾನ್ಸಾಚ್ಯಾ ರುಪಾಚ್ಯಾನ್ ಮಾಕಾ ಅಪ್ಡುನ್, ಬಳ್ ಹೊಯ್ ಸಾರ್ಕೆ ಕರ್ಲ್ಯಾನ್. 19 ಮಾನಾ ತ್ಯಾ ಮಾನ್ಸಾನ್ ಮಾಕಾ, ಲೈ ಪ್ರೆಮಾಚ್ಯಾ ಲೆಕಾ, ಭಿಂವ್ ನಕ್ಕೊ ತುಕಾ ಸಮಾಧಾನ್ ರಾಂವ್ದಿತ್, ಬಳಾನ್ ಅನಿ ಧಯ್ರ್ಯಾನ್ ಭರ್ ಮಟ್ಲ್ಯಾನ್, ತೆನಿ ತಿ ಗೊಸ್ಟ್ ಸಾಂಗಲ್ಲ್ಯಾ ತಸೆಚ್ ಮಿಯಾ ಬಳಾನ್ ಭರುನ್, ತಿಯಾ ಮಾಕಾ ಬಳ್ ದಿಲೆ, ಅತ್ತಾ ಬೊಲ್ ಮಟ್ಲೊ. 20 ತನ್ನಾ ತೆನಿ ಮಾಕಾ, ಮಿಯಾ ತುಜ್ಯಾಕ್ಡೆ ಕಶ್ಯಾಕ್ ಯೆಲೊ ಮನುನ್ ತುಕಾ ಗೊತ್ತ್ ಹಾಯ್ ನ್ಹಯ್, ಅತ್ತಾ ಮಿಯಾ ಪಾರಸಿಯಾಚ್ಯಾ ರಾಕ್ವಲಿಚ್ಯಾ ಮುಖಂಡಾತ್ನಿ ಎಕ್ಲ್ಯಾಚ್ಯಾ ವಾಂಗ್ಡಾ ಹೊರಾಟ್ ಕರುಕ್ ಪರ್‍ತುನ್ ಜಾವ್ಚೆ, ಮಿಯಾ ತೊ ಹೊರಾಟ್ ಕರುನ್ ಸಾರಲ್ಲ್ಯಾ ತನ್ನಾಚ್ ಗ್ರಿಕಾಂಚೊ ರಾಕ್ವಲಿ ಮಾಜ್ಯಾ ವಾಂಗ್ಡಾ ಹೊರಾಟಾಕ್ ಯೆತಾ. 21 ಖರೆ ನೆಮಾತ್ನಿ ಲಿವ್ನ್ ಹೊಲ್ಲೆ ತುಕಾ ಸಾಂಗ್ತಾ, ಹೆಂಚ್ಯಾ ದೊಗ್ಯಾಂಚ್ಯಾ ವಾಂಗ್ಡಾ ಹೊರಾಟ್ ಕರುಕ್ ತುಮ್ಚೊ ರಾಕ್ವಲಿ ಮಿಂಗೆಲಾಕ್ ಸೊಡ್ಲ್ಯಾರ್, ಮಾಕಾ ಬೆಂಬಲ್ ದಿತಲೊ ಕೊನ್ಬಿ ನಾ, ಮಟ್ಲ್ಯಾನ್.