1 ನೆಬುಕದ್ನೆಚರಾನ್ ಅಪ್ನಾಚ್ಯಾ ರಾಜ್ವಟ್ಕಿಚ್ಯಾ ದೊನ್ವ್ಯಾ ವರ್ಸಾತ್ ಎಕ್ ಸಫಾನ್ ಬಗುನ್ ಭ್ಹಿವ್ನ್ ಹೈರಾನ್ ಹೊವ್ನ್ ತೆಕಾ ನಿಜ್ ಯೆವ್ಕ್ ನಾ. 2 ತನ್ನಾ ರಾಜಾನ್ ತ್ಯಾ ಸಪ್ನಾಚೊ ಅರ್ಥ್ ಕಳ್ವುನ್ಗೆವ್ಚೆ ಮನುನ್, ಅಪ್ಲ್ಯಾ ಸಗ್ಳ್ಯಾ ಬುದ್ವಂತಾಕ್ನಿ, ಮೊಡ್ಗಾರಾಕ್ನಿ, ಅನಿ ಜೊತಿಶಾಕ್ನಿ ಬಲ್ವುಕ್ ಲಾವ್ಲ್ಯಾನ್, ತನ್ನಾ ತೆನಿ ರಾಜಾಚ್ಯಾ ಇದ್ರಾಕ್ ಯೆವ್ನ್ ಇಬೆ ರಾಲ್ಯಾನಿ.

3 ತನ್ನಾ ರಾಜಾನ್ ತೆಂಕಾ, "ಮಿಯಾ ಎಕ್ ಸಪಾನ್ ಬಗಟ್ಲಾ ತ್ಯಾ ಸಪ್ನಾಚೊ ಅರ್ಥ್ ಕಾಯ್ ಮನುನ್ ಕಳ್ವುನ್ ಘೆವ್ಕ್ ಮಾಜೊ ಮನ್ ಕಳ್ವಳುಲಾ" ಮನುನ್ ಸಾಂಗ್ಲ್ಯಾನ್. 4 ತನ್ನಾ, ತ್ಯಾ ಬುದ್ವಂತಾನಿ ರಾಜಾಕ್ ಅರಾಮಿಕ್ ಭಾಶೆತ್, "ರಾಜಾ, ಸದಾ ಸರ್ವತಾಕ್ ಝಿತ್ತೊ ರ್‍ಹಾತಲ್ಯಾ, ಅನಿ ತುಜೆ ಸಪಾನ್ ಅಮ್ಕಾ ಸಾಂಗ್; ತೆಚೊ ಅರ್ಥ್ ಅಮಿ ಸಾಂಗ್ತಾಂವ್", ಮನುನ್ ಜವಾಬ್ ದಿಲ್ಯಾನಿ.

5 ತನ್ನಾ ರಾಜಾನ್ ತೆಂಕಾ, "ತೆ ಸಪಾನ್ ಅನಿ ತೆಚೊ ಅರ್ಥ್ ಸಾಂಗಿನಸ್ಲ್ಯಾರ್ ತುಮ್ಕಾ ತುಕ್ಡೆ ತುಕ್ಡೆ ಕರುನ್ ಕಾತ್ರುನ್ ಟಾಕ್ತಾ, ಅನಿ ತುಮ್ಚಿ ಘರಾ ನಾಶ್ ಕರ್ತಾ. 6 ನಾ ಹೊಲ್ಯಾರ್ ತುಮಿ ಮಾಜೆ ಸಪಾನ್ ಅನಿ ತೆಜೊ ಅರ್ಥ್ ಕಳ್ವುಲ್ಯಾರ್, ತುಮ್ಕಾ ಲೈ ಕಿಮ್ತಿಚಿ ಸಾಮಾನಾ ಅನಿ ಭೊಮಾನಾ ದಿತಾ. ಅನಿ ತುಮ್ಕಾ ಮೊಟ್ಟಿ ಮರ್ಯಾದ್ ಗಾಯ್ ಸಾರ್ಕೆ ಕರ್ತಾ", ಅತ್ತಾ ಮಾಕಾ ತೆ ಸಪಾನ್ ಅನಿ ತೆಜೊ ಅರ್ಥ್ ಕಳ್ವಾ ಮಟ್ಲ್ಯಾನ್. 7 ತನ್ನಾ ತ್ಯಾ ಬುದ್ವಂತಾನಿ ರಾಜಾಕ್, "ದಯಾ ಕರುನ್ ಮಾಗ್ತಾವ್ ತುಜೆ ಸಪಾನ್ ಸಾಂಗ್, ಅಮಿ ತೆಚೊ ಅರ್ಥ್ ಸಾಂಗ್ತಾವ್" ಮಟ್ಲ್ಯಾನಿ. 8 ತನ್ನಾ ರಾಜಾನ್, ತುಮಿ ಎಳ್ ಕಳ್ದುಕ್ ಬಗುಲಾಗ್ಲ್ಯಾಸಿ, ಮನ್ತಲೆ ಮಾಕಾ ಖರೆಚ್ ಗೊತ್ತ್ ಹಾಯ್, ಕಶ್ಯಾಕ್ ಮಟ್ಲ್ಯಾರ್, ಮಾಜೊ ಘಟ್ ನಿರ್ದಾರ್ ತುಮ್ಕಾ ಕಳಲ್ಲೊ ಹಾಯ್, 9 ತುಮಿ ಮಾಕಾ ಸಪಾನ್ ಸಾಂಗಿ ನಸ್ತಾನಾ ರಾಲ್ಯಾರ್, ತುಮ್ಕಾ ಜಿವ್ ಕಾಡ್ತಾ ಮನ್ತಲೊ ನಿರ್ದಾರ್ ಸೊಡುನ್, ಅನಿ ದುಶ್ರೆ ಕಾಯ್ಬಿ ನಾ, ಎಳ್ ಬದಲ್ತಾ ಮನ್ತಲ್ಯಾ ಭರೊಸ್ಯಾ ವೈನಾ ತುಮಿ ಮಾಕಾ ಝುಟೆ ಸಾಂಗುನ್ ಪಸ್ವುಚೆ ಮನುನ್ ಎಕಾಮೆಕಾಕ್ನಿ ಒಪ್ಪುನ್ಗೆಟ್ಲ್ಯಾಸಿ, ಅನಿ ತೆ ಸಪಾನ್ ಸಾಂಗ್ ತನ್ನಾ ಅರ್ಥ್ ಸಾಂಗ್ತಾವ್ ಮನುನ್ ಮಾಕಾ ಸಾಂಗುಕ್ ಲಾಗ್ಲ್ಯಾಸಿ, ಮಟ್ಲ್ಯಾನ್. 10 ತನ್ನಾ ಬುದ್ವಂತಾ ರಾಜಾಚ್ಯಾ ಇದ್ರಾಕ್ ಯೆವ್ನ್, ರಾಜಾನ್ ಇಚಾರಲ್ಲಿ ಸಂಗ್ತಿಯಾ ಕಳ್ವುತಲೆ ಹ್ಯಾ ಜಗಾತ್ ಕೊನ್ಬಿ ನಾತ್!; ರಾಜಾನ್ ಅನಿ ಅಸ್ಲಿ ಸಂಗ್ತಿಯಾ ಕವ್ಡೊ ತಾಕ್ತಿಚೊ ಹೊಂವ್ದಿ, ಬುದ್ವಂತ್ ಹೊಂವ್ದಿತ್, ಖಲ್ಯಾ ಜಾದುಗಾರಾಕ್ ಹೊಂವ್ದಿತ್, ನಾತರ್ ಪಂಡಿತಾಕ್ ಹೊಂವ್ದಿತ್, ಮೊಡ್ಗಾರಾಕ್ನಿ ಹೊಂವ್ದಿತ್ ಅಸ್ಲೆ ಪರಸ್ನೆ ಕನ್ನಾಚ್ ಇಚಾರುಕ್ನಾ. 11 ರಾಜಾನ್ ಇಚಾರಲ್ಲಿ ಸಂಗ್ತಿಯಾ ಲೈ ತರಾಸಾಚಿ, ಮಾನ್ಸಾತ್ನಿ ವಸ್ತಿ ಕರ್‍ತಲ್ಯಾ ದೆವಾಕ್ನಿ ಸೊಡುನ್ ಅನಿ ಕೊನಾಚೆನ್ಬಿ ರಾಜಾಚ್ಯಾ ಇದ್ರಾಕ್ ಹೆ ಸಾಂಗುಕ್ ಹೊಯ್ನಾ ಮನುನ್ ಜವಾಬ್ ದಿಲ್ಯಾನಿ. 12 ರಾಜಾನ್ ಹೆ ಆಯ್ಕುನ್ ಲೈ ರಾಗಾನ್, ಬಾಬೆಲಾಚ್ಯಾ ಸಗ್ಳ್ಯಾ ಬುದ್ವಂತಾಕ್ನಿ ಜಿವ್ ಕಾಡುಚೆ ಮನುನ್ ಹುಕುಮ್ ದಿಲ್ಯಾನ್. 13 ಹ್ಯೊ ಹುಕುಮ್ ಲಗ್ಗುನಾ ಪರ್ಗಟುನ್ ಹೊಲೊ, ಸಗ್ಳ್ಯಾಕ್ನಿ ಮರ್ನಾಚೆ ಭಿಂಯೆ ಗುಸ್ಲೆ, ದಾನಿಯೆಲಾಕ್ ಅನಿ ತೆಜ್ಯಾ ವಾಂಗ್ಡಿಯಾಕ್ನಿ ಜಿವ್ ಕಾಡುಚೆ ಮನುನ್ ಹುಡಕ್ಲ್ಯಾನಿ.

14 ರಾಜಾಚ್ಯಾ ಆಂಗ್ ರಾಕ್ವಲ್ಯಾಂಚೊ ಮುಖಂಡ್ ಅರಿಯೊಕ್, ಬಾಬಿಲೊನಾಚ್ಯಾ ಬುದ್ವಂತಾಕ್ನಿ ಜಿವ್ ಕಾಡುಕ್ ಮನುನ್ ಭಾಯ್ರ್ ಪಡಲ್ಲ್ಯಾ ತನ್ನಾ, ದಾನಿಯೆಲಾನ್ ಶಾನೆಪಾನಾನ್ ಅನಿ ಹುಶ್ಯಾರ್ಕಿನ್ ತೆಜ್ಯಾ ವಾಂಗ್ಡಾ ಬೊಲುನ್; 15 "ರಾಜಾನ್ ಕಶ್ಯಾಕ್ ಯೆವ್ಡೆ ಕಟಿನ್ ಹುಕುಮ್ ದಿಲ್ಯಾನ್?" ಮನುನ್ ಇಚಾರ್‍ಲ್ಯಾನಿ, ತನ್ನಾ ಅರಿಯೊಕಾನ್ ದಾನಿಯೆಲಾಕ್ ಹೊಲ್ಲಿ ಸಂಗ್ತಿಯಾ ಸಾಂಗ್ಲ್ಯಾನ್. 16 ಮಾನಾ ದಾನಿಯೆಲ್ ಮಾಕಾ ರಾಜಾಚ್ಯಾ ಘರಾಕ್ ಜಾವ್ಕ್, ಅವ್ಕಾಸ್ ದಿಲ್ಯಾರ್, ಮಿಯಾ ರಾಜಾಕ್ ಸಪಾನ್ ಅನಿ ತೆಚೊ ಅರ್ಥ್ ಸೊಡ್ಸುನ್ ಸಾಂಗ್ತಾ, ಮನುನ್ ಮಾಗುನ್ಗೆಟ್ಲ್ಯಾನ್. 17 ಮಾನಾ ದಾನಿಯೆಲ್, ಅಪ್ನಾಚ್ಯಾ ಘರಾಕ್ ಜಾವ್ನ್, ಅಪ್ನಾಚಿ ವಾಂಗ್ಡಿಯಾ ಹನನ್ಯ್, ಮಿಶಾಯೆಲ್, ಅನಿ ಅಜರ್ಯ್ ಹೆಂಕಾ ಹೊಲ್ಲಿ ಸಂಗ್ತಿಯಾ ಸಾಂಗ್ಲ್ಯಾನ್. 18 ಅಮಿ ಬಾಬಿಲೊನಾಚ್ಯಾ ಹುರಲ್ಲ್ಯಾ ಬುದ್ವಂತಾಂಚ್ಯಾ ವಾಂಗ್ಡಾ ನಾಶ್ ಹೊಯ್ನಾ ಸಾರ್ಕೆ ಸರ್ಗಾಚ್ಯಾ ದೆವಾಕ್ಡೆ ಹ್ಯಾ ಘುಟಾಚ್ಯಾ ವಿಶಯಾತ್ ದಯಾ ದಾಕ್ವು ಮನುನ್ ಮಾಗ್ನಿ ಕರುಂವಾ ಮಟ್ಲ್ಯಾನ್. 19 ತನ್ನಾ ತೊ ಘುಟ್ಟ್ ದಾನಿಯೆಲಾಕ್ ರಾತ್ತಿನ್ ಸಪ್ನಾತ್ ದರ್ಶನ್ ದಿಸ್ಲೊ, ತನ್ನಾಚ್ ತೆನಿ ಸರ್ಗಾಚ್ಯಾ ದೆವಾಕ್ ಅಸೆ ಸ್ತುತಿ ಕರ್ಲ್ಯಾನ್; 20 "ದೆವಾಚ್ಯಾ ನಾವಾಕ್ ಸದಾ ಸರ್ವತಾಕ್ ಸ್ತುತಿ ಹೊಂವ್ದಿತ್". 21 ತೊ ಕಾಲ್ ಅನಿ ಎಳ್ ಬದಲ್ತಾ; ತೊ ರಾಜಾಕ್ನಿ ಹಾರ್ವುತಾ ಅನಿ ಜಿಕ್ವುತಾ. ಶಾನ್ಯಾಕ್ನಿ ಶಾನ್ಪಾನ್ ಅನಿ ಬುದ್ವಂತಾಕ್ನಿ ಬುದ್ವಂತ್ ಕರಲ್ಲೆಬಿ ತೆಚೆಚ್ ವರು. 22 ತೊ ಖೊಲಾತ್ ಹೊತ್ತಿ ಘುಟ್ಟಾಚಿ ವಿಶಯಾ ಮ್ಹಾಳಾಕ್ ಹಾನ್ತಾ, ಕಾಳ್ಕಾತ್ ಕಾಯ್ ನಿಪುನ್ ಹಾಯ್ ಮನ್ತಲೆ ತೆಕಾ ಗೊತ್ತ್ ಹಾಯ್ ಕಶ್ಯಾಕ್ ಮಟ್ಲ್ಯಾರ್, ಉಜ್ವೊಡ್ ತೆಜ್ಯಾ ಭೊತ್ಯಾನ್. 23 ಮಾಜ್ಯಾ ಪುರ್ವಜಾಂಚ್ಯಾ ದೆವಾ, ಮಿಯಾ ಸ್ತುತಿ ಅನಿ ಹೊಗ್ಳಾಪ್ ಕರ್ತಾ, ಕಶ್ಯಾಕ್ ಮಟ್ಲ್ಯಾರ್ ತಿಯಾ ಮಾಕಾ ಶಾನ್ಪಾನ್ ಅನಿ ಬಳ್ ದಿಲೆ. ತಿಯಾ ಮಾಜ್ಯಾ ಮಾಗ್ನಿಯಾಕ್ನಿ ಜವಾಬ್ ದಿವ್ನ್, ರಾಜಾಕ್ ಕಾಯ್ ಸಾಂಗುಚೆ ಮನ್ತಲೆ ಘುಟ್ಟ್ ದಾಕ್ವುನ್ ದಿಲೆ.

24 ತನ್ನಾ ದಾನಿಯೆಲಾನ್, ರಾಜಾನ್ ಬಾಬೆಲಾಚ್ಯಾ ಪಂಡಿತಾಕ್ನಿ ಜಿವಾನಿ ಮಾರುಕ್ ನೆಮಲ್ಲ್ಯಾ ಅರಿಯೊಕಾಕ್ಡೆ ಜಾವ್ನ್; "ಬಾಬಿಲೊನಾತ್ಲ್ಯಾ ಬುದ್ವಂತಾಕ್ನಿ ಜಿವ್ ಕಾಡುನಕ್ಕೊ, ಮಾಕಾ ರಾಜಾಚ್ಯಾ ಇದ್ರಾಕ್ ಜಾವ್ಕ್ ಸೊಡ್, ಮಿಯಾ ಸಪಾನ್ ಅನಿ ತೆಜೊ ಅರ್ಥ್ ಕಾಯ್ ಮನುನ್ ಸಾಂಗ್ತಾ", ಮಟ್ಲ್ಯಾನ್. 25 ತನ್ನಾ ಅರಿಯೊಕಾನ್, ದಾನಿಯೆಲಾಕ್ ನೆಬುಕದ್ನೆಚರಾಚ್ಯಾ ಇದ್ರಾಕ್ ನ್ಹೆವ್ನ್ ಇಬೆ ಕರುನ್, ತೆಕಾ "ಜುದೆವ್ ಲೊಕಾಂತ್ನಾ ಧರುನ್ ಹಾನಲ್ಲ್ಯಾತ್ಲೊ ಎಕ್ ಮಾನುಸ್ ತುಜೆ ಸಪಾನ್ ಅನಿ ತೆಜೊ ಅರ್ಥ್ ಸಾಂಗುಕ್ ಮನುನ್ ಮಿಯಾ ಹುಡಕ್ಲಾ", ಮಟ್ಲ್ಯಾನ್. 26 ತನ್ನಾ ರಾಜಾನ್ ಬೆಲ್ತೆಶಚ್ಚರ್ ಮನ್ತಲ್ಯಾ ನಾವಾಚ್ಯಾ ದಾನಿಯೆಲಾಕ್, ಮಿಯಾ ಬಗಟಲ್ಲೆ ಸಪಾನ್ ಅನಿ ತೆಜೊ ಅರ್ಥ್ ತಿಯಾ ಸಾಂಗುಕ್ ಹೊತಾ ಕಾಯ್? ಮನುನ್ ಇಚಾರ್‍ಲ್ಯಾನಿ. 27 ತನ್ನಾ ದಾನಿಯೆಲಾನ್, ರಾಜಾನ್ ಇಚಾರಲ್ಲೊ ಘುಟ್ ಬುದ್ವಂತಾ ಹೊಂವ್ದಿತ್, ಮೊಡ್ಗಾರ್ ಹೊಂವ್ದಿತ್, ಜೊತಿಶಿ ಹೊಂವ್ದಿತ್, ಜಾದುಗಾರ್ ಹೊಂವ್ದಿತ್ ಹೆಂಚೆನ್ ಕೊನಾಚೆನ್ಬಿ ಸಾಂಗುಕ್ ಹೊಯ್ನಾ, 28 ಖರೆ ಘುಟ್ಟಾ ಮ್ಹಾಳಾಕ್ ಹಾನ್ತಲೊ ಎಕ್ ದೆವ್ ಸರ್ಗಾತ್ ಹಾಯ್, ತೆನಿಚ್ ನೆಬುಕದ್ನೆಜ್ಜರ್ ರಾಜಾಕ್ ಫಿಡೆ ಹೊತಲೆ ಹೊತ್ತೆ ಕಳ್ವುಲಾ, ತಿಯಾ ತುಜ್ಯಾ ಹಾತ್ರಾನಾತ್ ಆಡ್ ಪಡಲ್ಲ್ಯಾ ತನ್ನಾ ದಿಸಲ್ಲಿ ಸಪಾನ್ ಮಿಯಾ ಅತ್ತಾ ಸಾಂಗ್ತಾ; 29 ತಿಯಾ ಹಾತ್ರಾನಾತ್ ಆಡ್ ಪಡಲ್ಲ್ಯಾ ತನ್ನಾ, ಫಿಡೆ ಕಾಯ್ ಹೊತಾ ಹೊವ್ಕ್ ಫಿರೆ ಮನುನ್ ಚಿಂತುನ್ಗೆತ್ ರ್‍ಹಾತಾನಾ, ತೆಚ್ ತುಕಾ ದೆವಾನ್ ದಾಕ್ವುಲಾ. 30 ಸಗ್ಳ್ಯಾ ಮಾನ್ಸಾತ್ನಿ ಮಿಯಾಚ್ ಲೈ ಶಾನೊ ಮನುನ್ ನ್ಹಯ್, ಖರೆ ಸಪ್ನಾಚೊ ಅರ್ಥ್ ರಾಜಾಕ್ ಕಳುನ್ ತುಜ್ಯಾ ಮನಾಚಿ ಯೆವ್ಜನ್ ತುಕಾ ಕಳುಂದಿತ್ ಮನುನ್ ಹ್ಯೊ ಘುಟ್ ಮಾಕಾಬಿ ಕಳುನ್ ಯೆಲೆ. 31 ರಾಜಾ ತುಜ್ಯಾ ಇದ್ರಾಕ್ ಎಕ್ ಅಜಾಪಾಚಿ ಮುರ್ತಿ ಬಗಟ್ಲೆ ತಿ ಲಕ್ಲಕ್ ಹೊಳ್ವುತಲಿ ಅನಿ ಲೈ ಮೊಟಿ ಹೊತ್ತಿ, ತಿ ಬಗಟಲ್ಲೆ ಸಗ್ಳೆ ಭಿಂವ್ನ್ ಟಕ್ಲೆ ಫಿರುನ್ ಪಡಿ ಸಾರ್ಕಿ ಹೊತ್ತಿ. 32 ತ್ಯಾ ಮುರ್ತಿಚೆ ಟಕ್ಲೆ ಚಕೊಟ್ಲೆ ಸೊನೆ, ಛಾತಿ ಅನಿ ರಟ್ಟೆ ಚಾಂದಿಚೆ, ಪೊಟ್ ಅನಿ ಜಾಂಗಾ ತಾಂಬ್ಯಾಚಿ, 33 ಪಾಂಯಾ ಲೊಂಗ್ಟಾಚಿ, ತಳ್ಪಾಯಾ ಅರ್ದಿ ಲೊಂಗ್ಟಾಚಿ ಅನಿ ಮಾಟಿಚಿ. 34 ತಿಯಾ ಬಗಿತ್ ರ್‍ಹಾತಾನಾಚ್ ಕೊನಾಚೊಚ್ ಹಾತ್ ಲಾಗಿನಸ್ತಾನಾ ಮಡ್ಡಿ ವೈನಾ ಎಕ್ ಮೊಟೊ ಗುಂಡೊ ಕೊಸ್ಳುನ್ ಯೆವ್ನ್ ತ್ಯಾ ಮುರ್ತಿಚ್ಯಾ ಲೊಂಗ್ಟಾಚ್ಯಾ ಅನಿ ಮಾಟಿಚ್ಯಾ ಪಾಯಾ ವಯ್ನಿ ಪಡುನ್ ತಿ ಬುಕ್ನಾ ಹೊವ್ನ್ ಗೆಲಿ. 35 ತನ್ನಾ ಲೊಂಗಾಟ್, ಮಾಟಿ, ತಾಂಬೆ, ಚಾಂದಿ, ಸೊನೆ ಹೆ ಸಗ್ಳೆಬಿ ಫುಡ್ ಫುಡ್ ಹೊವ್ನ್ ಕಾತ್ರನಿಚ್ಯಾ ಜೊಳ್ಳಾ ಸಾರ್ಕೆ ಹೊವ್ನ್ ವಾರ್ಯಾನ್ ತೆಕಾ ಹುಡ್ವುನ್ಗೆವ್ನ್ ಇಬೆ ರಾವ್ಕ್ ಟಿಕಾನೊಚ್ ನಾ ಸಾರ್ಕೆ ಹೊಲೆ, ಮುರ್ತಿಕ್ ಯೆವ್ನ್ ಲಾಗಲ್ಲೊ ತೊ ಗುಂಡೊ ಫುರಾ ಜಗಾತ್ ಮೊಟ್ಟಿ ಮಡ್ಡಿ ಹೊವ್ನ್ ಭರ್ಲೊ.

36 ತೆ ಸಪಾನ್ ಕಾಯ್ ಮಟ್ಲ್ಯಾರ್, ಅತ್ತಾ ಮಿಯಾ ರಾಜಾಕ್ ತೆಜೊ ಅರ್ಥ್ ಸಾಂಗ್ತಾ. 37 ರಾಜಾ, ತಿಯಾ ರಾಜಾಂಚೊ ರಾಜಾ, ಸರ್ಗಾಚ್ಯಾ ದೆವಾನ್ ರಾಜ್ವಡ್ಕಿ, ಪದ್ವಿ, ಬಳ್ ಅನಿ ಮಹಿಮಾ ತುಕಾ ದಿಲಾ; 38 ಜಿಮ್ನಿ ವಯ್ಲಿ ಸಗ್ಳಿ ಮಾನ್ಸಾ ಸಗ್ಳ್ಯಾ ಜಾಗ್ಯಾ ವಯ್ನಿ ಹೊತ್ತ್ಯಾ ಮಳ್ಬಾತ್ಲ್ಯಾ ಫಾಕ್ರಾಕ್ನಿ, ಜಿಮ್ನಿ ವೈಲ್ಯಾ ಜನಾವರಾಕ್ನಿ ತುಜ್ಯಾ ಹಾತಿತ್ ದಿವ್ನ್ ತಿಯಾ ತೆಂಚ್ಯಾ ವರ್‍ತಿ ರಾಜ್ವಡ್ಕಿ ಕರಿಸಾರ್ಕೆ ಕರ್ಲ್ಯಾನ್. ತೆ ಸೊನ್ಯಾಚೆ ಟಕ್ಲೆ ತಿಯಾಚ್, 39 ತುಜ್ಯಾ ಮಾನಾ ತುಜ್ಯಾನ್ಕಿಂತಾಬಿ ಕನಿಸ್ಟ್ ರಾಜ್ಯ್ ಉಪಾಜ್ತಾ, ತೆಜ್ಯಾ ಮಾನಾ ಅನಿ ಎಕ್ ರಾಜಾ ತಯಾರ್ ಹೊವ್ನ್ ಫುರಾ ಜಗ್ ರಾಜ್ವಡ್ಕಿ ಕರ್ತಾ, ಮಾನಾ ತಿನ್ವೆಚೊ ರಾಜ್ಯ್ ತಾಂಬ್ಯಾಚೊ ಹೊವ್ನ್ ದಾಕ್ವುನ್ಗೆತಾ. 40 ಚಾರ್ವೊ ರಾಜ್ಯ್ ಲೊಂಗ್ಟಾ ಸಾರ್ಕೊ ಘಟ್, ಲೊಂಗಾಟ್ ಸಗ್ಳಿ ಸಾಮಾನಾ ಫುಡ್ ಫುಡ್ ಕರುನ್ ಟಾಕ್ತಾ, ಸಗ್ಳೆಬಿ ಫೊಡುನ್ ಟಾಕ್ತಲ್ಯಾ ಲೊಂಗ್ಟಾ ಸಾರ್ಕೆಚ್ ತೆ ಸಗ್ಳೆ ಬುಕ್ನಾ ಕರುನ್ ನಾಶ್ ಕರ್ತಾ. 41 ತಳ್ಪಾಯಾಕ್ನಿ ಅನಿ ಬೊಟಾತ್ನಿ ಉಲ್ಲೆ ಲೊಂಗಾಟ್ ಅನಿ ಉಲ್ಲೊ ಚಿಕ್ಕೊಲ್ ಹೊತ್ತೆ ತಿಯಾ ಬಗಟಲ್ಲ್ಯಾ ಸಾರ್ಕೆ, ತೆ ದೊನ್ ರಾಜ್ಯ್ ಬಿ ಭಾಗ್ ಹೊಲ್ಲೊ ಹೊವ್ನ್ ರ್‍ಹಾತಾ, ಚಿಕ್ಲಾಚ್ಯಾ ವಾಂಗ್ಡಾ ಲೊಂಗಾಟ್ ಮಿಳಲ್ಲ್ಯಾ ಸಾರ್ಕೆಚ್ ತ್ಯಾ ರಾಜ್ಜ್ಯಾತ್ ಲೊಂಗ್ಟಾಚ್ಯಾ ಸಾರ್ಕೆ ಘಟ್ ರ್‍ಹಾತಾ. 42 ಅನಿ ಪಾಯಾಂಚಿ ಬೊಟಾ ಉಲ್ಲೊ ಚಿಕ್ಕೊಲ್ ಅನಿ ಉಲ್ಲೆ ಲೊಂಗಾಟ್ ಹೊತ್ತೆ ತಿಯಾ ಬಗಟ್ಲೆಯ್, ತೆಜೊ ಅರ್ಥ್ ತ್ಯಾ ರಾಜ್ಜ್ಯಾತ್ ಎಕ್ ಭಾಗ್ ಘಟ್ ಅನಿ ಎಕ್ ಭಾಗ್ ಘಟ್ ರ್‍ಹಾಯ್ನಾ. 43 ತಿಯಾ ಲೊಂಗಾಟ್ ಚಿಕ್ಲಾಚ್ಯಾ ವಾಂಗ್ಡಾ ಮಿಳ್ವಲ್ಲೆ ಬಗಟಲ್ಲ್ಯಾ ಸಾರ್ಕೆ ತ್ಯಾ ರಾಜ್ವಡ್ಯಾಂಚಿ ಪಿಳ್ಗಿ ಸಮಂದಾ ವಯ್ನಾ ಎಕಾಮೆಕಾತ್ ಮಿಳ್ತಾತ್, ಖರೆ ಲೊಂಗಾಟ್ ಚಿಕ್ಲಾಚ್ಯಾ ವಾಂಗ್ಡಾ ಕಸೆ ಮಿಳಿನಾ ತಸೆಚ್ ತೆನಿ ಎಕಾಮೆಕಾ ವಾಂಗ್ಡಾ ಮಿಳುನ್ ರ್‍ಹಾಯ್ನಾತ್. 44 ತ್ಯಾ ರಾಜಾಂಚ್ಯಾ ಎಳಾರ್ ಸರ್ಗಾತ್ಲೊ ದೆವ್ ಎಕ್ ರಾಜ್ವಾಡೊ ಭಾಂದ್ತಾ, ತೊ ಘಟ್ ರ್‍ಹಾತಾ, ಅನಿ ತ್ಯಾ ರಾಜ್ವಾಡ್ಯಾಕ್ನಿ ನಾಶ್ ಕರುನ್ ಸಾಶ್ವತಾಕ್ ರ್‍ಹಾತಾ, ಅನಿ ಅಪ್ನಿ ಸರ್ವತಾಕ್ ಘಟ್ ರ್‍ಹಾತಾ. 45 ಮಡ್ಡಿ ವಯ್ನಾ ಎಕ್ ಗುಂಡೊ ಕೊನಾಚೊಚ್ ಹಾತ್ ಲಾಗಿನಸ್ತಾನಾ ಕೊಸ್ಳುನ್ ಯೆವ್ನ್ ಲೊಂಗಾಟ್, ಚಿಕ್ಕೊಲ್, ಚಾಂದಿ ಅನಿ ಸೊನ್ಯಾಕ್ ಬುಕ್ನಾ ಕರಲ್ಲೆ ತಿಯಾ ಬಗಟ್ಲೆಯ್ ನ್ಹಯ್, ಹೆಚ್ಯಾ ವೈನಾ ಸರ್ಗಾಚ್ಯಾ ದೆವಾನ್ ಫಿಡೆ ಹೊತಲೆ ಹೊತ್ತೆ ರಾಜಾಕ್ ಕಳ್ವುಲಾ, ತೆ ಸಪಾನ್ಬಿ ಖರೆಚ್, ಅನಿ ತೆಜೊ ಅರ್ಥ್ ಬಿ ವಿಶ್ವಾಸ್ ಕರ್‍ತಲ್ಯಾ ಸಾರ್ಕೊಚ್ ಹಾಯ್ ಮಟ್ಲ್ಯಾನ್.

46 ತನ್ನಾ ರಾಜಾ ನೆಬುಕದ್ನೆಜ್ಜರಾನ್, ದಾನಿಯೆಲಾಕ್ ಮಾನ್ ದಿವ್ಕ್ ಸಾಟ್ನಿ ಡಬ್ ಪಡುನ್, ಸನ್ಮಾನ್ ಕರುಕ್ ಬಲಿ ಭೆಟ್ವುನ್ ಧುಪ್ ಘಾಲುಚೆ ಮನುನ್ ಹುಕುಮ್ ದಿತಾ, 47 ಅನಿ ದಾನಿಯೆಲಾಚ್ಯಾ ಗೊಸ್ಟಿಕ್ ಜವಾಬ್ ದಿವ್ನ್, ತಿಯಾ ಹಿ ಘುಟ್ಟಾಚಿ ಸಂಗ್ತಿಯಾ ಮ್ಹಾಳಾಕ್ ಹಾನುಕ್ ತುಜೊ ದೆವಾಂಚೊ ದೆವ್, ರಾಜಾಂಚೊ ರಾಜಾ ಕಾರನ್, ತೆ ಖರೆಚ್, ಮಟ್ಲ್ಯಾನ್. 48 ಮಾನಾ ರಾಜಾನ್ ದಾನಿಯೆಲಾಕ್ ಮೊಟೆಪಾನ್ ದಿವ್ನ್ ತೆಕಾ ಲೈ ಕಿಮ್ತಿಚಿ ಆಯಾರಾ ದಿವ್ನ್, ಬಾಬಿಲೊನಾಚೆ ಪ್ರಾಂತ್ಯಾ ತೆಜ್ಯಾ ತಾಬೆತ್ ದಿಲ್ಯಾನ್, ಅನಿ ಬಾಬಿಲೊನಾಚ್ಯಾ ಸಗ್ಳ್ಯಾ ಬುದ್ವಂತಾಂಚ್ಯಾ ಮುಖಂಡಾಂಚೊ ಮುಖಂಡ್ ಕರುನ್ ತೆಕಾ ನೆಮ್ಲ್ಯಾನ್. 49 ದಾನಿಯೆಲಾನ್ ವಿನಂತಿ ಕರಲ್ಲ್ಯಾ ತನ್ನಾ ರಾಜಾನ್ ಶದ್ರಕ್, ಮೆಶೆಕ್ ಅನಿ ಅಬಿದ್ನೆಗೊ ಮನ್ತಲ್ಯಾಕ್ನಿಬಿ ಬಾಬಿಲೊನ್ ರಾಜ್ವಾಡ್ಯಾತ್ ಕಾಮ್ ದಿಲ್ಯಾನ್, ಅನಿ ದಾನಿಯೆಲ್ ರಾಜಾಚ್ಯಾ ಘರಾತುಚ್ ರಾಲೊ.