1 ಸಗ್ಳ್ಯಾ ಜಗಾತ್ ವಸ್ತಿ ರ್‍ಹಾತಲ್ಯಾ ಸಗ್ಳಿ, ಕುಳಿ ಅನಿ ಭಾಶಾಚಿ ಲೊಕಾಕ್ನಿ ರಾಜಾ ನೆಬುಕದ್ನೆಜ್ಜರಾಚಿ ಖಬರ್, ತುಮ್ಕಾ ಲೈ ಬರೆ ಹೊಂವ್ದಿತ್! 2 ಮಾಕಾ ಸಗ್ಳೆ ಕರುಕ್ ಶಕ್ತ್ ಹೊತ್ತ್ಯಾ ದೆವಾನ್ ಮಾಜ್ಯಾ ವಿಶಯಾತ್ ಕರಲ್ಲೆ ಬರೆ ಕಾಮ್ ಅನಿ ಅಜಾಪಾ ಪರ್ಗಟ್ ಕರುಕ್ ಪಾಜೆ ಮನ್ತಲೆಮಾಕಾ ಲೈ ಖುಶಿಚೆ ಹೊವ್ನ್ ಹಾಯ್. 3 ತೆಚೆ ಮಹತ್ವ್ ಲೈ ಮೊಟಿ! ತೆಚಿ ಅಜಾಪಾ ಲೈ ಬಳಾಚಿ ಹೊವ್ನ್ ಹಾತ್! ತೆಜೊ ರಾಜ್ಯ್ ಕನ್ನಾಚ್ ಸರಿನಸಲ್ಲೊ, ತೆಚಿ ರಾಜ್ವಡ್ಕಿ ಸದಾ ಸರ್ವತಾಕ್ ಘಟ್ ಇಬೆ ರ್‍ಹಾತಾ. 4 ಮಿಯಾ ನೆಬುಕದ್ನೆಜ್ಜರ್ ಮಾಜ್ಯಾ ರಾಜ್ಯಾಚ್ಯಾ ಘರ್‍ಹಾತ್ ಆರಾಮ್ ಹೊತ್ತೊ, ಅನಿ ಸುಖಾನ್ ಹಾಯ್. 5 ಅಸೆ ರ್‍ಹಾತಾನಾ ಭ್ಹಿವಸ್ತಲೆ ಎಕ್ ಸಪಾನ್ ಬಗಟ್ಲೊ, ಮಾಕಾ ಹಾತ್ರಾನಾತ್ ರ್‍ಹಾತಾನಾ ಯೆಲ್ಲಿ ಯೆವ್ಜನಿಯಾ ಅನಿ ಮಾಜ್ಯಾ ಮನಾಕ್ ದಿಸಲ್ಲ್ಯಾ ಸಪ್ನಾನಿ ಮಾಕಾ ಗೊಂದಲ್ ಕರ್ಲ್ಯಾನಿ. 6 ತಸೆ ಹೊವ್ನ್ ತ್ಯಾ ಸಪ್ನಾಚೊ ಅರ್ಥ್ ಸಾಂಗುಕ್ ಮನುನ್ ಬಾಬಿಲೊನಾಚ್ಯಾ ಸಗ್ಳ್ಯಾ ಬುದ್ವಂತಾಕ್ನಿ ಬಲ್ವುನ್ ಹಾನುಕ್ ಹುಕುಮ್ ದಿಲೊ. 7 ಅಸೆ ರ್‍ಹಾತಾನಾ ಜೊಯಿಸಾ, ಮೊಡ್ಗಾರಾ, ಪಂಡಿತಾ ಸಪ್ನಾ ಬಗ್ತಲೆ ಹೆನಿ ಸಗ್ಳೆ ಮಾಜ್ಯಾ ಇದ್ರಾಕ್ ಯೆಲ್ಲ್ಯಾ ತನ್ನಾ, ಮಿಯಾ ತೆ ಸಪಾನ್ ಸಾಂಗಲ್ಲೊ, ಖರೆ ತೆಂಚ್ಯಾನ್ ತೆಜೊ ಅರ್ಥ್ ವಿವರನ್ ಕರುನ್ ಸಾಂಗುಕ್ ಹೊವ್ಕ್ ನಾ. 8 ಮಾಜ್ಯಾ ದೆವಾಚ್ಯಾ ನಾವಾಕ್ ಮಿಳುನ್ ಹೊತ್ತೆ ಬೆಲ್ತೆಶಚ್ಚರ್ ಮನ್ತಲ್ಯಾ ಆಡ್ ನಾವಾಚೊ ಅನಿ ನಿತಳ್ ದೆವಾಂಚೊ ಆತ್ಮೆ ಹೊತ್ತೊ ದಾನಿಯೆಲ್ ಆಕ್ರಿಕ್ ಮಾಜ್ಯಾಕ್ಡೆ ಯೆಲೊ, ಮಿಯಾ ಮಾಜೆ ಸಪಾನ್ ತೆಕಾ ಸಾಂಗಟ್ಲೊ, 9 ಬೆಲ್ತೆಶಚ್ಚರ್, ಜೊಯಿಸಾತ್ನಿ ತಿಯಾ ಮೊಟೊ, ನಿತಳ್ ದೆವಾಂಚೆ ಆತ್ಮೆ ತುಜೆಕ್ಡೆ ವಸ್ತಿ ಕರ್‍ತಾತ್ ಅನಿ, ತುಕಾ ಖಲೊ ಘುಟ್ಟ್ ಬಿ ತರಾಸಾಚೊ ನ್ಹಯ್, ಮನ್ತಲೆ ಮಾಕಾ ಗೊತ್ತ್ ಹಾಯ್, ತಸೆ ಹೊವ್ನ್ ಮಿಯಾ ಬಗಟಲ್ಲೆ ಸಪಾನ್ ಅನಿ ತೆಜೊ ಅರ್ಥ್ ಮಾಕಾ ಸಾಂಗ್. 10 ಮಿಯಾ ಹಾತ್ರಾನಾತ್ ನಿಜಲ್ಲ್ಯಾ ತನ್ನಾ ಮಾಜ್ಯಾ ಮನಾಕ್ ದಿಸಲ್ಲೆ ಸಪಾನ್ ಹೆಚ್, ಅಬಕ್! ಜಗಾಚ್ಯಾ ಮದ್ದಿ ಲೈ ಉಪ್ಪರ್ಲೆ ಎಕ್ ಝಾಡ್ ಬಗಟ್ಲೊ, 11 ತೆ ಝಾಡ್ ವಾಡುನ್ ಬಳಾಚೆ ಹೊಲ್ಲೆ, ಅನಿ ತೆಚಿ ತುದಿ ಮಳ್ಬಾಕ್ ಲಾವಲ್ಲಿ, ತೆ ಜಗಾಚ್ಯಾ ಆಕ್ರಿಚ್ಯಾ ತುದಿ ಪತರ್ ಪತರ್ಬಿ ದಿಸಿ. 12 ತೆಚಿ ಪಾನಾ ಲೈ ಬರಿ ದಿಸಿತ್, ಲೈ ಫಳಾ ಹೊತ್ತಿ, ತಸೆ ಹೊವ್ನ್ ತೆ ಸಗ್ಳ್ಯಾಕ್ನಿಬಿ ಜೆವಾನ್ ಅನಿ ಜಿಮ್ನಿ ವಯ್ಲ್ಯಾ ಸಗ್ಳ್ಯಾ ಜನಾವರಾಕ್ನಿ ಸಾವ್ಳಿಕ್ ತೆಚಿ ಟಾಂಕಿಯಾ ಫಾಕ್ರಾಕ್ನಿ ವಸ್ತಿಚೊ ಜಾಗೊ ಹೊವ್ನ್ ತೆ ಸಗ್ಳ್ಯಾ ಜನಾವರಾಕ್ನಿಬಿ ಜಿವನ್ ಕರುಕ್ ಆಧಾರ್ ಹೊವ್ನ್ ಹೊತ್ತೆ. 13 ಮಿಯಾ ಹಾತ್ರಾನಾತ್ ನಿಜಲ್ಲ್ಯಾ ತನ್ನಾ ಮಾಜ್ಯಾ ಮನಾತ್ ದಿಸಲ್ಲ್ಯಾ ಸಪ್ನಾತ್ ಬಗ್ತಾನಾ, ದೆವಾಚೊ ದುತ್ ಮಳ್ಬಾಕ್ನಾ ಉತ್ರುನ್ ಯೆತಲೆ ಮಿಯಾ ಬಗಟ್ಲೊ, 14 ತೊ ಜೊರಾನಿ ಬೊಬ್ ಮಾರುನ್, ಝಾಡಾಕ್ ತೊಡಾ, ಫಳಾ ಝಡ್ವಾ, ಟಾಂಕಿಯಾ ಕಾತ್ರುನ್ ಟಾಕಾ, ಪಾನಾ ಝಡ್ವಾ, ಜನಾವರಾ ಸಾವ್ಳಿತ್ನಾ ಜಾಂವ್ದಿತ್, ಫಾಕ್ರಾ ಟಾಳಿಯಾಂಚ್ಯಾ ವಯ್ನಾ ಹುಡುನ್ ಜಾಂವ್ದಿತ್! 15 ಖರೆ ತೆಚಿ ಬುಡ್ಚಿ ಜಿಮ್ನಿತ್ ಹುರ್ವುನ್, ಲೊಂಗಾಚ್ಯಾ ಅನಿ ತಾಂಬ್ಯಾಚ್ಯಾ ಪಟ್ಟಿಯಾನಿ ತೆಕಾ ಭಾಂದಾ, ತೆಜ್ಯಾ ಬೊತ್ಯಾನಿ ಡಂಗ್ಳಿತ್ಲೆ ಗವಾತ್ ಉಗ್ವುಂದಿತ್, ಮಳ್ಬಾತ್ಲಿ ಡುಕ್ಟಿ ತೆಕಾ ಭಿಜ್ವುಂದಿತ್, ಜನಾವರಾಕ್ನಿ ಜಿಮ್ನಿ ವಯ್ಲೆ ಗವಾತ್ ಚಾರೊ ಹೊಲ್ಲ್ಯಾ ಗತಿನ್ ತೆಕಾ ಹೊಂವ್ದಿತ್. 16 ತೆಕಾ ಮಾನ್ಸಾಚೊ ಮನ್ ಜಾವ್ನ್ ಜನಾವರಾಂಚೊ ಮನ್ ಯೆಂವ್ದಿತ್, ಅಸೆಚ್ ತೆಕಾ ಸಾತ್ ವರಿಸ್ ಕಳ್ದುಂದಿತ್, 17 ಹ್ಯೊ ಸಾಕ್ಷಿ ಆಯ್ಕಲ್ಲೊ ನಿರ್ದಾರ್, ದೆವಾಚೊ ನಿರ್ದಾರ್, ಸಗ್ಳೆ ಕರುಕ್ ಶಕ್ತ್ ಹೊತ್ತೊ ದೆವ್ ಮಾನ್ಸಾಚ್ಯಾ ರಾಜ್ವಾಡ್ಯಾತ್ ರಾಜಾ ಹೊವ್ನ್ ತೆಚಿ ರಾಜ್ವಟ್ಕಿ ಅಪ್ನಾಕ್ ಪಾಜೆ ಹೊಲ್ಲ್ಯಾಕ್ನಿ ಒಪ್ಪುನ್, ಕಮ್ಮಿಚ್ಯಾಕ್ನಿ ತೆಚೆ ವರ್‍ತಿ ನೆಮ್ತಾ ಮನ್ತಲೆ ಝಿತ್ತೆ ಹೊತ್ತ್ಯಾಕ್ನಿ ಕಳುನ್ ಯೆವ್ಚೆ. ಮನ್ತಲೊ ನಿರ್ದಾರ್ ಹೊಲೊ, ಮನುನ್ ಪರ್ಗಟ್ಲ್ಯಾನ್. 18 ರಾಜಾ ನೆಬುಕದ್ನೆಜ್ಜರ್ ಮಿಯಾ ಹೆ ಸಪಾನ್ ಬಗಲ್ಲೊ, ಬೆಲ್ತೆಶಚ್ಚರ್ ಮಾಜ್ಯಾ ರಾಜ್ಯ್ ತ್ಲ್ಯಾ ಸಗ್ಳ್ಯಾ ಬುದ್ವಂತಾತ್ನಿ ತೆಜೊ ಅರ್ಥ್ ಕೊನ್ಬಿ ಸಾಂಗಿನಾತ್, ತಿಯಾ ಸಾಂಗ್, ತುಜ್ಯಾ ವಾಂಗ್ಡಾ ನಿತಳ್ ದೆವಾಂಚೆ ಆತ್ಮೆ ಹೊತ್ತ್ಯಾ ಸಾಟ್ನಿ ತಿಯಾಚ್ ತೆ ಸಾಂಗುಕ್ ಹೊತಾ.

19 ತನ್ನಾ ಬೆಲ್ತೆಶಚ್ಚರ್ ಮನ್ತಲ್ಯಾ ಆಡ್ ನಾವಾಚ್ಯಾ ದಾನಿಯೆಲ್ ಅಪ್ಲ್ಯಾಚ್ಯಾ ಮನಾಕ್ ದಿಸಲ್ಲೆ ಬಗುನ್ ಭಿಂವ್ನ್ ಉಲ್ಲೊ ಎಳ್ ಗಪ್ ಹೊಲೊ, ರಾಜಾನ್ ತೆ ಬಗುನ್, ಬೆಲ್ತೆಶಚ್ಚರ್, ಮಾಜೆ ಸಪಾನ್ ನಾತರ್ ತೆಜೊ ಅರ್ಥ್ ತುಕಾ ಭ್ಹಿವಸ್ತಲೆ ನಕ್ಕೊ, ಮನ್ತಾನಾ, ಬೆಲ್ತೆಶಚ್ಚರಾನ್, ಮಾಜ್ಯಾ ಧನಿ, ತೆ ಸಪಾನ್ ತುಜ್ಯಾ ದುಸ್ಮನಾಕ್ನಿ ಹೊಂವ್ದಿತ್, ತೆಚೊ ಅರ್ಥ್ ತುಜ್ಯಾ ವಿರೊದಿಯಾಂಚ್ಯಾ ಅನುಬೊಗಾಕ್ ಯೆಂವ್ದಿತ್!. 20 ತೆ ಝಾಡ್ ಮೊಟೆ ಹೊವ್ನ್ ತಾಕ್ತಿನ್ ವಾಡ್ಲೆ, ತೆಚಿ ತುದಿ ಮಳ್ಬಾಕ್ ಪಾವಲ್ಲಿ ಅನಿ ತೆ ಝಾಡ್ ಜಿಮ್ನಿಚ್ಯಾ ಸಗ್ಳ್ಯಾಕ್ಡೆ ದಿಸಿತ್ ಹೊತ್ತೆ. 21 ತೆಕಾ ಸುಂದರ್ ಪಾನಾ ಅನಿ ಲೈ ಫಳಾ ರಾವ್ನ್ ಜಗಾತ್ ಸಗ್ಳ್ಯಾಕ್ನಿ ಜೆವಾನ್ ಹೊಯ್ ಸರ್ಕೆ ಅನಿ ಅಪ್ನಾಚ್ಯಾ ಸಾವ್ಳಿತ್ ಸಗ್ಳ್ಯಾ ಜನಾವರಾಕ್ನಿ ಆಧಾರ್ ಹೊವ್ನ್, ಅಪ್ನಾಚ್ಯಾ ಟಾಂಕಿಯಾಂಚ್ಯಾ ವಯ್ನಿ ಪಾಂಕ್ರಾಕ್ನಿ ವಸ್ತಿ ರಾತಲೊ ಜಾಗೊ ಹೊವ್ನ್ ಹೊತ್ತೆ, ಸಪ್ನಾತ್ ದಿಸಲ್ಲೆ ತೆ ಬಳಾಚೆ ಝಾಡ್ ತಿಯಾಚ್, 22 ರಾಜಾ ತಿಯಾ ವಾಡುನ್ ಬಳಾಚೊ ಹೊಲೆ, ತುಜಿ ಮಹಿಮಾ ವಾಡುನ್ ಮಳ್ಬಾಕ್ ಪಾವ್ಲಾ, ತುಜಿ ರಾಜ್ವಟ್ಕಿ ಜಗಾಚ್ಯಾ ಆಕ್ರಿ ಪತರ್ ಪಗಳ್ಳಾ. 23 ರಾಜಾ, ಎಕ್ ನಿತಳ್ ಧುತಾನ್ ಮಳ್ಬಾಕ್ನಾ ಉತ್ರುನ್, ಝಾಡ್ ತೊಡುನ್ ನಾಶ್ ಕರಾ, ಖರೆ ಮುಳಾಚಿ ಬುಡ್ಚಿ ಹುರ್ವುನ್ ತೆಜ್ಯಾ ಭೊತ್ಯಾನಿ ಲೊಂಗ್ಟಾಚಿ ಅನಿ ತಾಂಬಾಚಿ ಪಟ್ಟಿಯಾ ಭಾಂದಾ, ತೆಜ್ಯಾ ಭೊತ್ಯಾನಿ ಡಂಗ್ಳಿತ್ಲೆ ಘವಾತ್ ಉಗುಂದಿ, ಮಳ್ಬಾತ್ಲಿ ಇಬ್ಬನಿ ತೆಕಾ ಭಿಜ್ವುನ್ದಿತ್, ತೆ ಡಂಗ್ಳಿತ್ಲ್ಯಾ ಜನಾವರಾಂಚ್ಯಾ ಸಾರ್ಕೆ ಸಾತ್ ವರಿಸ್ ರಾಂವ್ದಿತ್ ಮನುನ್ ಪರ್ಗಟ್ತಲೆ ತಿಯಾ ಬಗಟ್ಲೆ ನ್ಹಯ್. 24 ರಾಜಾ ಹೆಚೊ ಅರ್ಥ್ ಕಾಯ್ ಮಟ್ಲ್ಯಾರ್, ಮಾಜೊ ವಡಿಲ್ ಹೊವ್ನ್ ಹೊತ್ತ್ಯಾ ರಾಜಾಕ್ ಸಗ್ಳೆ ಕರುಕ್ ಶಕ್ತ್ ಹೊತ್ತ್ಯಾ ದೆವಾಚೊ ನಿರ್ದಾರ್ ಹ್ಯೊಚ್, 25 ತುಕಾ ಮಾನ್ಸಾಂತ್ನಾ ಡಕ್ಲುನ್ ಡಂಗ್ಳಿತ್ಲ್ಯಾ ಜನಾವರಾತ್ನಿ ವಸ್ತಿ ಕರುಕ್ ಟಾಕುನ್ ಹೊತಾ, ತುಜಿ ಗತ್ ಜನಾವರಾಂಚ್ಯಾ ಸಾರ್ಕೆ ಗವಾತ್ ಚರ್ತಲಿ ಹೊತಾ, ಅನಿ ತುಕಾ ಮಳ್ಬಾತ್ಲಿ ಇಬ್ಬನಿ ಭಿಜ್ವುತಾ, ಅನಿ ಸಗ್ಳೆ ಕರುಕ್ ಶಕ್ತ್ ಹೊತ್ತೊ ದೆವ್ ಮಾನ್ಸಾಚ್ಯಾ ರಾಜ್ಯಾತ್ ರಾಜಾ ಹೊವ್ನ್ ತೆ ಅಪ್ನಾಕ್ ಪಾಜೆ ಹೊಲ್ಲ್ಯಾಕ್ನಿ ಒಪ್ಸುನ್ ದಿತಾ ಮನ್ತಲೆ ತುಕಾ ಕಳುಚ್ಯಾ ಪೈಲೆಚ್ ಸಾತ್ ವರಿಸ್ ಅಸೆಚ್ ಕಳ್ದುನ್ ಜಾತಾ. 26 ಅನಿ ಝಾಡಾಚಿ ಬುಡ್ಚಿ ಜಿಮ್ನಿವರ್‍ತಿ ಹುರ್ವಾ ಮನುನ್ ಹುಕುಮ್ ಹೊಲ್ಲ್ಯಾಚೊ ಅರ್ಥ್ ಕಾಯ್ ಮಟ್ಲ್ಯಾರ್, ತುಜೊ ರಾಜ್ ತುಕಾ ಪಾಟಿ ಪರ್‍ತುನ್ ದಿವ್ನ್ ಹೊತಾ, ಖರೆ ಮೊಟೊ ದೆವ್ ರಾಜ್ವಟ್ಕಿ ಕರ್ತಾ, ಮನ್ತಲೆ ತಿಯಾ ಕಳ್ವುನ್ ಘೆಟಲ್ಲ್ಯಾಮಾನಾ ಅಸೆ ಹೆ ಸಗ್ಳೆ ಹೊತಾ, ಹೆ ಖರೆಚ್ ಹಾಯ್. 27 ತೆಜ್ಯಾ ವಯ್ನಾ ರಾಜಾ, ಮಾಜಿ ಬುದ್ದಿಚಿ ಗೊಸ್ಟಿಯಾ ದಯಾ ಕರುನ್ ಮಾನುನ್ ಘೆ, ತಿಯಾ ಪಾಪಾಚಿ ಕಾಮಾ ಕರುನಕ್ಕೊ ನಿತಿ ವರ್‍ತಿ ಚಲ್; ಬುರ್ಶಿ ಕಾಮಾ ಕರುನಕ್ಕೊ, ಗರಿಬಾಕ್ನಿ ದಯಾ ದಾಕ್ವು, ಹೆಚ್ಯಾ ವಯ್ನಾ ತುಜೆ ಆರಾಮಾಚೊ ಎಳ್ ವಾಡ್ತಾ, ಹಿಚ್ ಮಾಜಿ ಬುದ್ದಿಚಿ ಗೊಸ್ಟಿಯಾ ಮನುನ್ ಕಳ್ವುನ್ ಘೆ, ಮಟ್ಲ್ಯಾನ್. 28 ಹೆ ಸಗ್ಳೆ ರಾಜಾ ನೆಬುಕದ್ನೆಜ್ಜರಾಚ್ಯಾ ಅನುಭೊಗಾಕ್ ಯೆಲೆ. 29 ಬಾರಾ ಮೈನೆ ಹೊಲ್ಲ್ಯಾಮಾನಾ ರಾಜಾ ನೆಬುಕಡ್ನೆಜ್ಜರಾನ್ ಬಾಬಿಲೊನಾಚ್ಯಾ ರಾಜಾಚ್ಯಾ ಘರಾಚ್ಯಾ ಮಾಳ್ಗಿ ವರ್‍ತಿ ಫಿರುನ್ಗೆತ್ ಹೊತ್ತೊ, 30 ಅಬಕ್, ಹೆ ಬಾಬಿಲೊನ್ ಮನ್ತಲ್ಯಾ ಶಾರ್ ಮಾಜ್ಯಾ ಮಹಿಮೆ ವಯ್ನಾ ಸಗ್ಳ್ಯಾಕ್ನಿ ಕಳಿ ಸರ್ಕೆ ಅನಿ ಮಾಜ್ಯಾ ಬಳಾ ವಯ್ನಾ ರಾಜಾ ರಾತಲೊ ಜಾಗೊ ಕರುನ್, ಮಿಯಾ ಭಾಂದುನ್ ಘೆಟಲ್ಲೆ ಮನುನ್ ಬಡಾಯ್ ಕರಿತ್ ಹೊತ್ತೊ. 31 ತಿ ಗೊಸ್ಟ್ ಅಜುನಿ ಸಾಂಗುನ್ಗೆತ್ ರ್‍ಹಾತಾನಾ, ಸೊರ್ಗಾಕ್ನಾ ಧನ್ ಆಯ್ಕೊ ಯೆಲೊ, ರಾಜಾ ನೆಬುಕದ್ನೆಜ್ಜರ್, ತುಜೆಕ್ನಾ ತುಜಿ ರಾಜ್ ಪದ್ವಿ ಕಾಡುನ್ ಘೆವ್ನ್ ಹೊಲಾ!, 32 ಲೊಕಾಕ್ನಿ ತಿಯಾ ಸೊಡುನ್ ಜಾವ್ಚೆ ಮನುನ್ ತುಕಾ ವತ್ತಾಯ್ ಕರ್‍ತಾತ್, ತಿಯಾ ಡಂಗ್ಳಿತ್ಲ್ಯಾ ಜನಾವರಾಂಚ್ಯಾ ವಾಂಗ್ಡಾ ವಸ್ತಿ ಕರ್‍ತೆ ಗೊರಾಂಚ್ಯಾ ಸಾರ್ಕೆ ಗವಾತ್ ಖಾತಲಿ ತುಜಿ ಗತ್ ಹೊವ್ನ್ ರ್‍ಹಾತಾ, ಸಗ್ಳೆ ಕರುಕ್ ಶಕ್ತ್ ಹೊತ್ತ್ಯಾ ದೆವ್ ಮಾನ್ಸಾಂಚ್ಯಾ ರಾಜ್ವಾಡ್ಯಾತ್ ಅಪ್ನಾಕ್ನಿ ಪಾಜೆ ಹೊಲ್ಲ್ಯಾಕ್ನಿ ರಾಜಾ ಕರುನ್ ನೆಮ್ತಾ ಮನ್ತಲೆ ತುಕಾ ಕಳುಚ್ಯಾ ಅದ್ದಿಚ್ ತುಕಾ ಸಾತ್ ವರಿಸ್ ಕಳ್ದುನ್ ಜಾತಾ ಮನ್ತಲಿ ಗೊಸ್ಟ್ ಆಯ್ಕೊ ಯೆಲಿ. 33 ತಿ ಗೊಸ್ಟಿಯಾ ಲಗ್ಗುನಾಚ್ ಘಡ್ಲಿ, ತನ್ನಾ ನೆಬುಕದ್ನೆಚರಾನ್ ಲೊಕಾಕ್ನಿ ಸೊಡುನ್ ಜಾಯ್ ಸಾರ್ಕೆ ಹೊಲೆ, ತೊ, ಗೊರಾ ಘತಿನ್ ಗವಾತ್ ಚರುನ್ಗೆತ್ ಮಳ್ಬಾಚ್ಯಾ ಇಬ್ಬನಿಕ್ನಾ ಭಿಜ್ವುನ್ಗೆತ್ ಹೊತ್ತೊ, ತೆಚಿ ಕೆಸಾ ಹಳಿ ಹದ್ದಾಂಚ್ಯಾ ಫಾಕಾಂಚ್ಯಾ ಗತಿನ್, ಅನಿ ತೆಚಿ ನಕ್ಕಾ ಫಾಕ್ರಾಂಚ್ಯಾ ನಕ್ಕಾಂಚ್ಯಾ ಗತಿನ್ ವಾಡ್ಲಿ.

34 ತೊ ಎಳ್ ಕಳದ್ಲ್ಯಾ ಮಾನಾ, ತನ್ನಾ ಮಾಜಿ ಬುದ್ದ್ ಪರ್‍ತುನ್ ಮಾಜ್ಯಾಕ್ಡೆ ಯೆಲಿ, ತನ್ನಾ ಮಿಯಾ ಸರ್ವೆಸ್ಪರಾಕ್ ಹೊಗ್ಳಾಪ್ ಕರುನ್ ಸಗ್ಳ್ಯಾ ಎಳಾರ್ ಝಿತ್ತೊ ರ್‍ಹಾತಲ್ಯಾ ದೆವಾಕ್ ಸ್ತುತಿ ಕರ್ಲೊ, ತೆಚಿ ರಾಜ್ವಟ್ಕಿ ಶಾಶ್ವತ್ ಹೊವ್ನ್ ಹಾಯ್, ಅನಿ ತೆಜೊ ರಾಜ್ಯ್ ಸದಾಸರ್ವತಾಕ್ ಇಬೆ ಹಾಯ್. 35 ಜಿಮ್ನಿ ವೈಲಿ ಸಗ್ಳಿ ಲೊಕಾ ತೆಜ್ಯಾ ದಿಸ್ಟಿತ್ ಕಾಯ್ಬಿ ನ್ಹಯ್ ಸರ್ಗಾಚ್ಯಾ ಸಯ್ನಿಕಾಂಚ್ಯಾ ವಾಂಗ್ಡಾಬಿ ಅನಿ ಜಿಮ್ನಿ ವಯ್ಲ್ಯಾ ವಾಂಗ್ಡಾಬಿ ತೊ ಅಪ್ನಾಚ್ಯಾ ಮನಾಕ್ ಯೆಲ್ಲ್ಯಾಂಚ್ಯಾ ಗತಿನ್ ಚಲ್ತಾ, ಕೊನಾಚೆನ್ಬಿ ತೆಚೆ ಬೊಲ್ನೆ ದಾಟುನ್ ಜಾವ್ಕ್ ಹೊಯ್ನಾ, ತಿಯಾ ಕಾಯ್ ಕರುಲೆ, ಮನುನ್ ಕೊನ್ಬಿ ಇಚಾರುಕ್ ಯೆಯ್ನಾ. 36 ತನ್ನಾ ದೆವಾನ್ ಮಾಕಾ ಸಮಾ ಬುದ್ದ್ ದಿಲ್ಯಾನ್, ಮಾಕಾ ಮಾಜಿ ರಾಜ್ ಪದ್ವಿ ಪರ್‍ತುನ್ ಗಾವ್ಲಿ, ಮಾಜಿ ಮಂತ್ರಿಯಾ ಅಧಿಕಾರಿನಿ ಮಾಕಾ ಸ್ವಿಕಾರ್ ಕರುನ್ ಘೆಟ್ಲ್ಯಾನಿ, ಮಿಯಾ ಅನಿ ಪರ್‍ತುನ್ ರಾಜಾ ಹೊಲೊ, ಮಿಯಾ ಅದ್ಲ್ಯಾಕ್ನಿ ಲೈ ಬಳಾಚೊ ಅನಿ ಮಹಿಮಾಚೊ ರಾಜಾ ಹೊಲೊ. 37 ಮಿಯಾ ರಾಜಾ ನೆಬುಕದ್ನೆಜ್ಜರ್ ಅತ್ತಾ ಸೊರ್ಗಾಚ್ಯಾ ರಾಜಾಕ್ ಮಾನ್ ದಿವ್ನ್ ಸ್ತುತಿ ಆರಾದನ್ ಕರ್ತಾ, ತೊ ಕರ್‍ತಲೆ ಸಗ್ಳೆ ಖರೆಚ್, ತೆಚಿ ಸಗ್ಳಿ ವಾಟಾ ಖರೆ ಪಾನಾಚಿ ಹೊವ್ನ್ ಹಾತ್. ಘರುಕಿನ್ ಚಲ್ತಲ್ಯಾಕ್ನಿ ತೊ ಬಾಗ್ವುತಾ.