ದಾನಿ 12

ಜಗಾಚೊ ಅಂತ್

1 ತ್ಯಾ ಎಳಾರ್ ತುಮ್ಚ್ಯಾ ಲೊಕಾಂಚ್ಯಾ ರಾಕ್ವನಿ ಸಾಟ್ನಿ ಮೊಟೊ ರಾಕ್ವಲಿ ಮಿಂಗೆಲ್ ಯೆತಾ, ಪಯ್ಲೆ ಲೊಕಾ ಉಪ್ಜುಚ್ಯಾ ಅದ್ದಿಚ್ಯಾನ್ ಹೊವ್ಕ್ ನಸಲ್ಲೊ ತರಾಸ್ ಅತ್ತಾ ಹೊತಾ, ತನ್ನಾ ತುಜ್ಯಾ ಲೊಕಾಂಚ್ಯಾಕ್ಡೆ ಮಟ್ಲ್ಯಾರ್, ಸುಳ್ಳಿತ್ ಕೊನಾಚೆ ನಾವ್ ಲಿವಲ್ಲೆ ಹಾಯ್ ತೆನಿ ರಾಕ್ವನ್ ಹೊತಾತ್. 2 ಅನಿ ಜಿಮ್ನಿಚ್ಯಾ ಮಾಟಿತ್ ನಿಜಲ್ಲೆ ಹೊತ್ತೆ ಮಟ್ಲ್ಯಾರ್, ಮರುನ್ ಮಾಟಿ ಹೊಲ್ಲ್ಯಾತ್ಲಿ ಉಲ್ಲಿ ಲೊಕಾ ಕನ್ನಾಬಿ ನಾಶ್ ಹೊಯ್ ನಸಲ್ಲ್ಯಾ ಜಿವನಾಕ್ ಅನಿ, ಅನಿ ಉಲ್ಲಿ ಲೊಕಾ ಲಜ್ಜೆಕ್ ಅನಿ ಅಂತ್ ನಸಲ್ಲ್ಯಾ ತಿರಸ್ಕಾರಾತ್ ಪಡ್ತಾತ್. 3 ಉಲ್ಲಿ ಲೊಕಾ ಬುದ್ವಂತ್ ಲೊಕಾ ಮಳ್ಬಾಚೊ ಉಜ್ವೊಡ್ ಗತಿನ್, ಲೈ ಲೊಕಾಕ್ನಿ ನಿತಿವಂತ್ ಕರಲ್ಲಿ ಲೊಕಾ ಸದಾ ಸರ್ವತಾಕ್ ಚುಕ್ಕಿಯಾಂಚ್ಯಾ ಸಾರ್ಕೆ ಹೊಳಾವ್ತಾತ್. 4 "ದಾನಿಯೆಲಾ, ತಿಯಾ ಹಿ ಸಗ್ಳಿ ಗೊಸ್ಟಿಯಾ ಲಿವಲ್ಲ್ಯಾ ಪುಸ್ತಕಾಕ್ ಛಪ್ಪೊ ಮಾರ್ ಆಕ್ರಿ ಪತರ್ಬಿ ಧಾಪುನ್ ಥವ್, ಲೈ ಲೊಕಾ ತಿಕ್ಡಿನ್ ಹಿಕ್ಡಿನ್ ಫಿರುನ್ ಖೆಳ್ತಾತ್ ಅನಿ ಬುದ್ದ್ ಲೈ ಹೊಯ್ಲ್", ಮಟ್ಲ್ಯಾನ್. 5 ತನ್ನಾ ದಾನಿಯೆಲ್ ಮನ್ತಲ್ಯಾ ಮಿಯಾ ಬಗಟ್ಲೊ, ಎಕ್ಲೊ ನ್ಹಯಿಚ್ಯಾ ದಂಡೆಚ್ಯಾ ಎಕ್ ಭಾಜುಕ್ ಅನಿ ಎಕ್ಲೊ ನ್ಹಯಿಚ್ಯಾ ದಂಡೆಚ್ಯಾ ಅನಿ ಎಕ್ ಭಾಜುಕ್ ಇಬೆ ಹೊತ್ತ್ಯಾನಿ. 6 ತೆನಿ ಕಿಮ್ತಿಚೆ ಕಪ್ಡೆ ನೆಸುನ್ ಘೆವ್ನ್ ನ್ಹಯಿಚ್ಯಾ ಪಾನಿಯಾಂಚ್ಯಾ ವರ್‍ತಿ ಇಬೆ ಹೊತ್ತ್ಯಾ, ಅನಿ ಎಕ್ಲ್ಯಾಕ್, ಹೆ ಅಜಾಪಾಚಿ ಘಟ್ನಾ ಕನ್ನಾ ಸರ್ತಾತ್? ಮನುನ್ ಇಚಾರ್‍ತಾನಾ, 7 ನ್ಹಯಿಚ್ಯಾ ದಂಡೆ ವರ್‍ತಿ ಕಿಮ್ತಿಚೆ ಕಪ್ಡೆ ನೆಸುನ್ ಇಬೆ ಹೊತ್ತ್ಯಾ ಮಾನ್ಸಾನ್, ಅಪ್ನಾಚೊ ಉಜ್ವೊ ಹಾತ್ ಅನಿ ಡಾವೊ ಹಾತ್ ಮಳ್ಬಾಕ್ಡೆ ಉಕ್ಲುನ್, ಸದಾ ಸರ್ವತಾಕ್ ಝಿತ್ತೊ ರ್‍ಹಾತಲ್ಯಾ ದೆವಾಚ್ಯಾ ವರ್‍ತಿ ಆನ್ ಥವ್ನ್, ತೆ ಎಕ್ ಎಳ್, ಸಗ್ಳ್ಯಾ ಎಳಾರ್ನಿ ಅನಿ ಅರ್ದ್ಯಾ ಯೆಳಾಕ್ ರ್‍ಹಾತಾ, ತೆನಿ ನಿತಳ್ ಲೊಕಾಂಚಿ ವರ್‍ತಿ ಹೊತ್ತಿ ಬಳ್ ಮೊಡ್ಲ್ಯಾ ಮಾನಾ, ಹೆ ಸಗ್ಳೆ ಹೊತಾ ಮನ್ತಲೆ ಮಿಯಾ ಆಯಿಕ್ಲೊ. 8 ಮಿಯಾ ಆಯಿಕ್ಲೊ, ಖರೆ ವಿಚಾರ್ ಕರುಕ್ನಾ, ತನ್ನಾ ಮಿಯಾ, ಮಾಜ್ಯಾ ಧನಿ, ಹ್ಯಾ ಸಂಗ್ತಿಯಾಂಚೊ ಪರಿನಾಮ್ ಕಾಯ್ ಹೊತಾ? ಮನುನ್ ಇಚಾರ್ಲೊ. 9 ತನ್ನಾ ತೆನಿ ಮಾಕಾ, ದಾನಿಯೆಲ್ ತಿಯಾ ಜಾ, ಕಶ್ಯಾಕ್ ಮಟ್ಲ್ಯಾರ್, ಹಿ ಗೊಸ್ಟಿಯಾ ಆಕ್ರಿಚ್ಯಾ ಯೆಳಾ ಪತರ್ ಧಾಪುನ್ ಛಪ್ಪೊ ಮಾರುನ್ ಥವ್ನ್ ಹೊಲಾ. 10 ಲೈ ಲೊಕಾ ನಿತಳ್ ಹೊವ್ನ್, ಕಸ್ಲಿಬಿ ಚುಕ್ ನಸಲ್ಲೆ ಹೊವ್ನ್ ನ್ಹವಿನ್ ಕರಲ್ಲ್ಯಾ ಸಾರ್ಕೆ ಹೊತಾತ್, ಖರೆ ಬುರ್ಶಿ ಲೊಕಾ ಬುರ್ಸೆ ಹೊವ್ನುಚ್ ರ್‍ಹಾತಾತ್, ಖಲೊ ಬುರ್ಸೊ ಮಾನುಸ್ಬಿ ಅರ್ಥ್ ಕರುನ್ ಘೆಯ್ನಾ, ಖರೆ ಬುದ್ವಂತಾ ತೆ ಕಳ್ವುನ್ ಘೆತಾತ್. 11 ಹರ್ ಎಕ್ ದಿಸಾಚಿ ಬಲಿಯಾ, ಸಮಾ ಯೆಳಾ ಸಾಟ್ನಿ ಬಂದ್ ಕರುನ್, ಅಸಹ್ಯ್ ವಸ್ತ್ ಥವ್ನ್ ಹೊಯ್ ಪತರ್ ಎಕ್ ಹಾಜಾರಾರ್ ದೊನ್ಸೆ ನ್ಹವ್ವದ್ ದಿಸಾಂಚ್ಯಾ ಪತರ್ ರ್‍ಹಾತಾ. 12 ಎಕ್ ಹಾಜಾರಾರ್ ತಿನ್ಸೆ ತಿಸಾರ್ ಪಾಂಚ್ ದಿಸಾ ಆಕ್ರಿ ಪತರ್ ಸೊಸುನ್ಗೆವ್ನ್ ರಾಕುನ್ ರಾತಲೊಚ್ ಲೈ ನಿತಿವಂತ್ ಮಾನುಸ್ ಹೊವ್ನ್ ಹಾಯ್. 13 ತಿಯಾ ಅನಿ ದಾನಿಯೆಲ್ ಆಕ್ರಿ ಪತರ್ಬಿ ವಿಸ್ವಾಸಾನ್ ರಾ, ತಿಯಾ ಆರಾಮ್ ಕರುನ್ಗೆತೆಯ್, ಅನಿ ದಿಸ್ ಬುಡ್ತಲ್ಯಾ ಯೆಳಾಚ್ಯಾ ಆಕ್ರಿಕ್ ತುಕಾ ಮನುನ್ ತಯಾರ್ ಕರುನ್ ಥವಲ್ಲ್ಯಾ ಜಾಗ್ಯಾಕ್ ಜಾವ್ಕ್ ಉಟುನ್ ಯೆಲೆ, ಮನುನ್ ಸಾಂಗ್ಲ್ಯಾನ್.