1 ಹಿ ಹಬಕ್ಕುಕ್ ಪರ್ವಾದ್ಯಾಚಿ ಮಾಗ್ನಿ.

2 ಸರ್ವೆಸ್ಪರಾ, ತುಜ್ಯಾ ಕಾಮಾಂಚ್ಯಾ ವಿಶಯಾತ್ ಮಿಯಾ ಲೈ ಆಯಿಕ್ಲೊ,

ಮಿಯಾ ತುಜ್ಯಾ ಭಿಂಯ್ಯಾತ್ ಇಬೆ ಹಾಂವ್,

ಅನಿ ಪರ್‍ತುನ್ ಕರ್ ಅಮ್ಚ್ಯಾ ಕಾಳಾತ್ ತೆ ಸಗ್ಳೆ.

ಪಯ್ಲೆ ಕರಲ್ಲೆ ಕಾಮ್ ಜಗಾಚ್ಯಾ ಮದ್ದಿ ತುಜೆ ರಾಕ್ವನಿಚೆ ಕಾಮ್ ಜಗಾಚ್ಯಾ ಮದ್ದಿ ತೆ ಮ್ಹಾಳಾಕ್ ಹಾನ್;

ರಾಗ್ ಹೊಲ್ಯಾರ್ಬಿ ಇಸ್ರುನಕ್ಕೊ ದಯಾ ಕರ್‍ತಲೆ .

3 ಸರ್ವೆಸ್ಪರ್ ತೆಮಾನಿಕ್ನಾ ಯೆಲೊ,

ಪವಿತ್ರ್ ಸರ್ವೆಸ್ಪರ್ ಪಾರಾನ್ ಮಡ್ಡಿ ವಯ್ನಾ;

ತೆಚಿ ಮಹಿಮಾ ಮಳ್ಬಾಚ್ಯಾ ವರ್‍ತಿ ಪಗ್ಳುಲಾಗ್ಲಾ,

ಭರ್ಲಾ ತೆಜ್ಯಾ ಮಹಿಮಾನ್ ಜಿಮ್ನಿ ವರ್‍ತಿ.

4 ತೆಚ್ಯಾ ಹಾತಾನಿತ್ನಾ ಉಜ್ವೊಡಾಚಿ ಕಿರ್ನಾ ಭಾಯ್ರ್ ಪಡ್ತಾತ್,

ನಿಪುನ್ ಹಾಯ್ ಥೈಚ್ ತೆಚಿ ಬಳ್.

5 ದುಕ್ನೆ ತೆಜ್ಯಾ ಫಿಡೆ, ಫಿಡೆ ಜಾತಾ,

ಪಿಡಾ ತೆಚ್ಯಾ ಪಾಟ್ನಾ-ಪಾಟ್ನಾ ಯೆತಾ.

6 ಹಾದರ್ತಾ ಜಿಮಿನ್ ತೊ ಇಬೆ ರ್‍ಹಾತಾನಾ,

ಖಾಪ್ತಾ ಜಿಮಿನ್ ತೆನಿ ದಿಸ್ಟ್ ಲಾವ್ತಾನಾ,

ಚಿರುನ್ ಜಾತಾತ್ ಜುನ್ನಿ ಮಡ್ಡಿಯಾ,

ಕೊಸ್ಳು ಪಡ್ತಾತ್ ಜುನ್ನಿ ಡೊಂಗ್ರಾ,

ಪಯ್ಲೆಚ್ಯಾನ್ಬಿ ತೆಚೆ ಯೆನೆ ತಸೆಚ್.

7 ಮಾಕಾ ಅಸೆ ದಿಸ್ಲೆ,

ಅಬಕ್, ಕುಶಾನಿಚಿ ಝೊಪ್ಡಿಯಾ ತಳ್ಮಳುಲ್ಲಾತ್, ಥರ್ಥರುಲ್ಲಾತ್ ಮಿದ್ಯಾನ್ ದೆಶಾಚೆ ಬಿರಾಡಾ.

8 ತುಜ್ಯಾ ಜಿಕೆಚ್ಯಾ ರಥಾಂಚ್ಯಾ ವರ್‍ತಿ ತುಜ್ಯಾ ಘೊಡ್ಕಿಯಾಂಚ್ಯಾ ವಾಂಗ್ಡಾ ಸವಾರ್ ಕರುನ್ ತಿಯಾ ಯೆತಾನಾ ನ್ಹಯ್ಚ್ಯಾ ವಿರೊಧ್ ರಾಗ್ ನಾತರ್ ಸಮುಂದರಾಚ್ಯಾ ವಿರೊಧ್ ರಾಗ್ ಕಾಯ್?

ತುಕಾ ನ್ಹಯ್ಯಾಂಚ್ಯಾ ವರ್‍ತಿ ರಾಗ್ ಕಾಯ್ ಒ ಸರ್ವೆಸ್ಪರಾ?

9 ಕಾಡ್ಲೆ ಬಿಲ್ಲ್ ಬಾವ್ಳ್ಯಾತ್ನಾ,

ಸೊಡ್ಲೆ ಬಾನಾ ತ್ಯಾತುರ್‍ನಾ,

ಚಿರ್ಲೆ ಜಿಮಿನ್ ನ್ಹಯಾಂಚ್ಯಾ ವಯ್ನಾ,

10 ತುಕಾ ಬಗುನ್ ಡೊಂಗ್ರಾ ತಳ್ಮಳೊ,

ಮಳ್ಬಾಕ್ನಾ ಹೊಂವ್ತಾ ಮೊಟೊ ಹೊಂವಾರೊ,

ಲಾಟಾ ವಯ್ರ್ ಉಟಿ ಸಾರ್ಕೆ ಕರ್ತಾ ದರ್ಯೊ.

11 ಹುಡುನ್ ಪಳ್ತಲ್ಯಾ ತುಜ್ಯಾ ಬಾನಾಂಚ್ಯಾ ಉಜ್ವೊಡಾಕ್,

ಹೊಳಾವ್ತಲ್ಯಾ ತುಜ್ಯಾ ಭರ್ಚಿಯಾಂಚ್ಯಾ ಲಕ್ಲಕ್ಯಾಕ್,

ದಿಸ್ ಅನಿ ಚಂದಾಮ್ ನಿಪ್ತಾತ್ ಗುಡಾತ್ .

12 ಜಿಮಿನ್ ತಿಯಾ ದಾಟುನ್ ಜಾತೆ ಆರ್ಭಾಟಾನ್,

ದೆಸಾಕ್ನಿ ತಿಯಾ ತುಡ್ವುತೆಯ್ ಮೊಟ್ಯಾ ರಾಗಾನ್.

13 ಜಾವ್ಕ್ ಲಾಗ್ಲೆ ತುಜ್ಯಾ ಲೊಕಾಂಚ್ಯಾ ರಾಕ್ವನಿಕ್ ಸಾಟ್ನಿ,

ತುಜ್ಯಾ ಅಭಿಶಿಕ್ತಾಚೊ ಜಿವಾಚ್ಯಾ ರಾಕ್ವನಿಕ್,

ಫೊಡುನ್ ಟಾಕ್ಲೆ ಬುರ್ಶಾಪಾನಾಚ್ಯಾ ವಡಿಲಾಚೆ ಟಕ್ಲೆ,

ತೆಕಾ ಉಪ್ಳುನ್ ಕಾಡ್ಲೆ ತೆಚೆ ಘರ್ ಮುಳಾತ್ನಾ.

14 ಖಾಯ್ಬಿ ನತ್ತ್ಯಾ ಮಾನ್ಸಾಕ್ನಿ ಘುಟ್ಟಾನ್ ಗಿಳುಕ್ ಲಾವ್ನ್ ಲೈ ಹೊಯ್ ಸಾರ್ಕೆ ಕರುನ್

ಮಾಕಾ ಪಗ್ಳುಕ್ ಯೆಲಿ ತೆಚಿ ಸಯ್ನಿಕಾ ವ್ಹಾರೆ ವಾದಾಳಾ ಸಾರ್ಕೆ, ತೆಜ್ಯಾ ಹಾತಿಯಾರಾನಿಚ್ ತೆಚೆ ಟಕ್ಲೆ ತಿಯಾ ಫೊಡ್ಲೆ.

15 ಘೊಡ್ಯಾ ವೈನಿ ಚಡುನ್ ತಿಯಾ ಸಮುಂದರ್ ದಾಟ್ಲೆಯ್,

ಬುರಕ್ ಉಟ್ತಲ್ಯಾ ಪಾನಿಯಾಚ್ಯಾ ರಾಶಿಕ್ನಾ ದಾಟುನ್ ಗೆಲೆಯ್.

16 ಹೆ ಆಯ್ಕುನ್ ಖಾಪ್ಲೊ ಮಾಜೊ ಹೊಟ್ಟೊ,

ಹಾದರ್ಲಿ ತ್ಯಾ ಆವಾಜಾಕ್ ಮಾಜಿ ಹೊಟ್ಟಾ,

ಕುಸಲ್ಲ್ಯಾ ಗತಿನ್ ಹೊಲಿ ಮಾಜಿ ಹಡ್ಡಾ,

ಇಬೆ ಹೊತ್ತ್ಯಾಕ್ಡೆಚ್ ಥರ್ತಲಿ ಮಾಜಿ ಪಾಂಯಾ,

ತರಾಸ್ ಯೆವ್ನ್ ಪಾವ್ತಾ ಮಾಕಾ ಘೆರೊ ಘಾಲ್ತಲ್ಯಾಕ್ನಿ,

ರಾಕುನ್ ರ್‍ಹಾತಾ ಮಿಯಾ ಥಂಡ್ ಮನಾನ್ ತ್ಯಾ ದಿಸಾ ಪತರ್.

17 ಆಹಾ, ಅಂಜುರಾಚೆ ಝಾಡ್ ಚಿಗ್ರಿ ನಸ್ಲ್ಯಾರ್‍ಬಿ,

ದರಾಕ್ಷಾಚ್ಯಾ ಎಲಿತ್ನಿ ಫಳ್ ದಿಸಿ ನಸ್ಲ್ಯಾರ್‍ಬಿ,

ತೆಲಾಚ್ಯಾ ಝಾಡಾತ್ನಿ ಕಾಯ್ಬಿ ಗಾಯ್ ನಸ್ಲ್ಯಾರ್‍ಬಿ,

ಸೆತಾಬಾತಾತ್ನಿ ಫಿಕ್ ದಿ ನಸ್ಲ್ಯಾರ್‍ಬಿ,

ಬಕ್ರಾಚ್ಯಾ ಗೊಟ್ಯಾತ್ನಿ ಕಾಯ್ ನಸ್ಲ್ಯಾರ್‍ಬಿ,

ಗೊಟ್ಯಾತ್ನಿ ಗೊರಾಡೊರಾ ನಸ್ಲ್ಯಾರ್‍ಬಿ,

18 ಖುಶಿ ಹೊತಾ ಮಿಯಾ ಸರ್ವೆಸ್ಪರಾಕ್ಡೆ,

ಆನಂದ್ ಹೊತಾ ಮಾಜ್ಯಾ ಸುಟ್ಕಾ ಕರ್‍ತಲ್ಯಾ ದೆವಾಕ್ಡೆ.

19 ಸರ್ವೆಸ್ಪರ್ ದೆವ್ ದಿತಾ ಮಾಕಾ ಧೈರ್ಯೊ,

ಮಾಜಿ ಪಾಂಯಾ ಚಿತ್ಳಾಚ್ಯಾ ಗತಿನ್ ಸುಡ್ಸುಡಿತ್ ಕರ್ತಾ ತೊ,

ಮಡ್ಡಿಯಾ ಡೊಂಗ್ರಾಂಚ್ಯಾ ವರ್‍ತಿ ಪಳಿ ಸಾರ್ಕೆ ಕರ್ತಾ ತೊ. ಮುಕ್ಯ್ ಗಾವ್ಪ್ಯಾಕ್ :ಅನಿ ತಂತಿಚ್ಯಾ ವಾಜ್ಪಾಂಚ್ಯಾ ವಾಂಗ್ಡಾ ಗಿತ್ ಗಾವ್ತಲೆ.