Jonas 2

ಜೊನಾಚಿ ಮಾಗ್ನಿ

1 ತನ್ನಾ ಜೊನಾ ಮಾಸ್ಳಿಚ್ಯಾ ಪೊಟಾತ್ನಾ ಅಪ್ನಾಚೊ ಸರ್ವೆಸ್ಪರ್ ಸರ್ವೆಸ್ಪರಾಕ್ಡೆ ಅಸೆ ಮಾಗ್ನಿ ಕರ್‍ತಾ;

2 "ಮಿಯಾ ಮಾಜ್ಯಾ ತರಾಸಾತ್ನಾ ಸರ್ವೆಸ್ಪರ್ ದೆವಾಕ್ ಕುಕ್ ಮಾರ್ಲೊ,

ಅನಿ ತೆನಿ ಮಾಕಾ ಜಾಬ್ ದಿಲ್ಯಾನ್.

ಪಾತಾಳಾಚ್ಯಾ ಪೊಟಾತ್ನಾ ಕುಕ್ ಮಾರ್ಲೊ,

ತಿಯಾ ಮಾಜೊ ಆವಾಜ್ ಆಯ್ಕ್ಲೆ.

3 ಕಶ್ಯಾಕ್ ಮಟ್ಲ್ಯಾರ್, ತಿಯಾ ಮಾಕಾ ಸಮುಂದರಾಚ್ಯಾ ಮಟ್ ಮದ್ದಿ ಖೊಲಾತ್ ಘಾಟ್ಲೆ;

ಹೊಂವಾರ್ಯಾನಿ ಮಾಕಾ ಘೆರೊ ಘಾಟ್ಲ್ಯಾನಿ;

ಮೊಟಿ-ಮೊಟಿ ಲ್ಹಾಟಾ ಮಾಜೆ ವೈನಾ ಗೆಲಿ;

4 ತನ್ನಾ ತುಜ್ಯಾ ಡೊಳ್ಯಾಂಚ್ಶಾ ಇದ್ರಾಕ್ನಾ ಮಾಕಾ

ಭಾಯ್ರ್ ಘಾಟಲ್ಲೆ ಹಾಯ್ ಕಾಯ್ಕಿ ಮನುನ್ ಚಿಂತ್ಲೊ,

ಜಾಲ್ಯಾರ್ಬಿ ತುಜ್ಯಾ ಪವಿತ್ರ್ ಗುಡಿಕ್ಡೆ ಮಿಯಾ ಪರ್‍ತುನ್ ಬಗ್ತಾ;

5 ಮಾಜ್ಯಾ ಭೊತ್ಯಾನಿ ಹೊತ್ತ್ಯಾ ಪಾನಿಯಾನ್ ಜಿವ್ ಕಾಡುಚೆ ಮನುನ್ ಘೆರೊ ಘಾಟ್ಲ್ಯಾನ್,

ದರ್ಯಾಚ್ಯಾ ಪಾನಿಯಾನ್ ಮಾಕಾ ಬುಡ್ವುನ್ ಧರ್ಲ್ಯಾನ್;

ಜವ್ಳ್ ಧರಲ್ಲಿ ಝಾಡಾ ಮಾಜ್ಯಾ ಟಕ್ಲ್ಯಾಕ್ ಯೆವ್ನ್ ಗುಸ್ಮಟ್ಲಿ;

6 ಮಡ್ಡಿಯಾಂಚ್ಯಾ ಮುಳಾತ್ ಸಗೊಳ್ ಉತ್ರುನ್ ಮಿಯಾ ಗೆಲೊ.

ಜಗಾಚಿ ದಾರಾ ಮಾಜ್ಯಾ ಪಾಟಿ ಶಾಶ್ವತಾನಿ ಧಾಪ್ಲಿ,

ಹೊಲ್ಯಾರ್ಬಿ ತಿಯಾ ಮಾಜೊ ಜಿವ್ ತ್ಯಾ ಖೊಲಾತ್ನಾ ವರ್‍ತಿ ಉಕಲ್ಲೆ, ಮಾಜ್ಯಾ ದೆವಾ ಸರ್ವೆಸ್ಪರಾ.

7 ಮಾಜೊ ಜಿವ್ ಮಾಜ್ಯಾ ಭುತ್ತುರುಚ್ ಜಿರುನ್ ಗೆಲ್ಲ್ಯಾ ತನ್ನಾ

ಸರ್ವೆಸ್ಪರಾ ಮಿಯಾ ತುಕಾ ಯಾದ್ ಕರ್‍ಲೊ,

ಮಾಜಿ ಮಾಗ್ನಿ ತುಜ್ಯಾಕ್ಡೆ ತುಜ್ಯಾ ಪವಿತ್ರ್ ಗುಡಿತ್ ಯೆವ್ನ್ ಪಾವ್ಲಿ.

8 ಉಪೆಗಾಕ್ ನಸಲ್ಲ್ಯಾ ಮುರ್ತಿಯಾಂಚ್ಯಾ ವರ್‍ತಿ ಹೊಂದುನ್ ರಾತಲಿ ಲೊಕಾ

ದೆವಾಚೊ ಪ್ರೆಮ್ ಸೊಡ್ತಾತ್,

9 ಕಶ್ಯಾಕ್ ಮಟ್ಲ್ಯಾರ್, ಖರೆ ಮಿಯಾ ಸ್ತುತಿ ಗಿತಾನಿ ಸರ್ವೆಸ್ಪರಾ ತುಕಾ ಬಲಿ ಭೆಟ್ವುತಾ,

ಅನಿ ಮಾಗುನ್ ಘೆಟಲ್ಲಿ ಮಾಗ್ನಿ ಮಿಯಾ ದಿತಾ,

ಸಗ್ಳಿ ರಾಕ್ವನ್ ಸರ್ವೆಸ್ಪರ್ ದೆವಾಕ್ನಾಚ್ ಯೆತಾ."

10 ತನ್ನಾ ಸರ್ವೆಸ್ಪರಾನ್ ಸಾಂಗಲ್ಲ್ಯಾ ಸಾರ್ಕೆ ಮಾಸ್ಳಿನ್ ಜೊನಾಕ್ ಸಮುಂದರಾಚ್ಯಾ ದಂಡೆರ್ ಯೆವ್ನ್ ವೊಕ್ಲಿನ್.