João 6

53 ಜೆಜುನ್ ತೆಂಕಾ, "ಮಿಯಾ ತುಮ್ಕಾ ಖರೆ ಅಸಲ್ಲೆ ಸಾಂಗುಕ್ ಲಾಗ್ಲಾ, ತುಮಿ ಮಾನ್ಸಾಚ್ಯಾಲೆಕಾಚೆ ಶರಿರ್ ಖಾಯ್ನಸ್ಲ್ಯಾರ್, ಅನಿ ರಗಾತ್ ಫಿ ನಸ್ಲ್ಯಾರ್ ತುಮ್ಚ್ಯಾ ಭುತ್ತುರ್ ಜಿವುಚ್ ರ್‍ಹಾಯ್ನಾ. 54 ಜೆ ಕೊನ್ ಮಾಜೆ ಶರಿರ್ ಖಾತಾತ್, ಅನಿ ರಗಾತ್ ಫಿತಾತ್ ತೆಂಕಾ ಕನ್ನಾಚ್ ಮರಾನ್ ನಸಲ್ಲೆ ಜಿವನ್ ಗಾವ್ತಾ, ಆಕ್ರಿಚ್ಯಾ ದಿಸಿ ಮಿಯಾ ತೆಂಕಾ ಝಿತ್ತೆ ಕರುನ್ ಉಟ್ವುತಾ. 55 ಮಾಜೆ ಶರಿರ್ ಖರೆ ಖಾನ್, ಅನಿ ಮಾಜೆ ರಗಾತ್ ಖರೆ ಫಿವನ್. 56 ಜೆ ಕೊನ್ ಮಾಜೆ ಶರಿರ್ ಖಾತಾತ್ ಅನಿ ರಗಾತ್ ಫಿತಾತ್ ತೆನಿ ಮಾಜ್ಯಾ ಭುತ್ತುರ್ ಜಿವನ್ ಕರ್‍ತಾತ್ ಅನಿ ಮಿಯಾ ತೆಂಚ್ಯಾ ಭುತ್ತುರ್ ರ್‍ಹಾತಾ. 57 ಝಿತ್ತ್ಯಾ ಬಾಬಾನ್ ಮಾಕಾ ಧಾಡುನ್ ದಿಲ್ಯಾನಾಯ್ ತೆಚೆಸಾಟ್ನಿ ಮಿಯಾ ಝಿತ್ತೊ ರ್‍ಹಾತಾ, ಅಶೆ ಜೆ ಕೊನ್ ಮಾಕಾ ಖಾತಾತ್. ತೆನಿ ಬಿ ಝಿತ್ತೆ ರ್‍ಹಾತ್ಯಾತ್. 58 ಅಶೆ ರ್‍ಹಾತಾನಾ, ಸರ್ಗಾವೈನಾ, ಉತ್ರುನ್ ಯೆಲ್ಲಿ ಭಾಕ್ರಿ ತುಮ್ಚ್ಯಾ ಅದ್ಲ್ಯಾ ಲೊಕಾನಿ ಖಲ್ಲ್ಯಾ ಭಾಕ್ರಿ ಸರ್ಕಿ ನ್ಹಯ್, ತೆನಿ ಮರುನ್ ಗೆಲೆ, ಖರೆ ಜೆ ಕೊನ್ ಹಿ ಭಾಕ್ರಿ ಖಾತಾತ್ ತೆನಿ ಕನ್ನಾಚ್ ಮರಿನ್ಯಾತ್" ಮನುನ್ ಸಾಂಗ್ಲ್ಯಾನ್ .