João 9

ಜಲ್ಮಾಕ್ನಾಚ್ ಕುಡ್ಡೊ ಆಸಲ್ಲ್ಯಾಕ್ ಜೆಜು ಬರೊ ಕರ್‍ತಾ

1 ಜೆಜು ಅಪ್ಲಿ ವಾಟ್ ಧರುನ್ ಜಾತಾನಾ ಉಪಾಜ್ತಾನಾಚ್ ಕುಡ್ಡೊ ಹೊತ್ತ್ಯಾ ಎಕ್ ಮಾನ್ಸಾಕ್ ತೆನಿ ಬಗಟ್ಲ್ಯಾನ್. 2 ತ್ಯೆಚ್ಯಾ ಶಿಸಾನಿ ತೆಕಾ, "ಗುರುಜಿ, ಹ್ಯೊ ಮಾನುಸ್ ಕೊನಾಚ್ಯಾ ಪಾಪಾಕ್ ಲಾಗುನ್ ಕುಡ್ಡೊ ಹೊವ್ನ್ ಉಪಾಜ್ಲಾ? ತ್ಯೆಚ್ಯಾಚ್‍ ಪಾಪಾಕ್ನಿ ಲಾಗುನ್ ಕಾಯ್? ತ್ಯೆಚ್ಯಾ ಬಾಯ್ ಬಾಬಾಚ್ಯಾ ಪಾಪಾಕ್ನಿ ಲಾಗುನ್?" ಮನುನ್ ಇಚಾರ್‍ಲ್ಯಾನಿ.

3 ತನ್ನಾ ಜೆಜುನ್, "ತೊ ತೆಚ್ಯಾ ಪಾಪಾಕ್ನಿ ಲಾಗುನ್ ಹೊಂವ್ದಿ, ತೆಚ್ಯಾ ಬಾಯ್ - ಬಾಬಾಚ್ಯಾ ಪಾಪಾಕ್ನಿ ಹೊಂವ್ದಿ ಕುಡ್ಡೊ ಹೊವ್ನ್ ಉಪ್ಜುಕ್ನಾ, ದೆವಾಚೊ ಬಳ್ ಕಾಮಾಚ್ಯಾ ರುಪಾತ್ ದಾಕ್ವುನ್ ದಿವ್‍ಸಾಟ್ನಿ ಮನುನ್ ತೊ ಕುಡ್ಡೊ ಹೊವ್ನ್ ಉಪಜ್ಲಾ. 4 ದಿಸ್ ಬುಡಿ ಪತರ್ ಮಾಕಾ ಧಾಡಲ್ಲ್ಯಾನ್ ಕರುಕ್ ಸಾಂಗಲ್ಲಿ ಕಾಮಾ ಅಮಿ ಕರುಕ್ ಪಾಜೆ ರಾತ್ ಹೊವ್ಕ್ ಯೆಲಿ ರಾತ್ ಹೊಲಿ ತರ್ ಕೊನ್ಬಿ ಕಾಮ್ ಕರಿನಾತ್". 5 "ಮಿಯಾ ಹ್ಯಾ ಜಗಾತ್ ಅಸಿ ಪತರ್, ಮಿಯಾ ಜಗಾಚೊ ಉಜ್ವೊಡ್" ಮನುನ್ ಜಬಾಬ್ ದಿಲ್ಯಾನ್.

6 ಹೆ ಸಾಂಗುನ್ ಹೊಲ್ಲ್ಯಾ ಮಾನಾ ಜೆಜುನ್ ಜಿಮ್ನಿ ವರ್ತಿ ಥುಕ್ಲ್ಯಾನ್, ಅನಿ ಉಲ್ಲಿ ಮಾಟಿ ಕಾಲ್ವುನ್ ಚಿಕ್ಕೊಲ್ ಕರ್ಲ್ಯಾನ್. ಅನಿ ತೊ ಚಿಕ್ಕೊಲ್ ತ್ಯಾ ಕುಡ್ಡ್ಯಾಚ್ಯಾ ಡೊಳ್ಯಾಕ್ನಿ ಪುಸ್ಲ್ಯಾನ್. 7 ಅನಿ ಜಾವ್ನ್ ಸಿಲೊಆಮ್ ತಳ್ಯಾತ್ ಧುವ್ನ್ ಘೆ ಮಟ್ಲ್ಯಾನ್ ಸಿಲೊಆಮ್ ಮಟ್ಲ್ಯಾರ್ ಧಾಡಲ್ಲೊ ಮನುನ್ ಅರ್ತ್ ತನ್ನಾ ತೊ ಮಾನುಸ್ ಗೆಲೊ ಅನಿ ಅಪ್ನಾಚೆ ತೊಂಡ್ ಧುವ್ನ್ ಘೆವ್ನ್ ಯೆಲೊ. ತನ್ನಾ ತೆಕಾ ದಿಸುಕ್‍ಲಾಲೆ.