ಮಾತೆವ್ 14

ಜೆಜು ಪಾನಿಯಾ ವರ್‍ತಿ ಚಲ್ತಾ.

22 ಲೊಕಾಕ್ನಿ ಧಾಡ್ತಾನಾ ಜೆಜುನ್ ಶಿಸಾಕ್ನಿ ಢೊನಿತ್ ಚೆಡುಕ್ ಲಾವ್ಲ್ಯಾನ್. ಶಿಸಾ ಢೊನಿತ್ ಚಡ್ಲಿ ಅನಿ ತೆಂಕಾ ಫಿಡೆ ಸಮುಂದರಾಚ್ಯಾ ತಿಕುಲ್ಯಾ ದಂಡೆಕ್ ಧಾಡ್ಲ್ಯಾನ್. 23 ಸಗ್ಳ್ಯಾ ಲೊಕಾಕ್ನಿ ಧಾಡುನ್ ಹೊಲ್ಲ್ಯಾ ತನ್ನಾ ತೊ ಎಕ್ಲೊಚ್ ಮಾಗ್ನಿ ಕರುಕ್ ಮನುನ್ ಎಕ್ ಮಡ್ಡಿ ವರ್‍ತಿ ಗೆಲೊ. ತನ್ನಾ ಕಾಳೊಕ್ ಹೊವ್ನಗೆತ್ ಯೆಲ್ಲೊ; ತನ್ನಾ ಥೈ ಜೆಜು ಎಕ್ಲೊಚ್ ಹೊತ್ತೊ. 24 ತನ್ನಾ ತಿ ಢೊನ್ ಜಮಿನ್ ಸೊಡುನ್ ಸಮುಂದರಾತ್ ಸುಮಾರ್ ಭುತ್ತುರ್ ಪಾವಲ್ಲಿ. ವಾರೊ ಢೊನ್ ಜಾತಲ್ಯಾ ವಿರೊದ್ ದಿಕ್ಕಾಕ್ ಮಾರಿ ತಸೆಮನುನ್ ಲ್ಹಾಟಾತ್ನಿ ಗಾವುನ್ ಢೊನ್ ವೈರ್-ಖಾಯ್ಲ್ ಹೊಯ್.

25 ಸಕ್ಕಾಳ್ಚೆ ಕೊಂಬೊ ಭೊಕ್ತಲ್ಯಾ ಏಳಾರ್ ಜೆಜು ಪಾನಿಯಾ ವರ್‍ತಿ ಚಲುನ್ಗೆತ್ ಶಿಸಾಂಚ್ಯಾಕ್ಡೆ ಯೆಲೊ. 26 ಜೆಜು ಪಾನಿಯಾ ವರ್‍ತಿ ಚಲುನ್ ಯೆತಲೆ ಬಗುನ್ ಶಿಸಾ ವಾಯ್ಟ್ ಭಿಂಯಾಲೆ. ಅನಿ "ಭುತ್", ಮನುನ್ ಭಿಯಾನಿ ತೆನಿ ಬೊಬ್ ಮಾರ್‍ಲ್ಯಾನಿ. 27 ತನ್ನಾ ಎಗ್ದಮ್ ಜೆಜುನ್ ತೆಂಕಾ,"ಧೈರೊ ಕರಾ, ಭಿಂವ್‍ನಕಾಶಿ. ಮಿಯಾ ತೊ!" ಮಟ್ಲ್ಯಾನ್.

28 ತನ್ನಾ ಪೆದ್ರುನ್,"ಧನಿಯಾ, ಖರೆಚ್ ತಿಯಾ ಹೊಯ್ ಹೊಲ್ಯಾರ್ ಪಾನಿಯಾ ವೈನಾ ಚಲುನ್ ತುಜೆಕ್ಡೆ ಯೆ ಮನುನ್ ಮಾಕಾ ಬಲ್ವು!" ಮಟ್ಲ್ಯಾನ್.

29 ಜೆಜುನ್ ತೆಕಾ,"ಯೆ, ತರ್!" ಮನುನ್ ಜಬಾಬ್ ದಿಲ್ಯಾನ್. ತನ್ನಾ ಪೆದ್ರು ಢೊನಿತ್ನಾ ಪಾನಿಯಾ ವರ್‍ತಿ ಯೆಲೊ ಅನಿ ಪಾನಿಯಾ ವರ್‍ತಿ ಚಲುನ್ಗೆತ್ ಜೆಜುಕ್ಡೆ ಯೆವ್‍ಲಾಗಲ್ಲೊ. 30 ಖರೆ ಭೊತ್ಯಾನಿ ಹೊತ್ತ್ಯಾ ಮೊಟ್ಯಾ ವಾರ್‍ಯಾಕ್ ಬಗುನ್ ತೊ ಭಿಂಯಾಲೊ ಅನಿ ಪಾನಿಯಾತ್ ಬುಡುಕ್‍ಲಾಲೊ. ಅನಿ,"ಧನಿಯಾ, ಮಾಕಾ ಹುರ್‍ವುನ್ ಘೆ!" ಮನುನ್ ಬೊಬ್ ಮಾರ್‍ಲ್ಯಾನ್.

31 ತನ್ನಾ ತಾಬೊಡ್ತೊಬ್ ಜೆಜು ತೆಚೆಕ್ಡೆ ಯೆಲೊ ಅನಿ ತೆಕಾ ಧರ್‍ಲ್ಯಾನ್. ಅನಿ, "ಕವ್ಡೊ ಕಮಿ ವಿಶ್ವಾಸ್ ತುಜೊ! ತಿಯಾ ಕಶ್ಯಾಕ್ ಸಂಶೆವ್ ಕರ್‍ಲೆ?" ಮಟ್ಲ್ಯಾನ್.

32 ತೆನಿ ದೊಗೆಬಿ ಢೊನಿತ್ ಚೆಡ್ಲ್ಯಾನಿ. ತನ್ನಾ ವಾರೊ ಬಂದ್ ಹೊಲೊ. 33 ತನ್ನಾ ಢೊನಿತ್ಲ್ಯಾ ಶಿಸಾನಿ ಜೆಜುಚೆ ಆರಾದನ್ ಕರ್‍ಲ್ಯಾನಿ, ಅನಿ "ತಿಯಾ ಖರೆಚ್ ದೆವಾಚೊ ಲೆಕ್." ಮಟ್ಲ್ಯಾನಿ.