Provérbios 1

Bwanya azali kobelela

20 Bwanya azali koganga na libanda,

atomboli mongongo na ye na bisika

oyo bato ebele bakutanaka ;

21 azali koganga na bisika ya loyenge

mpe azali koloba liboso ya ekuke ya engumba :

22 « Yo moto oyo ozangi mayele,

kino tango nini okolinga bozoba na yo ?

Kino tango nini batioli bakokoba kosepela kotiola ?

Mpe bino bazoba, kino tango nini bokokoba

koyina mayele ?

23 Soki boyoki makebisi na Ngai,

nakosopela bino Molimo na Ngai

mpe nakososolisa bino maloba na Ngai.