13 Afei aliemaa mɔ, bɛ bɔ badeda wɔ ewue nu ne, yɛnguro kyɛ bɛ nwo dwirɛ kɔfea ɛmɔ, na ɛmɔ anni aworaborɛ maa wammo so, kyɛbɔ bɛ bɔ baha bɔ bɛlle anidasoɛ biala ne yɛ ne. 14 Na sɛ yedɛ yɛdi kyɛ Yesu wuli, na osa tingyele de a, ye de yedɛ yɛdi kyɛ Nyameɛ nate Yesu so kɔfa bɛ bɔ badeda4:14 Anaa "Bawuwu" wɔ ye nu ne kɔwa. 15 Bɔ yɛnate Awurade dwirɛ so yɛka yɛkyire ɛmɔ yeɛ ole kyɛ, yɛbɔ yɛte ase ne, sɛ yɛtena ase yɛkodwu mmerɛ bɔ Awurade kɔwa ne a, yɛngoli bɛ bɔ bawuwu4:15 Anaa "Badeda." ne nyunu lle, 16 ofikyɛ Awurade bɔbɔ kɔfa konviɛ bɔ yenoa yɛ se, abɔfo panyi konvi, ne Nyameɛ awɛen4:16 Anaa "Totorobɛndo." kodwu, na bɛ bɔ bɛwuli wɔ Kristo nu ne koli moa kɔdwɔso. 17 Ɛhene si ne, yɛbɔ yaha bɔ yɛte ase ne, bɛkɔfa yɛne bɛ mukoraati wɔ munungum nu maa yɛkooyia Awurade wɔ ewienu, na yɛne Awurade kɔtena daa.
18 Yeti, ɛmɔfa sɔ dwirɛ he bɛhyehyɛ ɛmɔ nwo nguraen.