KOLOSEFOƐ 1

15 Ye yeɛ ɔte Nyameɛ bɔ anyeɛ nnwu ye ne sɛso,*1:15 Anaa: "Suban so." abɔdeɛ mukoraati nu piesie, 16 ofikyɛ bɛnate ye so yeɛ bɛbɔle nningyein bɔ ɔwɔ anwuro ne aseɛ so; bɔ anyeɛ nwu ye, ɔne bɔ anyeɛ nnwu ye, ahennie, atumvoɛ,*1:16 Anaa "Awura mɔ." awaen, ne tumidie. Bɛnate ye so yeɛ bɛbɔle nningyein bɔ waha namukoraati, na bɛbɔ bɛmane ye. 17 Afei koso, né ɔwɔ berɛ kora yeɛ nningyein bɔ waha namukoraati ba ɔ, na bɛnate ye so yeɛ bɛyɛle nningyein bɔ waha namukoraati ɔ. 18 Ye yeɛ ɔte nipadua ne ti, kyire kyɛ asafo ne ti ɔ. Ye yeɛ ole ahyɛaseɛ ne, na ye yeɛ bɛli moa bɛtingyele ye bɛfili ewue nu, kyɛbɔ ɔkɔyɛ a, okoli moa wɔ nikye biala nu. 19 Ofikyɛ né ɔsɔ Nyameɛ nye kyɛ ɔkɔmaa Ɔwa ne koli mu koraa, 20 na ɔnate ye so aha nningyein mukoraati abɔnu bieku, kyire kyɛ, ɔnate ye mogya bɔ ohwie guale wɔ asɛnnua naso ne aha nningyein bɔ ɔwɔ aseɛ he aso ne bɔ ɔwɔ anwuro namukoraati abɔnu bieku, na wamaa asomdwie awa Nyameɛ ne bɛ afia.