1 ಕೊರಿಂಥ 7

32 ತುಮೆ ಚಿಂತಾ ಬಗರ ರ‍್ಹೌ ಕೈನ ಮಾರಿ ಆಸ ವ್ಹೈ. ಹಿವಾ ನೈ ಕರಿಲಿದಲವಾಲೊ ಪ್ರಭುನಿ ಸೆವಾಮಾ ರ‍್ಹವಸ; ಪ್ರಭುನೆ ಖುಶಿ ಕರಾನೆ ಕಾಮ ಕರಸ. 33 ಹಿವಾ ಕರಿಲಿದಲವಾಲೊ ದುನಿಯಾನಿ ವ್ಯವಹಾರಮಾ ಹೊಕ್ಯಲ ರ‍್ಹವಸ. ತೆ ತಿನಿ ಬೈಕೊನೆ ಖುಶಿ ಕರಾನೆ ಕೊಶಿಶ ಕರಸ. 34 ತೆ ಮನಕ್ಹ ತಿನಿ ಬೈಕೊನೆಬಿ ವರಿ ಪ್ರಭುನೆ ಮೆಚ್ಚಿಸಾನಾ ಹುತಿ ವಿಚಾರ ಕರು ಲಾಗಸ. ಹಿವಾ ನೈ ಕರಿಲಿದಲ ಬಾಕ್ಡಿ ನೈತೊ ಛೊಕ್ರಿ ಪ್ರಭುನಿ ಸೆವಾಮಾ ಕೆಳಾಮಾಬಿ ರ‍್ಹವಸ. ಅಂಗ ಆತ್ಮಾ ಭಂಬಿ ಪ್ರಭುನೆ ಮ್ಹೆಲಸ. ತೆನೈಸೊ ಹಿವಾ ಕರಿಲಿದಲ ಬಾಕ್ಡಿ ದುನಿಯಾನಿ ವ್ಯವಹಾರಮಾ ಪಡಲ ರ‍್ಹವಸ. ತಿನಾ ಮಾಟಿನೆ ಖುಶಿ ಕರಾನೆ ಕೊಶಿಶ ಕರಸ. 35 ತುಮೊನೆ ಸಹಾಯ ಥಾವಾದೆ ಕೈನ ಎ ಸಂಗತಿಯೊ ಕವಾಡೊಸ. ಮಿ ತುಮೊನೆ ಭಾಂದಾನೆ ಕೊಶಿಶ ನತ್ತಿ ಕರಾಡೊ. ತೆನೈಸೊ ತುಮೆ ಚೊ಼ಕಿ ವಾಟಮಾ ರ‍್ಹೌ ಕೈನ ಮಾರಿ ಆಸ ವ್ಹೈ. ತುಮೆ ತುಮಾರೊ ಟೈಮ ಬಿಜಾ಼ ಕಾಮೊನೆ ದಿದ್ಯಾವಾಚಿ ತುಮೆ ಪುರಾ ಪ್ರಭುನಿ ಸೆವಾ ಕರು ಕೈನ ಮಾರಿ ಆಸ ವ್ಹೈ.