ಅಪೊಸ್ತಲೊ 7

44 ಕ್ಹುದಾ ಅಪ್ನಾ ಪಿತೃವೊನಾ ಕ್ಹಾತೆ ಕಯಾ ಗುಡಾರಮಾ ಬೊಲ್ಯೊತೊ ತೆ ಗುಡಾರ ಎ ಯೆಹುದಿಯೊನಾ ಕ್ಹಾತೆ ಉಸುಕನಾ ಗಾಮಮಾ ವ್ಹತ್ತು. ಎ ಗುಡಾರ ತಯ್ಯಾರ ಕರಾನಿ ನಿಯಮ ಕ್ಹುದಾ ಮೊಶೆನೆ ಕೈನ ದಿದ್ಯೊ. ಕ್ಹುದಾ ತಿನೆ ದೆಕಾಡಲ ರುಪ ನಿಂಗತ ಮೊಶೆ ತೆ ತಯ್ಯಾರ ಕರ್ಯೊ. 45 ಪಾಚ಼ಲ್ತೊ ಬಿಜಾ಼ ಜನಾಂಗನಾ ಗಾಮೊನೆ ವಶಮಾ ಕರಿಲಿವಾನೆ ಯೆಹುಶುವಾ ಅಪ್ನಾ ಪಿತೃವೊನೆ ಅಗೊ ಚ಼ಲಾಯೊ. ಅಪ್ನಾ ಮನಕ್ಹೊ ತೆ ದೆಶೊನೆ ಗಯಲ ಪರ, ಕ್ಹುದಾ ಬಿಜಾ಼ ಮನಕ್ಹೊನೆ ತ್ಯಾಂತೊ ವಳೈ ಪಾಡ್ಯೊ. ಅಪ್ನಾ ಮನಕ್ಹೊ ತೆ ನವಾ ದೆಶಮಾ ಗಯಲ ಪರ ಎ ಗುಡಾರ ತ್ಯುನಾ ಕ್ಹಾತೆ ಲಿನ ಗಯಾ. ಅಪ್ನಾ ಮನಕ್ಹೊ ಎ ಗುಡಾರನೆ ತ್ಯುನಾ ಪಿತೃವೊ ಕಂತು ಸ್ವಿಕಾರ ಕರಿಲಿನ ದಾವಿದನಾ ಕಾಲ ಲಕ್ಕಾ ತೆ ಮ್ಹೆಲ್ಲಿದ್ಯಾತಾ. 46 ಕ್ಹುದಾ ದಾವಿದನೆ ಘನ್ನೊ ಮೆಚ಼್ಚೊ. ‘ಯಾಕೊಬನಾ ಕ್ಹುದಾ ಥಯಲ ತಾರಾ ಹುತಿ ಯಕ್ಕ ಆಲಯ ಭಾಂದಾನೆ ಮನೆ ಮೌಕೊ ದೆ’ ಕೈನ ದಾವಿದ ಕ್ಹುದಾ ಕನ ಮಾಂಗಿಲಿದ್ಯೊ. 47 ತೆನೈಸೊ ಪ್ರಾಥನಾನಿ ಆಲಯ ಭಾಂದಲ ದಾವಿದನೊ ದಿಕ್ರೊ ಸೊಲೊಮೊನಜ಼ ವ್ಹೈ. 48 "ತೆನೈಸೊ ಮನಕ್ಹೊ ತ್ಯುನಾ ಹತೊಕ್ಹು ಕರಲ ಘರೊಮಾ ಮಹೊನ್ನತ ರ‍್ಹತೊ ನೈ. ಪ್ರವಾದಿ ಅಮ್ಮ ಬರ್ದ್ಯೊಸ;

49 ಪ್ರಭು ಅಮ್ಮ ಕವಸ, ಸ್ವರ್ಗ ಮಾರಿ ಸಿಂಹಾಸನ ವ್ಹೈ.

ಜಿಮಿನ ಮಾರಿ ಪಗೊ ಮ್ಹೆಲಾನಿ ಜ಼ಗಾ ವ್ಹೈ. ತುಮೆ ಮಾರಾ ಹುತಿ ಕಯಾ ತರಾನಿ ಘರ ಭಾಂದ ಸಕೊಶಿ?

ಮಿ ಅರಾಮ ಕರಾನಿ ಜ಼ಗಾ ಕಿಜ್ಗಾ ಛೆ?

50 ಶೆಂ ರ‍್ಹವಾದೆ, ಎ ಸಾಮನೊ ಕ್ಹಾರು ಕರಲವಾಲೊ ಮಿಜ಼ ವ್ಹೈ! ಯೆಶಾಯ 66:1-2