1 ಆಕಾಶಿಯಾಮಾ ಘರೊ ಕರಿಲಿದ್ಯಾತಾ. ಯೆಹುಶುವಾ ಬೆ ಉಡಾಚಾರ ಕರಾಲಾವೊನೆ ಯೆರಿಕೊ ಗಾಮನಾ ಹುತಿ ತಿಳ್ದಿಲಿವಾನೆ ವಳಾಯೊ. ಎ ಮನಕ್ಹೊನೆ ಯೆಹುಶುವಾ ವಳಾಯಲ ಸಂಗತಿ ಬಿಜು ಕಿನೆಜ ಗ್ವತ್ತ ನ್ಹೊತು.ಗೈನ ತೆ ಯೆರಿಕೊ ಗಾಮನೆ ಘನ್ನ ಸುಕ್ಷ್ಮಕ್ಹು ದೆಕೊ" ಕೈನ ಯೆಹುಶುವಾ ತೆ ಗುಡಾಚಾರಿಯೊನೆ ಕದ್ಯೊ. ತೆ ಭಂಬಿ ಜನಾ ಯೆರಿಕೊ ಗಾಮೆ ಗೈನ ಯಕ್ಕ ವ್ಯಶ್ಯಾನಾ ಘರಮಾ ರ‍್ಹಯಾ. ತೆ ಬಾಕಡಿನು ನಾಮ ‘ರಾಹಾಬ.’ 2 ತೆಳಾಮಾ ಕುನ್ನ ಯಕ್ಕ ಯೆರಿಕೊ ಗಾಮನಾ ರಾಜಾನೆ.ಕಾಲ ರಾತೆ ಇಸ್ರಾಯೆಲನಾ ದಕ್ಹಾ ಜನಾ ಅಪ್ನಾ ದೆಶಾ ಕಮಜೊರಿಯೊನೆ ತಿಳ್ದಿಲಿವಾನೆ ಆಯಾಸ" ಕೈನ ಕದ್ಯಾ. 3 ತೆಳಾಮಾ ಯೆರಿಕೊ ಗಾಮನೊ ರಾಜೊ ರಾಹಾಬನೆ.ತಾರಾ ಘರೆ ಐನ ರ‍್ಹಯಲ ಮನಕ್ಹೊನೆ ಝಾಕಿನ ಮ್ಹೆಲು ನಕೊ. ತ್ಯುನೊನೆ ಭಾರಿ ಬಲೈ ಲಿನ ಆ. ತ್ಯುನೆ ಅಪ್ನಾ ದೆಶನಾ ಹುತಿ ತಿಳ್ದಿಲಿವಾನೆ ಆಯಾಸ" ಕೈನ ಮೊಕ್ಲೊ. 4 ರಾಹಾಬ ಎ ಭಂಬಿ ಜನಾವೊನೆ ಝಾಕಿನ ಮ್ಹೆಲಿತಿ. ತೆನೈಸೊ ತೆ ಪುಚ್ಚಾನೆ ಆಯಲವಾಲಾವೊನೆ.ಬೆ ಮನಕ್ಹೊ ನ್ಹ್ಯಾ ಆಯಾತಾ, ತೆನೈಸೊ ತ್ಯುನೆ ಕಿಜಾಂತಾ ಆಯಾತಾ ಕವಾನು ಮನೆ ಗ್ವತ್ತ ನ್ಹೊತು. 5 ಖಾಂಜೆ ಗಾಮನಾ ಬಾಕಲೊ ಝಾಕಾನು ಟೈಮ ಥಾತಾಮಾ ತ್ಯುನೆ ಗೈಪಡ್ಯಾ. ತ್ಯುನೆ ಕಿಜಾ ಗಯಾ ಕವಾನು ಮನೆ ಗ್ವತ್ತ ನತ್ತಿ. ತೆನೈಸೊ 6 ತೆನೈಸೊ ತೆ ಕ್ಹರಿಮಾಜ ತೆ ಗುಡಾಚಾರಿಯೊನೆ ಛತ್ತನಾ ಉಪ್ಪರ ಬಲೈ ಲಿನ ಗೈನ ವಟ್ಟಲ ಚಾರಾಮಾ ತ್ಯುನೊನೆ ಝಾಕಿನ ಮ್ಹೆಲಿತಿ. 7 ರಾಜಾನಾ ಭಟ್ಟೊ ಗಾಮನಾ ಭಾರಾ ಗೈನ ಗಾಮನಾ ಬಾಕಲೊ ಝಾಕಿನ ಇಸ್ರೆಲತಾ ಆಯಲ ತೆ ನಕ್ಹೊ ನದ ದಾಟಾನಾ ಕ್ಹಾಟರಾ ಭಂಬಿ ಜನಾವೊನೆ ಹುಡಕಿನ ಗಯಾ. ತ್ಯುನೆ ಯೊರ್ದನ ನದಿ ಲಕ್ಕಾ ಗೈನ ಮಜ಼ಗಾವೊಮಾ ಹುಡಕ್ಯಾ. 8 ತೆ ಭಂಬಿ ಗುಡಾಚಾರಿಯೊ ತ್ಯಾಜ ಕ್ಹುರ್xಯಾವಾನೆ ತಯ್ಯಾರಿ ಕರಿಲಿದ್ಯಾತಾ. ತೆನೈಸೊ ರಾಹಾಬ ಛತ್ತನಾ ಉಪ್ಪರ ಗೈನ ತ್ಯುನಾ ಕ್ಹಾತೆ ಬೊಲಿನ, 9 ಯಹೊವಾ ಯೆಹುಶವಾನೆ ಸು ಕದ್ಯೊ ಕದ್ಯಾಮ, ತು ಇಸ್ರಾಯೆಲನಾ ಮನಕ್ಹೊನೆ ಮಿ ಮೊಶೆನಾ ಮುಲಕ ಕದಲ ತಿಮ್ಮಜ಼ ತುಮೆ ತುಮಾರಾ ಹುತಿ ದಕ್ಹಾ ಅಶ್ರೆನಾ ಘರೊ ಬಾಂದಿಲಿವೊ.