ಯೆಹುಶು 6

ಯೆರಿಕೊ ಪಡಾನು

1 ಯೆರಿಕೊನಾ ಇಸ್ರಾಯಲೊನೆ ಬುಚ್ಕಿನ ತ್ಯುನಾ ಗಾಮನಾ ಬಾಕಲೊನೆ ಘಟ್ಟ ಘಾಲಿಪಡ್ಯಾ.ಕುನ್ನಜ ಮ್ಹೈ ಗಯಾ ನೈ ಭಾರಾ ಆಯಾನೈ 2 ತೆಳಾಮಾ ಯಹೊವಾ ಯೆಹುಶುವಾನೆ ದೆಕ ಮಿ ಯೆರಿಕೊನೆ ತೆನಾ ರಾಜಾವೊನೆ ಯುದ್ದ ವಿರೊನೆ ತಾರಾ ಹತೆ ಒಪ್ಪಶೊಸ. 3 ತುಮಾರಾ ಭಟ್ಟೊಕ್ಹಾರಾ ಛೆ ದಿನಲಕ್ಕಾ ಯಕ್ಕಸಲಾ ಗಾಮನೆ ಫರು. 4 ಕ್ಹಾತ ಜನಾ ಯಾಜಕೊ ಶಿಂಗ್ಡಾವೊನೆ ಧರಲಿನ ಮಂಜುಷನಾ ಕ್ಹಾಮಾ ಚಾಲಾಂದೆ. ಕ್ಹಾತವಾ ದಿನ್ನೆ ತುಮೆ ಗಾಮನೆ ಕ್ಹಾತಸಲಾ ಸುತ್ತೊ; 5 ಯಾಜಕೊ ಶಿಂಗ್ಡಾವೊನೆ ಫುಕ್ಯು. ತ್ಯುನೆ ಧಿರ್ಘ ಥೈನ ಫುಕ್ಕಾನೆ ಶಿಂಗ್ಡಾನೆ ಅವಾಜ ಐಕ್ತಾಮಾ ತುಮೆ ಕ್ಹಾರಾ ಮಹತ್ತ ಥೈನ ಆರ್ಭಟೊ ತೆಳಾಮಾ ಗಾಮನಿ ಗೊಡಿ ತೆಜ ಪಡಿಜಾ಼ವಸ ಹರಯಕ್ಲೊ ಸಿದಾ ಮ್ಹೈ ಜಾಸಕಸ ಕೈನ ಕದ್ಯೊ. 6 ತೆಳಾಮಾ ನೂನನೊ ದಿಕ್ರೊ ಥಯಲ ಯೆಹುಶುವಾ ಯಾಜಕೊನೆ ಬಲೈನ ತ್ಯುನೊನೆ ಒಡಂಬಡಿಕೆನಾ ಮಂಜುಷನೆ ಉಚೈಲಿನ ಜಾವೊ ಕ್ಹಾತ ಜನಾ ಯಾಜಕೊ ಶಿಂಗ್ಡಾವೊನೆ ಧರಲಿನ ಯಹೊವಾನಾ ಮಂಜುಷನಾ ಕ್ಹಾಮಾ ಜಾವಾದೆ ಕದ್ಯೊ. 7 ವರಿ ತೆ ಮನಕ್ಹೊನೆ ಗೈನ ಗಾಮನೆ ಫರ‍್ಯೊ. ಯುದ್ಧ ಸನ್ನದ ಕ್ಹಾರಾ ಯಹೊವಾನಾ ಮಂಜುಷನಾ ಕ್ಹಾಮಾ ಜಾವಾದೆ ಕೈನ ಕದ್ಯೊ.