Lucas 1

ಮರಿಯಳ ಕ್ಹುದಾನೆ ಸ್ತುತಿ ಕರಲ

46 ತೆಳಾಮಾ ಮರಿಯಳ,

"ಮಾರೊ ಜ಼ಲಮ ಪ್ರಭುನೆಜ಼ ಸ್ತುತಿ ಕರಸ"

47 ಮಾರಿ ಆತ್ಮಾ ಮಾರೊ ರಕ್ಷಕ ಥಯಲ ಕ್ಹುದಾನಾ ಹುತಿ ಖುಶಿ ಥಯುಸ್ಸ.

48 ಕ್ಹುದಾ ತಿನಿ ದಾಸಿನಿ

ದಿನಸ್ತಿತಿ ದೆಕ್ಯೊಸ. ಆಜ಼ತಾಜ಼ ಕ್ಹಾರಾ

ಮನಕ್ಹೊ ಮನೆ ಧನ್ಯ ವ್ಹೈ ಕವಸ.

49 ತಿನಾಹುತಿ ಸರವಶಕ್ಕತ ಥಯಲ ಕ್ಹುದಾ ಮನೆ ಮ್ಹೊಟೊ ಉಪಕಾರ ಕರ‍್ಯೊಸ.

ತಿನು ನಾಮ ಪರಿಶುದ್ಧ ವ್ಹೈ.

50 ಕ್ಹುದಾನಾ ಭೆಮಾ ವರಿ ಭಕ್ಕತಿಮಾ ರ‍್ಹಯಲವಾಲಾವೊಪರ ತಿನಿ ಮರಗಾ

ಕೆಳಾಮಾಬಿ ತ್ಯುನೊಪರ ರ‍್ಹವಸ.

51 ತೆ ತಿನಿ ತಾಕತಕ್ಹು ಸ್ವಕ್ಕ ರ‍್ಹಯಲವಾಲಾವೊನಾ

ತ್ಯುನು ಸ್ವಕ್ಕ ಹಾಳ ಕರಿಪಾಡಸ.

52 ಕ್ಹುದಾ, ಸ್ವಕ್ಕ ರ‍್ಹಯಲವಾಲಾ ಅದಿಪತಿಯೊನೆ ತ್ಯುನೆ ಯಕ್ಕ ಜ಼ಗಾತೊ ಉತಾರಿನ.

ತೆನೈಸೊ ಕ್ಹುದಾನೊ ಭೆ ವರಿ ಭಕ್ತಿ ರ‍್ಹಯಲ

ವಾಲಾವೊನೆ ಚೊ಼ಕಿ ಜ಼ಗಾ ಹುಬ್ರಾಡಸ.

53 ತೆ ಭುಕ್ಕಾ ರ‍್ಹಯಲವಾಲಾವೊನಾ ಚೊ಼ಕು ರ‍್ಹಯಲ ಖಲೈನ,

ತೆನೈಸೊ ಆಸ್ತಿರಹೆವಾಲಾವೊನೆ ಖಾಲಿ ಹತೆ ಮೊಕ್ಲಿಪಾಡಸ.

54 ಕ್ಹುದಾ ಅಪ್ನಾ ಪುರ್ವಜೊನೆ ವಾತದಿದಲ ಪುರಾ ಕರ‍್ಯೊಸ.

ಅಪ್ನೊ ಮುಲ ಪಿತಾ ಥಯಲ ಅಬ್ರಾಹಮನಾ ಖಾಂದಾನವಾಲಾವೊನೆ ಕೆಳಾಮಾಬಿ

55 ಮರಗಾ ದೆಕಾಡು ಕೈನ ತಿನಾ ಸೆವಕೊ ಥಯಲ

ಅಬ್ರಹಾಮ ಇಸ್ರಾಯೆಲನಾ ಮನಕ್ಹನೆ ಹತ ಧರ‍್ಯೊಸ ಕದಿ.