Romanos 1

22 ತ್ಯುನಾಕ್ಹು ತ್ಯುನೊನೆ ಗ್ಯಾನಿಯೊ ವ್ಹೈ ಕೈನ ಕೈಲಿನ ಪಿಸಾಳಾ ಥಯಾಸ. 23 ಹಮೆಶಾಬಿ ರ‍್ಹವಾನಿ ಕ್ಹುದಾನಿ ಆರಾಧನಾ ಕಾರಾನು ತ್ಯುನೆ ಛೊಡಿನ ದಿನ ಹಾಳ ಥಾವಾನಾ ಮನಕ್ಹೊನಾ ನಿಂಗತ ರ‍್ಹಯಲ, ಪಕ್ಷಿಯೊ ನಿಂಗತ ರ‍್ಹಯಲ, ಜಾನವರೊ ನಿಂಗತ ವರಿ ಕ್ಹಾಪೊ ನಿಂಗತ ರ‍್ಹಯಲ ಮೊರತಿಯೊ ಕರಲಿನ ತ್ಯುನೊನೆ ಆರಾಧನಾ ಕರಸ.

24 ಕ್ಹುದಾ ತ್ಯುನಾ ಮನಸೆ ಕರಾನಾ ಕೆಟ್ಟ ಕಾಮೊನೆ ತ್ಯುನೊನೆಜ಼ ವಪ್ಸಿನ ದಿದ್ಯೊ. ವರಿ ತ್ಯುನೊ ತ್ಯುನೊಮಾಜ಼ ಸರಮಾವಾನಾ ಕಾಮೊ ಕರಸ. 25 ತ್ಯುನೆ ಕ್ಹುದಾನಿ ಕ್ಹರಿನೆ ಸುಳ್ಳಮಾ ಬದಲಿ ಕರ‍್ಯಾ. ತ್ಯುನೆ ತಯ್ಯಾರ ಕರಲ ಸಾಮನನೆ ಪುಜಾ ಕರ‍್ಯಾ. ತೆನೈಸೊ ಎ ಕ್ಹಾರು ತಯ್ಯಾರ ಕರಲ ಕ್ಹುದಾನೆ ತ್ಯುನೆ ಆರಾಧನಾ ಕರಾನು ಛೊಡಿ ಪಡ್ಯಾ; ತೆ ಕ್ಹುದಾನೆ ಹಮೆಶಾಬಿ ಸ್ತುತಿ ಥಾವಾದೆ. ಆಮೆನ.

26 ತ್ಯುನೆ ಇಮ್ಮ ಕರಲಹುತಿಜ಼, ಕ್ಹುದಾ ತ್ಯುನೊನೆ ಸರಮಾವಾನಾ ಕಾಮಮಾಜ಼ ಛೊಡಿನ ದಿದ್ಯೊ. ತ್ಯುನೆ ಬಾಕ್ಡಿಯೊ ದಾಣಗಾವೊನಾ ಕ್ಹಾತೆ ಮಳಿನ ಕರಾನಾ ಲೈಂಗಿಕ ಕಾಮೊನೆ ಹುಬ್ರಾಡಿನ, ತ್ಯುನೊ ತ್ಯುನೊಮಾಜ಼ ಸಂಭಂಧ ಮ್ಹೆಲ್ಲಿದಿಯೊ. 27 ತಿನಾ ನಿಂಗತಜ಼, ದಾಣ್ಗಾ ಬಾಕ್ಡಿಯೊನಾ ಕ್ಹಾತೆ ಕರಾನು ಮಾಮುಲಿ ಲೈಂಗಿಕ ಕಾಮೊಮಾ ಹುಬ್ರಾಡಿನ ಉದ್ರೆಕ ಥೈನ ತ್ಯುನೊ ತ್ಯುನೊಮಾಜ಼ ಸಂಭಂಧ ಮ್ಹೆಲ್ಲಿದ್ಯಾ. ದಾಣ್ಗಾ ತ್ಯುನೊ ತ್ಯುನೊಮಾಜ಼ ಸರಮಾವಾನಾ ಕಾಮೊ ಕರ‍್ಯಾ. ತ್ಯುನಿ ಕೆಟ್ಟ ನಡೆತೆಕ್ಹು ತಿನಾ ತಕ್ಕ ದಂಡ ತ್ಯುನಾ ಅಂಗನೆ ಆವಾ ವರಕ್ಹು ಕರಲಿದ್ಯಾ.