Rute 4

ಬುವಜನ ರುತನೆ ಹಿವಾ ಕರಿಲಿದಲ

1 ಬೊವಜ ಗೈನ ಗಾಮನಾ ಬಾಕಲಕನ್ನ ಬೈಟ್ಯೊ. ತೆ ಕದಲ ನಜಿಕನೊ ಬಂಧು ತೆ ವಾಟಮಾ ಜಾ಼ವಾಲಾನೆ ದೆಕಿನ ತಿನೆ ಎ ಬಾ ನ್ಹ್ಯಾ ಮಕನ ಐನ ಬೈಟ ಕೈನ ಬಲಾತಾಮಾ ತೆ ತಿಕನ ಐನ ಬೈಟ್ಯೊ. 2 ತೆಳಾಮಾ ತ್ಯಾನಾ ದಕ್ಹ ಶಾನಾವೊನೆ ಬಲೈಲಾತಾಮಾ ತ್ಯುನೆ ತ್ಯಾ ಐನ ಬ್ಯೆಟ್ಯಾ. 3 ತೆಳಾಮಾ ಬೊವಾಜ ತೆ ಬಂಧುನೆ ಮೊವ್ಯಾಬ್ಯ ದೆಶತಿ ವಾಪಾಸ ಫರಿನ ಆಯಲ ನವೊಮಿ ಎಲಿಮೆಕನ ಪಾಲನು ಆಯಲ ಖೆತರ ಇಕ್ಕಿಪಾಡುಕೈನ ಕವಾಡಿಸ. ಮಿ ತುಕನ ಸು ಕೌಸ ಕೈನ ಕದ್ಯಾಮ, 4 ತು ತೆ ಖೆತರ ಇಕ್ಕಾತೊ ಲಿವಾನೊ ರ‍್ಹಯಲ ಎ ಶಾನಾವೊನಾ ಕ್ಹಾಮೊ ಲೆ. ನೈತೊ ಮನೆ ಕೆ ಮನೆ ಗ್ವತ್ತ ಥೌ

ವರಿ ಎ ಖೆತರ ತು ನೈ ಲಿದ್ಯೊಮ ಮಿಜ಼ ಎ ಖೆತರ ಲ್ಯುಸ ಕೈನ ಕದ್ಯೊ ಅಪೊನೆ ಛೊಡಿನ ಬಿಜು ಕುನ್ನಜ ತೆ ಖೆತರ ಲಿವಾನೆ ಹಕ್ಕ ನತ್ತಿ.

5 ತೆಳಾಮಾ ಬುವಜನ ತು ನವೊಮಿತು ತೆ ಖತರ ಲಿವಾನಾ ದಿನ್ನಮಾ ಖೆತರನೊ ಖಾತೊ ತಿನೊ ಮರಲ ದಿಕ್ರಾನಾ ನಾಮೆ ಉಗ್ರವಾನಿಂಗತ ತಿನಿ ಬೈಕೊನೆ ಮೊವಬ್ಯನಿ ಬಾಕಡಿ ಥಯಲ ರುತನೆ ಹಿವಾ ಕರಿಲ್ಯು ಕೈನ ಕತಾಮಾ

6 ತೆ ಬಂದು ತಿಮ್ಮ ರ‍್ಹಯುಮ ತೆ ಲಿನ ಮಿ ಮಾರಿ ಆಸ್ತಿ ಹಾಳ ಕರಿಲೆತೊ ನೈ. ತೆ ವಾಟೊ ತುಜ಼ ಲೆ ಮಾರಾ ಹತೆ ಥಾತು ನೈ ಕದ್ಯೊ. 7 ಕಯುಬು ಯಕ್ಕ ಸಾಮನ ಲೆತಾಮಾ ವರಿ ದೆತಾಮಾ ತೆ ವಾತ ಖಾತ್ರಿ ಕೈನ ಕರ್ಲೆತಾಮಾ ಇಸ್ರಾಯೆಲನಾ ಪೈಲಾನಾ ಕಾಲಮಾತೊ ಕೈ ಪದ್ದತ ವ್ಹೈ ಕದ್ಯಾಮ ಲಿವಾಲೊ ವರಿ ದಿವಾಲೊ ತಿನಾ ಪಗಮಾನಿಯೊ ಕಾರ್ಮಲಿಯೊ ದಿವಸ; ಇಮ್ಮ ಕರ‍್ಯಾಮ ವಾತ ದಿದಲನಿಂಗತ ವ್ಹೈ ಕದ್ಯಾ. 8 ತಿಮ್ಮಜ಼ ತೆ ಸಂಭಂದಿಕ್ಕ ಬುವಜನನೆ ತುಜ಼ ಲಿಪಾಡ ಕೈ ತಿನಿಯೊ ಕಾರ್ಮಲಿಯೊ ಕಾಡಿನ ದಿದ್ಯೊ. 9 ತೆಳಾಮಾ ಬುವಜನ ಕ್ಹಾರಾ ಮನಕ್ಹೊನೆ ಮಿ ಎಲಿಮೆಕ, ಕಿಲ್ಯೊನ, ಮಹ್ಲೊನನಾ ನಾಮೆ ರ‍್ಹಯಲ ಕ್ಹಾರು ನವೊಮಿಕಂತು ಲಿದ್ಯೊಸ ಕವಾನಿಕ್ಹು ತುಮೆಜ಼ ಸಾಕ್ಷಿ ವ್ಹೈ. 10 ಖೆತರ ಖಾತೊ ಮರಿಗಯಲ ಮಹ್ಲೊನ ನಾಮಪರ ಹುಬ್ರೈನ ತ್ಯುನಾ ಬಂದುವೊಮಾ ಗಾಮ್ಮಾಬಿ ತಿನು ಸಂತಾನ ಉಗ್ರವಾ ವರಕ್ಹು ಮೊವ್ಯಾಬ್ಯವಾಲಿ ಬೈಕೊ ಥಯಲ ರುತನೆ ಹಿವಾ ಕರಿಲಿದ್ಯೊಸ ಕವಾನು ತುಮೆಜ಼ ಸಾಕ್ಷಿ ವ್ಹೈ.

11 ತೆಳಾಮಾ ತೆ ವಾತೆ ತ್ಯಾ ಬೈಟಲ ಶಾನಾ ಹೊ, ಹಮೆಜ಼ ಸಾಕ್ಷಿ ವ್ಹೈ. ಯಹೊವಾ ಇಸ್ರಾಯೆಲ ಘರ ಭಾಂದಲ ರಾಹೆಲಿಲಿಯಾ ಕವಾಲಿ ಬಾಕಡಿಯೊನು ತುಮೆ ಕಿಮ್ಮ ಕವೊಶಿ ತಿಮ್ಮ ತಾರಾ ಘರೆ ಐಯೆಸ. ಎ ಬಾಕಡಿ ಅಬಿವೃದ್ದಿ ಥಾವಾದೆ ಎಫ್ರಾತಮಾ ಚೊ಼ಕಾ ಕಾಮೊ ಕರ ಬೆತ್ಲೆಹೆಮಮಾ ಘನ್ನೊ ಸೌಕಾರ ಥಾ. 12 ಯಹೊವಾ ತೆ ಬಾಕಡಿನಾ ಮ್ಹೊಡಾತು ತುನೆ ದಿವಾನು ಸಂತಾನಕ್ಹು ತಾರು ಘರ ಯಹೊದಾನೆ ತಾಮಾರಾ ಕ್ಹು ಹುಟ್ಟಲ ಪೆರೆಚನನಾ ಘರನೆ ಸರಿಸಮಾನ ಥಾವಾದೆ.

ಬೊವಜ ವರಿ ತಿನಿ ಸಂತತಿ

13 ಬೊವಜ ರುತನೆ ಬೈಕೊ ವ್ಹೈ ಕೈನ ವಪ್ಪಿಲೆತಾಮಾ ತೆಳಮಾ ಯಹೊವಾನಿ ಆಶಿರ್ವಾದಕ್ಹು ಪೆಟೆ ರ‍್ಹೈನ ಪಟ್ಟೊ ಜ಼ನ್ನಿ. 14 ತೆಳಾಮಾ ತೆ ಬಾಕಡಿಯೊ ನವೊಮಿ ಇ ವಕ್ಹತಮಾ ತುನೆ ಭಾದ್ಯಸ್ಥ ಥಾವಾಲಾನೆ ದಿದಲ ಯಹೊವಾನಿ ಮಹಿಮಾ ಥಾವಾದೆ. ಎ ದಿಕ್ರೊ ಇಸ್ರಾಯಲನು ನಾಮ ಥಾವಾದೆ. 15 ಎ ತಾರು ನಾಮ ಉಚ್ಚು಼ ಲಾವಸ ವೈಸ ಥಯಲ್ಪರ ತುನೆ ರಾಕಸ ತುನೆ ಘನ್ನೊ ಮಯಾ ಕರ್ತೊ ಕ್ಹಾತ ಪಟಾವೊತಿ ತುನೆ ಉತ್ತಮ ರ‍್ಹಯಲ ತಾರಿ ವ್ಹೌ ಇನೆ ಜ಼ನ್ನಿಸ್ತೊ. ಕದಿಯೊ. 16 ನವೊಮಿ ತೆ ಬಚ್ಚಾನೆ ಖೊಳಾಮಾ ಲಿನ ರಾಕಾಡಿತಿ.

17 ಆಜೊ ಬಾಜುವಾಲಿಯೊ ನವೊಮಿ ಯಕ್ಕ ಪಟ್ಟೊ ಹುಟ್ಟ್ಯೊಸ ಕೈನ ತಿನು ನಾಮ ಒಬದ್ಯ ಕೈನ ಮ್ಹೆಲ್ಯಾ,ಎಜ

ಒಬದ್ಯ ಇಶಾಯನನೊ ಬಾ ವ್ಹೈ. ಇಶಾಯನನೊ ದಿಕ್ರೊ ದಾವಿದ ವ್ಹೈ.

18 ಪೆರೆಚನನು ಖಾಂದಾನ, ಪೆರೆಚನನೆ ಹೆಚ್ರೊನನೆ ಪಡದ್ಯೊ. 19 ಹೆಚ್ರೊನ ರಾಮನ್ನೆ ಪಡದ್ಯೊ, ರಾಮನ್ನ ಅಮ್ಮಿನಾದಾಬನೆ ಪಡದ್ಯೊ, 20 ಅಮ್ಮಿನಾದಾಬ ನಹೊಶನನೆ ಪಡದ್ಯೊ, ನಹೊಶನ ಸಲ್ಮೊನನೆ ಪಡದ್ಯೊ, 21 ಸಲ್ಮೊನನ ಬೊವಜನೆ ಪಡದ್ಯೊಬೊವಜ ಒಬೆದನನೆ ಪಡದ್ಯೊ. 22 ಒಬೆದನ ಇಶಯನನೆ ಪಡದ್ಯೊ, ಇಶಯನ ದಾವಿದನೆ ಪಡದ್ಯೊ.