1 وٌ وٌ مَسٌ، وٌ تَن حَمَنّيٍ، عَلَكٌ وٌ شَ وٌ تُلِ مَتِ.

سِيٍ، وٌ شَ وٌ تُلِ مَتِ ﭑ نَ عَ قَنيِ رَ.

دُنِحَ حَمَ بِرِن شَ عٍ تُلِ مَتِ ﭑ مَ مَسٍنيِ رَ،

2 بَرِ مَ عَلَتَلَ شْنْشِ حَمَنّ نُن عٍ شَ سْورِ فَالِ بِرِن مَ.

عَ قَمَ نّ دِندٍ عٍ رَ، عَ عٍ رَتْن.

3 عٍ شَ مِشِ قَشَشِيٍ مُ رَفَتَمَ.

عٍ بِنبِيٍ بْرْ مَ نّ، عٍ شِرِ قَ تٍ كٌورٍ مَ.

عٍ وُلِ عِقِلِمَ نّ فٍيَيٍ مَ.

4 هَلِ تُنبُي نَشٍيٍ نَ كٌورٍ مَ، عٍ بِرَ مَ نّ،

عَلْ بُرّشّيٍ نُن شْرّيٍ بِرَ مَ كِ نَشّ.

كٌورٍ وَلَشّ مَكُنتَنمَ نّ عَلْ دَفِ.

5 عَلَتَلَ نَشّ، «ﭑ مَ سَنتِدّفّمَ نَ فّ نَ وَلِ رَ،

عَ فٌرٌ مَ نّ عٍدٌن حَمَ شِلِ مَ،

ﭑ قَ عٍ سْنتْ كِيتِ شَ قٍ رَ.»

6 وُلِ نَ عَلَتَلَ شَ سَنتِدّفّمَ مَ.

عَ بَرَ فّ سّرّشّ كْن نَشَبَدٍ عَ رَ،

شُرُ سٍيٍ وُلِ نُن تُرٍ نَ عَ مَ.

عَلَتَلَ نَ سّرّشّ ندٍ كْن نَشَبَقٍ بٌسَرَ،

عَ نَ قَشّ تِقٍ عَ حَاشِ رَ عٍدٌن بْشِ مَ.

7 حَمَ سْنتْمَ نّ، سّشّ نِنفٍيٍ نُن تُورَيٍ قَن قَشَ،

هَن بْشِ يَتِ بَرَ نْشْ نَ وُلِ بِرِن نَ.

8 عَلَتَلَ شَ نَتّ نَن نَ كِ،

عَلَكٌ سِيٌنِ فبٍ شَ حْشْ عٍدٌن شَ يَشُيَ شَ قٍ رَ.

9 عٍدٌن شَ شُرٍيٍ نُن بْشِ لُمَ نّ عَلْ دٌلٍ، عَ قَ لُ فَن نَ.

10 عَ مُ شُبٍنمَ كْي نُن يَنيِ رَ،

عَ تُورِ لُمَ نّ تٍ رَ تُن.

مّننِ قِندِ مَ فبٍنفبٍرٍنيِ يِرٍ نَن نَ عَبَدَن،

مِشِ يٌ مُ دَنفِمَ نَا سْنْن.

11 شْنِ نُن وُلَءِ سُبٍ مْولِ بِرِن لُمَ نّ نَا.

عَلَتَلَ بَرَ نَتّ تٌنفٌ مّننِ شَ قِندِ فبٍنفبٍرٍن يِرٍ رَ.

12 مّننِ مَنفّ مُ سٍسٍ تٌمَ نَا عٍ يَمَرِ مَ رَبَمَ نَشَن شُن نَ،

عٍ شَ كُنتِفِيٍ يٍنسٍنمَ نّ قٍوٌ.

13 مّننِ شَ يِرٍ مَكَنتَشِيٍ قِندِ مَ تُنبٍيٍ يِرٍ،

عٍ شَ تَايٍ لُمَ نّ عَلْ وُلَءِ، وُلٍ بَرٍيٍ نُن شْنِيٍ لُمَ دّننَشّ.

14 وُلَءِ سُبٍيٍ مْولِ بِرِن سَبَتِمَ نَا،

15 بْشِمَسٍ عَ شَلّ سَمَ نّ نَا،

عَ قَ عٍ رَ سّفّ، عَ عٍ كَنتَ.

هَلِ يُبّيٍ سَبَتِمَ مّننِ نّ، عٍ قَ دِيٍ رَ سّفّ.

16 عَلَتَلَ شَ سّبّلِ مَتٌ عَ قَنيِ رَ.

يِ سُبٍ بِرِن قَمَ نّ لُدٍ نَا، عٍ قَ وُيَ.

عَلَتَلَ بَرَ نَ نَتّ تٌنفٌ، عَ شَشِلِ يَتِ قَمَ نّ نَ رَكَمَلِدٍ.

17 عَ تَن نَن يَتِ عٍ شَ قٍ مَتٌمَ، عَ نَ بْشِ عِتَشُن عٍ رَ،

عَ قَ قِندِ عٍ فبٍ رَ عَبَدَن.