1 عَلَتَلَ شَ مَسٍنيِ نَن يَ،

نَشَن يَشُبَ دَاشِ،

نَشَن عِسِرَيِلَ يَءِلَنشِ بّندّ رَ؛

«هَلِ وٌ مُ فَاشُ، بَرِ مَ ﭑ بَرَ وٌ شُن سَرَ،

ﭑ بَرَ وٌ شِلِ وٌ شِلِ رَ، بَرِ مَ ﭑ فبٍ نَن وٌ رَ.

2 وٌ نَ بَا عِفِرِ، وٌن بِرِن نَن عَ رَ.

وٌ نَ شُرٍ عِفِرِ، عَ مُ وٌ شَنِنمَ.

وٌ نَ دَنفِ تّ شْورَ، عَ مُ وٌ فَنمَ، عَ مُ وٌ تْورْ مَ،

3 بَرِ مَ ﭑ تَن عَلَتَلَ نَن نَ وٌ مَرِفِ عَلَ رَ،

عِسِرَيِلَ شَ سّنِيّنتْي، وٌ رَكِسِمَ.

ﭑ مِسِرَ نَن قِشِ عِ شُنسَرٍ رَ،

ﭑ عٍتِيٌثِ نُن سٍبَ قِشِ وٌ حْشْي نَن نَ.

4 وٌ تِدٍ تٌ فبٌ ﭑ بّ ﭑ مَ شَنُنتٍيَ شَ قٍ رَ،

ﭑ مِشِيٍ نَن بَمَ وٌ حْشْي رَ، ﭑ حَمَ قِ وٌ نِي رَكِسِقٍ رَ.

5 وٌ نَشَ فَاشُ، ﭑ نَ وٌ قْشْ رَ.

ﭑ قَمَ نّ وٌ بْنسْي رَ، كٍلِقٍ سٌفٍتٍدٍ نُن سٌفٍفٌرٌدٍ مَبِرِ،

6 ﭑ قَمَ وٌ شِلِدٍ كٍلِقٍ يِرٍقَنيِ نُن كْولَ مَ.

‹وٌ قَ ﭑ مَ دِيٍ رَ، كٍلِقٍ يِرٍ مَكُيٍ،

7 عٍ بِرِن نَشٍيٍ شِلِشِ ﭑ شِلِ رَ،

ﭑ نَشَن دَاشِ ﭑ مَ نْرّ شَ قٍ رَ.›

8 حَمَيٍ شَ قَ نَشٍيٍ يَ نَ كْنْ عٍ مُ سٍ تٌمَ،

عٍ تُلِ نَ كْنْ عٍ مُ قٍ مّمَ.

9 حَمَيٍ نُن سِيٍ شَ عٍ مَلَن.

ندٍ نَ عٍ يَ مَ نَشَن نُ بَرَ يِ قٍ مَسٍن وٌن بّ بٍينُ عَ شَ رَبَ؟

عٍ شَ سٍيدٍيٍ رَ مِنِ، نَشٍيٍ نْمَ عَ قٍ رَقِيشّدٍ،

عَلَكٌ بٌورٍيٍ شَ عَ كٌلٌن عَ نْندِ نَ عَ رَ.»

10 عَلَتَلَ شَ مَسٍنيِ نَن يَ،

«وٌ تَن نَن نَ ﭑ مَ سٍيدٍيٍ رَ، ﭑ مَ كٌنيِ سُفَندِشِ،

عَلَكٌ وٌ شَ ﭑ كٌلٌن، وٌ شَ لَ ﭑ نَ.

عَلَ يٌ مُ نُ نَ ﭑ يَ رَ، عَلَ يٌ مُ قَمَ ﭑ شَنبِ رَ.

11 ﭑ تَن كٍرٍن نَن نَ عَلَتَلَ رَ.

مِشِ رَكِسِمَ يٌ مُ نَ بَقٍ ﭑ تَن نَ.

12 ﭑ تَن نَن نْندِ مَسٍنشِ، ﭑ تَن نَن وٌ رَكِسِشِ،

ﭑ تَن نَن قٍ نّينّ مَسٍنمَ وٌ بّ.

عَلَ شْحّ ندٍ شَ مُ ﭑ نَ وٌ تَفِ.

وٌ تَن نَن نَ ﭑ مَ سٍيدٍيٍ رَ عَ ﭑ كٍرٍن نَن نَ عَلَ رَ.

13 كَبِ قْلْ قْلّ ﭑ تَن نَن عَلَ رَ.

مِشِ يٌ مُ نْمَ مِشِ بَدٍ ﭑ بّلّشّ،

مِشِ يٌ مُ نْمَ ﭑ مَ قٍ رَبَشِ مَسَرَدٍ.»

14 عَلَتَلَ شَ مَسٍنيِ نَن يَ،

عَلَ نَشَن وٌ شُن سَرَ،

عَلَ نَشَن قِندِشِ عِسِرَيِلَ شَ سّنِيّنتْي رَ.

عَ نَشّ، «ﭑ يَامَرِ قِمَ نّ بَبِلْن فٍيلِمَنِيٍ شَ قَ عٍ شَ كُنكُييٍ كُي،

عٍ نُ لَشِ نَشٍيٍ رَ.

15 عَلَتَلَ نَ ﭑ تَن نَن نَ، وٌ شَ سّنِيّنتْي،

نَشَن عِسِرَيِلَ دَا، نَشَن قِندِشِ وٌ شَ مَنفّ رَ.»

16 عَلَتَلَ شَ مَسٍنيِ نَن يَ، عَلَ نَشَن كِرَ بْو بَا تَفِ،

نَشَن دَنفِدٍ رَ مِنِ مْرْنيِيٍ شْورَ،

17 نَشَن عَ نِيَ سْورِ رَفِ سٍيٍ نُن سٌي رَفِيٍ شَ كَتَ دَنفِدٍ مّننِ،

عٍ قَ لُ بَا شْورَ عَبَدَن، عٍ مُ تٍ.

نَ سْورِ فَلِ شُبٍنشِ نّ عَلْ لَنثُي شُبٍنمَ كِ نَشّ.

18 «وٌ نَشَ وٌ مَحْشُن قٍ سِنفٍيٍ مَ،

وٌ قٍ قٌرِيٍ لُ نَ.

19 وٌ مُ عَ تٌشِ، ﭑ نَ قٍ نّينّيٍ رَبَقٍ؟

وٌ مُ فّشِ نَ كٌلٌندٍ؟

ﭑ نَ كِرَ ندٍ بْوقٍ فبٍنفبٍرٍنيِ مَ،

ﭑ نَ شُرٍيٍ رَ مِنِقٍ يِرٍ مَشَرَشِ مَ.

20 بُرُنيِ دَالِسٍ ﭑ مَتْشْمَ،

عَلْ وُلَءِ بَرٍ نُن شُندِ، بَرِ مَ ﭑ يٍ رَ مِنِمَ فبٍنفبٍرٍنيِ مَ،

ﭑ شُرٍ شُنفبٍيٍ رَبْو يِرٍ مَشَرَشِ مَ،

عَلَكٌ ﭑ مَ حَمَ سُفَندِشِ شَ يٍ مِن،

21 عَلَكٌ ﭑ حَمَ نَشَن دَاشِ عَ شَ ﭑ مَتْشْ.»

22 «يَشُبَ، وٌ مُ مَشَندِ تِمَ ﭑ شِلِ رَ.

عِسِرَيِلَ، وٌ مُ قٍقٍ رَبَقٍ بِرَقٍ رَ ﭑ قْشْ رَ.

23 وٌ مُ تِن يّشّييٍ بَدٍ سّرّشّ رَ ﭑ بّ،

وٌ مُ تِن ﭑ بِنيَدٍ سّرّشّيٍ رَ.

ﭑ مُ كٌتٍ دْشْشِ وٌ شُن مَ سَنسِ سّرّشّ رَ،

ﭑ مُ وٌ كَرَشَن سُرَيِ فَنقٍ رَ.

24 وٌ مُ لَبُندّ قَنيِ سَرَ ﭑ بّ،

وٌ مُ نِنفٍ تُرٍ فبٍفبٍ بَ سّرّشّ رَ.

وٌ نَشَن نَبَشِ، وٌ بَرَ ﭑ نَتَفَن وٌ شَ يُنُبِيٍ رَ،

وٌ بَرَ ﭑ نَشْنْ وٌ شَ حَاشُحَ رَ.»

25 «ﭑ تَن نَن عَ رَ، نَشَن عِ شَ يُنُبِيٍ شَقَرِ مَ ﭑ شِلِ شَ قٍ رَ،

ﭑ قَ نّيمُ عِ شَ يُنُبِيٍ مَ قٍوٌ.

26 عِ شَ عِ شَ قٍ دَنفِشِ مَسٍن ﭑ بّ،

وٌن شَ عَ مَتٌ كِيتِ نَ كِ نَشّ.

27 عِ بٍنبَ سِنفٍ يُنُبِ رَبَ نّ.

عِ شَ يَرٍرَتِ مُرُتَ نّ ﭑ شِلِ مَ.

28 نَ نَن عَ رَ، ﭑ قَمَ عِ شَ سّرّشّدُبّيٍ رَيَافِدٍ،

نَشٍيٍ وَلِمَ ﭑ مَ هْرْ مْلِنفِرَ كُي.

ﭑ عَ نِيَمَ نّ يَشُبَ بْنسْي شُن شَ رَكَنَ،

عِسِرَيِلَ بْنسْي شَ يَافِ.»