Ni̱dríguíilóꞌ Xu̱u̱ꞌ Ana̱ꞌlóꞌ ga̱jma̱á numuu rí wéje̱ a̱kia̱nꞌlóꞌ ná inuu Jesukrísto̱
1 ¡Phú tsíndxa̱ꞌwa̱á idxa̱ꞌlaꞌ, xa̱bo̱ Galásia̱! Xáne kajngó ni̱ni̱ꞌñá-mijnálaꞌ rí ma̱gu̱ma-nduwáanꞌlaꞌ róꞌ, xí jmínu̱úꞌ máꞌ ikhúúnꞌ ni̱tha̱n-makalaꞌ rí Jesukrísto̱ waꞌdujmaa ná ixe̱ krúsi̱ rá. 2 Nandoꞌ rí mu̱riñuꞌlaꞌ mbóó graxe̱ ríge̱ꞌ: Á ni̱dríguíilaꞌ Xu̱u̱ꞌ Ana̱ꞌlóꞌ ga̱jma̱á numuu rí ne̱ne̱-mbáníílaꞌ xtángoo o ga̱jma̱á numuu rí ni̱dxawíínlaꞌ ajngáa máján jamí ninimba̱ꞌlaꞌ ne̱ dxe̱ꞌ. 3 Á phú júgoo inalaꞌ rá dxe̱ꞌ. Ni̱gíꞌdi̱ínlaꞌ máꞌ ga̱jma̱á majñu̱u̱ Xu̱u̱ꞌ Ana̱ꞌlóꞌ, jamí xúge̱ꞌ nandalaꞌ gúne̱-gáxi̱í ga̱jma̱á majñu̱u̱ ski̱ya̱ꞌlaꞌ ráanꞌ.