Krísto̱ neꞌne-jáwiáanꞌlóꞌ
1 Krísto̱ neꞌne-jáwiáanꞌlóꞌ kajngó náxánindxa̱ꞌlóꞌ yumbáá tsí waꞌtsi̱in. Ikhaa jngó, ga̱wajún-gúkuálaꞌ jamí mu̱xúni̱ꞌñá-mijnálaꞌ rí ma̱nindxa̱ꞌlaꞌ mbu̱júꞌ yumbáá tsí ni̱tsu̱mii rí mune̱-mbáníí rí naꞌthán xtángoo.
13 Xómáꞌ ikháanꞌlaꞌ rá, a̱ngui̱nꞌ, tándxaꞌwálaꞌ Ana̱ꞌlóꞌ rí mi̱ꞌthán-ñájwanlaꞌ gáꞌne xtángoo. Ra̱ꞌkhá rúꞌkhue̱n iꞌthán rí ma̱goo mu̱ne̱laꞌ asndo wátha̱ inii rí xkawe̱ꞌ rí nandoo gáꞌne xuyalaꞌ. A̱ꞌkhue̱n gakon, gu̱ne̱-mba̱a̱-mijnálaꞌ kajngó ma̱kujma rí nandalaꞌ ju̱ya̱-mijnálaꞌ.
Ga̱juwalaꞌ rí mu̱ne̱laꞌ rí nandoo Xu̱u̱ꞌ Ana̱ꞌlóꞌ
16 Ikhaa jngó xáꞌnii i̱tha̱nꞌlaꞌ: Ga̱juwalaꞌ rí mu̱ne̱laꞌ rí nandoo Xu̱u̱ꞌ Ana̱ꞌlóꞌ, kajngó mu̱xúne̱laꞌ rí xkawe̱ꞌ nandoo xuyalaꞌ.
22 Xómáꞌ tsí Xu̱u̱ꞌ Ana̱ꞌlóꞌ rá, naꞌnii̱ rí ma̱galóꞌ juꞌñúú xa̱bo̱, rí ma̱ꞌdxu a̱kia̱nꞌlóꞌ, rí ma̱juwalóꞌ tsímáá, rí ma̱ꞌngo̱o̱ a̱kia̱nꞌlóꞌ, rí ma̱ꞌne gamakuáanꞌlóꞌ, rí ma̱ꞌne májáan a̱kia̱nꞌlóꞌ, rí mu̱ꞌne̱-mbáníílóꞌ rí nuꞌthánlóꞌ, 23 rí mu̱xrígú-mijnálóꞌ, jamí rí mu̱xúꞌne̱lóꞌ rí xkawe̱ꞌ nandoo xuyalóꞌ. Nda̱a̱ nimbá xtángoo rí naꞌthán rí ra̱máján rí mu̱ꞌne̱lóꞌ mbá xúgíí rúꞌkhue̱n.