Juáán 3

3 A̱ꞌkhue̱n niriꞌña Jesús:

—Na̱tha̱n-jmbaaꞌ rí asndo nimbáa tsí tsígu̱maa mbu̱júꞌ, ma̱xáxóo ma̱nindxu̱u̱ xa̱bo̱ tsí nithán-ñájwíín eꞌne Ana̱ꞌlóꞌ.

4 —Xáne gágoo ma̱gu̱maa mbu̱júꞌ mbáa xa̱bo̱ tsí nikhi̱i̱ máꞌ róꞌ, —niraxe̱ Nikodémo̱. —Á ma̱goo ma̱ta̱ꞌaa̱ mbu̱júu̱ ná awúun nánée̱ kajngó ma̱gu̱maa̱ mbu̱júu̱ rá dxe̱ꞌ.

5 A̱ꞌkhue̱n Jesús niriꞌñuu̱:

—Na̱tha̱n-jmbaaꞌ, xí mbáa tsígu̱maa ga̱jma̱á iya jamí ga̱jma̱á Xu̱u̱ꞌ Ana̱ꞌlóꞌ, ma̱xáxóo ma̱nindxu̱u̱ xa̱bo̱ tsí nithán-ñájwíín eꞌne Ana̱ꞌlóꞌ.