17 A̱ꞌkhue̱n niriꞌña mbáa xa̱bo̱ ná majñu̱ú tsí mbaꞌiin:
—Táta̱ naꞌsngáá, niꞌkha ja̱ya̱a̱ a̱ꞌdéꞌ ná inaaꞌ, numuu rí gíꞌdaa̱ mbáa gíñá ꞌguéen tsí naꞌne rí ma̱ꞌga ajngóo̱.
22 Jamí phú mbaꞌa nothon gíñá ꞌguéen naꞌne rí ma̱xpátuáꞌáa̱n ná awúun agu jamí ná awúun iya, kajngó maxíya̱a̱. Ikhaa jngó, xí na̱ꞌnga̱a̱ꞌ nathane̱ mbá rí máján, ga̱ñáwíin a̱kia̱anꞌ xtayaxo̱ꞌ. Atambáyáxo̱ꞌ, táta̱.
23 Xómáꞌ Jesús niꞌthúu̱n:
—Ma̱xára̱tha̱n: "xí na̱ꞌnga̱a̱ꞌ nathane̱ mbá rí máján". Tsí nanimbo̱o̱ꞌ jaꞌyoo Ana̱ꞌlóꞌ, mbá xúgíí rí ma̱goo ma̱gu̱ma ga̱jma̱á numuu̱.
24 A̱ꞌkhue̱n anu̱u̱ dxáma mbá nacha̱ máꞌ niꞌthée̱n gakhe̱:
—¡Nanimbo̱ꞌlo̱ꞌ! Atambáyúꞌ rí ma̱nimbo̱ꞌ i̱tha̱án xóó ja̱ya̱a̱ꞌ, táta̱.