Maskil31:0 Maskil: İne cuvabın cühüt’yaaşine mizel in mə’nabıd hele eyxhe: «ats’al, mısləhət», «uftanba gipk’ınna mə’niy»., Davudna mə’niy.
1 Şavunbıyiy bınahbı Rəbbee yik’elixanı’ı,
Şavunbıyiy qotkuda hidi’iyn harakatbı hakkal hı’ı, nimee baxtivariy!
2 Cuna bınah dyugulydyaa’ana,
Rəbb bınahıle ılyheç’una insan, nimee baxtivariy!
3,4 Gardanaqa alyat’asmee zı əvəray hav’u.
Yiğbına, xəmbına Yiğna yı’q’na xıl zal oğa vuxha.
Yizda guc g’apt’ına g’ı’liyne pırane yiğıl qəhətxhayn çiy xhinne.
Ik’arang’an xhinneyid yizın bark’vbıd rı’hı’le g’a’atk’u.
5 Manke zı bınah Yiğne ögil gardanaqa alyapt’ına,
Yizın qotkuda hidi’iy Vale dyugul hı’ı deş.
Qiyğa zı uvhiyn: «Zı bınahbı Rəbbine ögil gardanaqa alyaat’anbı»,
Ğunar yizde bınahıle ılyheç’una.
6 Mançil-allab Yiğna yəq avquyng’ve,
Ğu iveekemee Valqa düə hee’ecen.
Məhrıng’uk xədın xhyanbıd qadıyng’a set’as deş.
7 Zı dyugulexhen ciga Ğu vorna,
Ğu zı dağamiyvalike g’attixhan ha’as,
Ğamxhayn şadvalin mə’niybı, Ğu yizde hiqiy-alla alik’ara’a.
8,9 Ğu eyhen: «Balkaniy g’atir xhinne ək’el kamba mexhe,
Manbı salbaniy g’antarağa dena
Ğu eyhençilqa qalya’as əxə deş.
Zı vas ək’el hevles,
Ğu əlyhəəsda yəq haagvas.
Zı ğu hot’alasda,
Yizda ul val vobna».
10 Yəq avguynbışde vuk’lelqa xətta divanbı adaylenbı,
Rəbbir culqa umud ha’anbışiqa
gırgıne gahbışil yugra eyxhena.
11 Qopkuyn insanar, vuşda şadvalla Rəbbil-alla vuxhecen.
Yik' məttınbı, şadvalina mə’niy Rəbbinemee qəpqe.