Salmos 6

1 Maq’amne xərıng’us. Molyne simnane instrumentıkana Davudna mə’niy.

2 Rəbb, qəl vuxha zas cazaa humoole,

qəlın qoyxharmee, zake qəl qığmaaha.

3 Rəbb, zas rəhı’m hee’e,

Zaqa taq’at axu deş.

Rəbb, zı yug qe’e,

uts’uruke bark’vbışeeqa zeze aypxhı.

4 Caneeqa it’umna zeze aypxhı.

Rəbb, man mısılqameene ts’ıts’xhes?

5 Rəbb, qora zas kumag he’e,

Yiğne ç’əvcab dyooxhene yugvalika

zı g’attixhan he’e!

6 Qik’u ark’ınne insanee

Ğu deş yik’el qalya’as.

Şavaane qik’uyne cigeençe

Vas şukur haa’as?

7 Zı yizdecar hülöörxüyke orzulyna,

yiğıscad xəmde geşşuyke

zı g’ılexhan ciga çüvəda eyxhe,

ulene nağıke

yizın tyulyu çüvə qexhe.

8 Uts’uruke yizın uleppı qeqqu.

Duşmanaaşe zı geşşes ilekkançil-alla

yizın uleppı ozzur.

9 Rəbbik’le zı geşşe g’ayxhiyn!

Pisın işbı g’ecenbı, zake əq’əna qeepxhe!

10 Rəbbik’le, zı rəhı’m hee’eva eyhen, g’ayxhiyn,

Rəbbee yizda düə q’abıl hav’una!

11 Yizın gırgın duşmanar

k’ap’ik’ıle avqa qeepxhes,

Manbı qəpq’ı’n,

manbışde caneeqa it’umna zeze avxhas,

Matsxareepxha, manbı zaraba heepxasınbı.