1 Şavunbıyiy bınahbı Rəbbee yik'elixanı'ı,

Şavunbıyiy qotkuda hidi'iyn harakatbı hakkal hı'ı, nimee baxtivariy!

2 Cuna bınah dyugulydyaa'ana,

Rəbb bınahıle ılyheç'una insan, nimee baxtivariy!

3,4 Gardanaqa alyat'asmee zı əvəray hav'u.

Yiğbına, xəmbına Yiğna yı'q'na xıl zal oğa vuxha.

Yizda guc g'apt'ına g'ı'liyne pırane yiğıl qəhətxhayn çiy xhinne.

Ik'arang'an xhinneyid yizın bark'vbıd rı'hı'le g'a'atk'u.

5 Manke zı bınah Yiğne ögil gardanaqa alyapt'ına,

Yizın qotkuda hidi'iy Vale dyugul hı'ı deş.

Qiyğa zı uvhiyn: «Zı bınahbı Rəbbine ögil gardanaqa alyaat'anbı»,

Ğunar yizde bınahıle ılyheç'una.