4 Baana baa ngu, benu a lili hutso a piipidi ve, mana ilumbu hya Pfumu iyiila benu we muyibi. 5 Mu tooni ati, benu boosi lili baana ba liyalala, ba bali mu udyata mu liyalala. Bisu a benu a lili baatu ba butsuhu tso baa piipidi ve. 6 Bisu a benu a libwamina we baatu bakima ve, ka bisu a benu laafwana uba likanda, na ukuta linyutu. 7 Babwamini, ni butsuhu bali mu ubwamina. Bakoli baa malamu kaka, ni butsuhu bali mu ukolo malamu. 8 Ka bisu baa lili baana ba liyalala, bisu laafwana ukuta linyutu. Likaangaani imiinu na litondo we ikutu hi itali na hiitu hi liyobolo we ibudu hi midiingu✝5.8 Esa 59.17; Efe 6.11-17. 9 Nzambi a hateele bisu mu ubwana tsyembili a nde ve, ka mu ubaha liyobolo mu Pfumu a bisu Yisu Kristo.