Lisadaadu la Yisu Kristo
1 Ni mu buuna, we mwaana a me, hwada mu matwala ma hyese hi hili mu Yisu Kristo. 2 Buuna, ndongisili yi we ayuhi huli me, ŋa busu bu bambangi ba banzuhisini, toosele yo huli baatu ba lisunga, mana bo kaka batwala ulongese yo huli bakima.
3 Siinga mapasi na me, we bu lisadaadu lilibwe la Yisu Kristo lahwada. 4 Lisadaadu bibaayaka litondi uyusa pfumu a nde, utwala ubwekangama mu misamu mi myavele mi isalu hya nde ve. 5 Bumosi kaka, muyeni a tiinu utwala uyaka mutata a mbingili ve, tso nde a hadukili mikele mya nzyenili a tiinu ve. 6 Musali a ngundu wu ubaasala hu unono, afwana uba watsomi mu utsonzehe muhunu.
11 Musamu a mbuli ni wunuwu:
Tso bisu likwidi na Yisu Kristo,
bisu lu uba kaka moonyi na nde.
12 Tso bisu lihwadi,
bisu kaka lu utuma na nde.
Ka tso bisu lituni nde,
nde kaka utunala bisu.
13 Tso bisu liyehuli nde,
Yisu Kristo akwilala wu akuha.
Ka nde utwala utunala nde mwakulu ve.