Kristo ŋa mutswe a byosi
15 Kristo ni ifwaani hya Nzambi wu baavelemono. Nde ni Mwana watsomi ŋa hati la baatu, na wu alutahala byosi bi Nzambi haavaanga1.15 Mak 8.32-36; Yow 1.1-3. 16 Mu tooni ati, ni mu nde Nzambi haavaanga byosi hu mayulu na ŋa toto:
Bi bubaamono na bi bubaavelemono,
bipfumu bi bili na matwala,
banga matwala na banga lituma.
Nzambi avaanga byosi mu nde,
na mu tooni a nde.
17 Nde atswamini bisiha byosi, na mu tooni a nde,
byosi bi baavaanga byakwelene ŋa mbuha a byo.
18 Nde ni mutswe a nyutu, yi yili libundu.
Nde ni mbandu a moonyi.
Nde ni watsomi wu asuuhi ŋa hati la babaakwa,
mana nde abaha mbuha yatsomi mu byosi.
19 Nzambi avoli kesili yi uba nde woosi mu Mwana a nde, 20 na mu Mwana a nde, Nzambi atondi unongese byosi na nde mwakulu. Ni mu Kristo wu apalisi makila ma nde ŋa kuruwa, Nzambi haasiidi hyenze mu baatu boosi ŋa toto, we hu mayulu.