1 Ta bungo bunge kuchi pristochi a tuwaga na ato tuwaga ato a shi oink zwam Yesu a hone ek riʻu. 2 Pa ba para ek, pa ba kore na eb paba pa ek pa wo gwamna bilatus.

3 Gagu o Yahuda ene e tuta Yesu e hya̱ a shereu Yesu hadoba a hone ek, pa eb emakimga dame, e ringyatome pristochi a tuwaga na ato tuwaga ne kurubi azurupa akwape tato ane, 4 Nyange, << Na shiu tukwada na gem pa mahya ma bone bo za tukwada a hone boik riʻu. >> Ab zwame, << Ga ruwa nuti? gab hoge!>> 5 Na eb e kwangi kurubi azurupa ane na Egenga e Onhon, e sher, e kore e masara reto reʻeb. 6 Ama a Pristochi a tuwaga a yingaga̱ kurubi ni ange, << O za honjhe to ere kurubi te bando e higa̱ e tu'ira taigenga̱ ba, zwam e kurubi ni ishi kitop ke mahya.>> 7 Pa ba shani, a sa rihuga ane a shagu mukimbu na kurubi zwam rihoga̱ re wumbuga̱ ato kanya. 8 Zwam nani, har koro nare, a ogago rihuga rini rihuga re mahya har nare. 9 Nanani ab shinji e zwam e boink bando hatuma Irimiya ne zwama, << A zhangi kurabi azurupa akwape tato a te, kurubi ene ato isiraʻila a yaje a tope na reto reʻeb binu.

10 Pa ba sa rihuga nya̱ ne shagu mukimbu, ta Botʻbutuwaga bo zwame na gemu >>.

11 Yesu eba yinsane na bishina̱ be bugwam ba un, pa bugwana o ka̱ba̱ ek owange,<< Gab shi bugwam bo yahudawa?>>Yesu nyange na boba.

<< I,gyane ta zwam nani.>> 12 Ama na pristochi a tuwaga na to tuwaga a tuhimi ek, e zwama ko ya̱ ba.

13 Pa Bilatus be zwame na eb,<<Bu hogo irite ya̱ ba bu tuhumi zwam eb ba?

14 Ama Yesu e chano ek ko eka̱ba̱ inka ba, har o gwamna shiu iya-hani dinya.

15 To, na gagu bigenje be kacheu, gwamna o shagagu e pashi yato bot boink bo makwada bone bwaba kudage. 16 Na gagu oni azhe e mai ene yo na zharo reze re'eb Barabbas. 17 Na yahudawa a matarage na Bilatus byange naba,<<Ga bo gahi kudage a mai pashiya? Barabbas unbu de Yesu ya̱ ba ange na eb Botʻbwakimga? 18 Zwam Bilatus bi daki zwam ehogo eso obo sa ab tuta Yesu. 19 Na Bilatus e shani bando hadoba, na bwaa bo eb butuma azwame na eb, <<Yaciga reto narebe bando ete e za tukwada̱, zwam na re na hogo tuzuma dinya zwa arabuwa a eb.>> 20 To, pa pristochi a tuwaga a huraga ato tope a zwame nezwama a pashe Barabbas, a hone Yesu reʻu. 21 Gwamna henda o zwamaka yek, << Ga boink bando ato a te baragya bone bo gahi kodage ai pashe?

Pa ba ange,<<Barabbas >>.

22 Pa Bilatus byange na ba, <<To ,ya gemwashi na Yesu ene ya̱ ba ogago ek Botʻbwakimga? >> kuchi paba ange,<<A ginda ek >>.

23 Bilatus byange,<< Zwam ya̱? ya eb ushi ene sambariwo?>>Ama ato ni a dande bigwaba a be zwame, <<A ginde ek >>.

24 Ta Bilatus e hya eza ene eba pwash, henda ato a kudage a shingatome so, pa eb e toke mani e guzhi wa eb na bishina̱ byato, ezwame,<< Gem de, ba mani na mamiya na alhake a mahya ma ene eza tukwada. One ushi mani na mahi >>.

25 Na ato ani kuchi a chane ange, << Alhake a mahya ma eb ma shani na reto na riti, gatu na awo nati >>.

26 Na nani pa eb e pashe yek Barabbas kate e sa a supagi Yesu aduga̱, na eb e pa a ginda ek.

27 Wari paba ato gas a shebke Yesu chibano o gwamuna, pa ba ogage kuchi ato gas na reto re eb, 28 Na ba bwajigyagge ek azunga, paba sa̱nra ek apo a shen a ryenga na mugwamgwam. 29 Pa ba shi eporu emai e tugwama na makada, paba zache ek na reto, paba sape e humga̱ agugu na wa eb o katoga, paba kukagi na bishina̱ be eb a be shagi ek zwamo rato a be zwammagaa, << Muhondo na mobe mo waragi, Bugwam bo yahudawa!>> 30 Paba tupanga ek a tanbi, paba che ek agugu ani paba supagi ek na reto 31 Ta ba hwagi shagi ek zwam orato, paba yachige ek apo a shen ani, a bodaga shapo she eb, ab harge na eb zwam a ginde ek.

32 A be shi tuhano ba on, pa ba maharage bo mai Bakorane, reze rebob Saminu.Eb yaba sape ezhangi a ginda Yesu.

33 Taba eshe pamai paba ogago Golgota, wato, mubobo e reto, 34 Pa ba tuta mani masambe a huta ne maye e tubada pa eb eso, ama ta eb e harupa pa eb e wonje esu 35 Ta be ginje ek, naba ma undagage a po a eb pa baba a tane koreʻa. 36 Pa ba shani pabba absaga ek. 37 Bando reto re eb paba tane ene ya̱ chibane ene eb ishi ne zwam.

38 Na ba ginda Hahi baragya taba na eb, boik na kakura. 39 Ato ana karegeu a owen shagyaga ek taazhe ushiri,a be tumtaka hato, 40 A be zwammagaa, <<Gab bone bwa shujuga Egenga, gab bo ma ek na mugeta mu tato! Shi gab shi bwa bo Onhon, to, kajhagya zaat na aginda!>> 41 Nani henda pristochi a tuwaga na hamarumi Ataura na ato tuwaga a be shagyaga ek zwam o rato, a be zwammagaa, 42 << E chago ato mai, e mashibago kama che reto re eb. Ai, bugwam bo Israʻila ne, e kazhagi nai zaat aginda yanzu, gatwa yado na eb. 43 E yinsa bando Onhon, to, che ek yanzu, she ukodage ek, zwam ezwame e be shi bwa bo Onhon.>> 44 Har ishi ete ab ginje ek bake ma, a zwagage ek ta ari.

45 To, onhwanho na reto, tush tu sab ta tonge kuchi, har koro berom be tato be rembe. 46 Na berom be tato henda pa Yesu e dande begwabo na mahore nyange, <<Eloyi,Eloyi lama sabaktani?>> wato,Onhon numi, Onhon numi zwam ya gab na pashe?>> 47 Na ato mai ana yinsagane a hoge nani, paba ange,<<Bot bo te bo on ogaga butuma Iliya,>> 48 Ka paba bot boink wo ab bo e be somo, bo zhangi soso etope ek na mani ma sabe, e robi na agungu, etota ek e sa. 49 Ama a mai ange,<<Ganjhi tuha̱ ko butuma Iliya ya̱ kore e chage ek.>> 50 Pa Yesu e dandaka begwabo na mahore na paba na eb e pashe muhundo mo eb e'u.

51 Pa azunzu ana yo na Egenga a mahanje ka ryagya, wari zaat har reto.Tonge to ma dumta̱, hate ama bandage. 52 Pa Onhon o gunjage haʻuyi, ato bura̱ dinya ana rabtage na uyi amashingage na muhondo. 53 Paba sherage na haʻuyi, kate amashingyau bando ane owagi, na ba esh shep bura̱ ato dinya a ha̱ yek 54 Gagu zarumi na ato ane ab yo taba na eb ane a absaga Yesu a hya edumta̱ e tunge na yisha, pa ryansa rehuma yek kuchi, pa ba ange,<<Tamahinda ene ishi bwa bo Onhon >>.

55 Henda azhe aʻa mai dinya , a ne a swabe Yesu wari na tunge to Galili, a be shagi ek hidima. a ba yinga hwenya a be shi mungeu mo e ne e pare 56 Wo ab na Mariyamu Magdaliya, na Mariyamu yini yakubu na yusupu, na henda yini awo a zabadi.

57 Na rembe ushi, pa bot mai bone bu jhe kurubi, bot bo Arimatiya, bone bwaba ogago yusuf bu kore, eb kuma ishi aswabo a Yesu. 58 E kore wo Bilatus e genbage a pa ek riʻu ri Yesu.Bilatus henda biyado a pa ek. 59 Pa yusupu e jhangi riʻu ri Yesu e rigidaga ek na azunzu a tunjha̱ a bura̱. 60 E tane ek na uyi upu , one o e be e gabe na gungu te. Na eb e swabeke te ne yinu uyi, e kare ge. 61 Mariyamu magdaliya na minka Mariyamu ab pab shani nabishina be uyi.

62 Na bongo bunge, oho kama kimaga, na pristochi a tuwaga na parisiyawa na ab maharage na bishina̱ be Bilatus. 63 Pa ab ange,<< Gab butuwaga, tumabutareu ta bot bo tak ote, tuni eb na muhondo e zwam na muget mo tato nya mashingeu bando ana owagi. 64 Zwam nani gab sape a getagage uyi mahinda har mugeta mutato, zwam aswabo a bune eb Hahi ek, ab a zwama ato wai e mashingeu wo ana owagi.Tak ene ya kundaga ya̱ hango e Jigu a hacigage ba on>> 65 Na Bilatus byange naba, <<Ushiu nani,ezhagya ato gasa ekore egitagage inyaka e mahore na mahi. 66 Paba a kore a getagage uyi honzhe na te, henda naba tane ato gas a getagage uyi.