1 Ta Yesu e hyan udubu owato dinya pa eb e hyane mushama. Ta eb e sheni, aswabo a eb a kore wo eb, 2 Pa Yesu e sabchi yinu e chibaga yek.

3 << Iyi bura̱ eyo wo ane a daki nagu owaba uhunchi,

Zwam tugwama tu turwana tushi twaba.

4 Iyi bura̱ eyo wo ane a madame

Zwam a daura̱tumi yek so.

5 Iyi bura̱ eyo wo ana azhe uʻibu

A gado tonge.

6 Iyi bura̱ eyo wo ato ane azhi kiryane ke ene sambari,

A tope yek ene nyaba kudage.

7 Iyi bura̱ eyo wo ana azhi yama,

Ab ma a hoge yek yama.

8 Iyi bura̱ eyo wo ane azhi rekoko rebura̱,

Zwam ab gado Onhon.

9 Iyi bura̱ eyo wo ane maswabo,

A zwam naba awo Onhon.

10 Iyi bura̱ e yo wo ane a on hoge tuzom zwam e shagu e adalchi,

Zwam tugwama to turwana tushi twaba.

11 <<Iyi bura̱ eyo wo gashi ta ato hate ai zwagage, ai damage, ai hyanga na ene e sambari wa̱, zwam gyam. 12 Shaanji so chen dinya, zwam ketope na kihi keyo dinya na zaat, zwam nani ab damage hatuma na ane ayo na tusha na tuhi >>.

13 << Gahishi maanje ma tonge. Shi maanje ma hachigago, na nya ab hogo myeka? Mazakana ene yabashi na maba, ka kwangi, ato a pundage >>.

14 <<Gahishi tubanga to tonge. Zwama, shepo one oyo na zaat ore ogo. Opwa kamaswe. 15 Apwa tukiya̱ bichera asabta̱ bek na abora̠, ka dukane bek na rihuga̱ re beb be pa ato yaba kuchi tubanga. 16 Tubanga na tuhi turinga bangaratoma wo ato, zwama yek a hyan enk nahi a bura̱, henda yek a dande buchi na buhi bone bo yo zaat na turwana >>.

17 << Ita zwama na kore usa̱gai ataura na chibaga e hatuma. Na kore ba zwam usa̱gi yek ba, zwam na shinda̱gi yek. 18 Tamahinda na raga ke zwammagaa, ka̱shi onshi o torwana na tonge o hogi, ko bizabo ko indake be ataura bya hoguba, ka shindu ko nya. 19 Zwamnani bone bwa gyeu ene nyaba ange yinka̱ ene hyange tuchimu pa eno nyaba ange, har e chibaga ato nani, a zwam na bob enakanaka pa tugwama to zaat. Bone bo swabo yek, henda bu chibaga yek a zwam na bob bone bo henge tuwaga na tugwama to turwana. 20 Na raga ke zwammagaa, shi iyi bura̱ nehi e hyangewa hamarumi a hataura na Haparisiyawa, nya iso wa tugwama to turwana ko chim>>.

21 <<E hogo a zwam na shikaka na shi hi, <Ota hona buto, henda bone bo hono buto, a shegyu boik hadoba.> 22 Gyamu riga ke zwamgaa, koga bo rwage shi pushi na buto bob, a poro boik. Koga bwange na buto bob udamba, a shibko boik na bishina̱ byato chibano. Koga henda bwange, gab shi konya ba ombe bob bwa eso ora̱ one oza usagi.

23 <<Zwamnani shi bwa tuta uhanchi zaat o Egenga pa gab mabutare ne zwama buhunwa na bobe buzhe bitaga na gab, 24 Gab iri uhanchi nobe na nabishina̱ be genga, gab kore emakimga na buhu na bobe katum gab maringye tuta uhanchi nobe.

25 <<Shi buto mai bushibke bando hadoba, gab mahima̱ emakimga kimga na eb ton gahi na yina kame gahi esh wo hadoba. Shinani ba nyabuhuta̱ na Anakale, Anakale henda a bu huta na buto bwaʻagungu a bu gunda na zharo. 26 Tamahinda na raga ka bu zwamaga, kape a bu shiryatumya, bwatopo kuchi kurubi ne yaba bu swabe >>.

27 E hogo taaba zwame, eta sha̱a̱ tugari. 28 Na raga ke zwammagaa, shi buto bu raga yengyaga bwaa zwam tugari buhwa̱gu shi tugari na rekoko rebob ba un. 29 Shi rishi nebe e katuga nyasan gab shi ene zai bura̱, yachiga rek pash. Mata na̱gi biʻabo bi mai bi kingi na kabe naba tana kingi na kabe kuchi na so ora̱ one oza usagi. 30 Shi wa nobe okatoga nwan san gab shi ene za bura̱, gab gunji pash. mata naki bi'abo bi mai bi kingi na kabe naba tana kingi nakabe kuchi na so ora̱.

31 Musa owange, <<Koga bupash bwaa bo bob bopa boik otakarda oye paso.> 32 Gem rega ke zwammagaa, ko ga bo pash bwaa bob, onba zwam tugari ba, bu tano boik yeno tugari. Bune henda bu shinya bwaa bone bwaba pash bo on tugari >>.

33 <<Har nanane, ehogo a be zwammagaa ato Jigu, <Tama tuna na taka, shinji kutono ko gab shi na Botʻbutuwaga.> 34 Gemrega kamai zwammagaa, eta ma tuna, na turwana, zwam tob tush rihuga̱ rishiyano ye Onhon, 35 eta matuna na tunge, zwam tub tush iya̱ taga buna, ko henda na urushalima. Zwam uba ushi shepo o tuwaga o Bugwam. 36 Ta ma tuna na reto na rebe, zwam bupa ringyatoma ahinja̱ a shiri ko a chen. 37 Iyi gahya zwam, <i> ko henda <aʻa> shi hyango nani isher wo mugu >>.

38 E hogo de a zwam, ketope ke rishi na rishi, ketope ke hera na hera. 39 Gem riga kamai zwammagaa, eta wunda bune bu shegi ene e za ibura̱. Sha bu supi na suga̱ nwinka̱ pa umai a supi kumba. 40 Shi buto mai bushipke wo hadoba zwam buche a po nabe, gagya boik kuchi na egodu nebe. 41 Shi buto mai botogwama bo sape ishi tuhano to mil inka, gahishi tuhano to hamil harya̱gya̱. 42 Shi buto mai bo ka̱ba̱ iyi mai pa boik. Bone henda gembo otashe wo gab, ta ya̱sa̱ boik.

43 <<Ehogo henda a zwamo ne zwama, <U kudage buhu na bobe, e ta kudaga ana on bitaga na gahi.> 44 Ama gemrega ka mai zwammagaa, e kudage ana a on bitaga na gahi, e raga shegya̱ ana a on bitaga na gahi menga. 45 Nana ni gahya shi awo a buchi na buhi bone bo yo na turwana, bune bwa sapo onhwaho ushi tubanga pa ato a bura̱ na ane aza bura̱, une owatumane ashira̱ wo ato a bura̱ na ne aza bura̱. 46 Sha ato ane a mai kudage ab gahi kodage, ketope kyana ke gahya hyun? ko ato gandu pa nani ab yo ba? 47 Sha ahuwa na hi ab ba gahi raga zwangaga, nya gahi o ene e hyange ato kanya? Ko ana shiwa̱ Yahudawa a shagu na ni ba? 48 Zwamnani ishi ta buchi na buhi bone bo yo na turwana >>.