Apocalipse 15

ఆఖరి రొగాఢితీ దూత

1 బుజు అష్యంహుయూతె అజేక్‍ మోటు సూచన్‍ స్వర్గంమా దేక్యొతొ. యోసాత్కతొ, హాఃత్‍ తెగుళ్‍ హాత్మా ధర్లీన్‍ఛాతె హాఃత్‍ దూతల్‍. ఆస్‍ ఆకరీను తెగుళ్‍; అనేతి దేవ్ను జంఢాల్‍

2 బుజు ఆగ్తి మలీన్‍ఛాతె స్ఫటికంను ధర్వావ్‍మా మే దేక్యొతొ. యోక్రూరమృగంనబి ఇనూ బొమ్మనాబి ఇనూ నామ్‍ఛాతె సంఖ్యనబీ లొంగకొయింతె ఇనా జీత్యూతెయివ్నె దేవ్ను వీణెలువాలహుయీన్‍, యోస్ఫటికంనూ ధర్వావ్‍కనా ఉబ్రీన్‍ రవనూ దేక్యొతొ.

3 ఇవ్నే ప్రభువా,

దేవ్‍ సర్వాధీకారి తారు కామ్‍ హాఃరు

ఘనంహుయు, అష్యంహుయు;

యుగయుగాల్నా రాజా, తారు వాట్‍

న్యాయంహుయూతేబి హాఃఛిహుయీన్‍ ఛా.

4 ప్రభూవా, తూ మాత్రమస్‍ పవిత్రుడ్‍,

తున ఢరకొయింతె వాలొకోన్‍?

తారు నామ్నా మహిమా పర్చకొయింతె వాలొకోన్‍?

తారు న్యాయ విధుల్‍ ప్రత్యక్చాయా పఢీన్‍హుయూహు.

అనటేకే అద్మిహాఃరు ఆయిన్ తారు సన్నిధిను హఃలామ్‍ కర్చెకరి బోల్తు,

దేవ్ను దాసుడ్‍హుయోతె మోసే కీర్తననాబి మ్హేండను కీర్తననాబి బోలుకరస్‍.

5 అనపాసల్‍ మె దేఖమా, పరిషుద్ధ్ హుయూతెఢేరను సంబంధంహుయూతె ఆలయమ్‍ స్వర్గంకనా ఖొలాయు. 6 హాఃత్‍ తెగుల్‍నా హాత్మా ధర్లీన్‍ ఛాతె యోహాఃత్‍ దూతల్‍, నిర్మల్‍హుయూతె చంకుకరనుహుయూతె నారనులుంగ్డనా పేర్లిన్‍, ఛాతినుప్పర్‍ ఘేణనూదట్టినా బాందిలేవాలహుయూన్‍ యో మందిరంమతూ బ్హార్‍ ఆయు. 7 తెదె యోచార్‍ జాన్వార్‍మా ఏక్‍ జార్వార్‍, పిఢ పిఢిబి జీవతె దేవ్ను చంఢాల్తీహుయూన్‍ ఛాతె యోహాఃత్‍ ఘేణనూ పాత్రల్నా యోహాఃత్‍జనా దూతల్‍నా దిదూ. 8 తెదె దేవ్ను మహిమాకంతుబి ఇను కువ్వత్‍కంతుబి ఆయుతె దువ్వొతీ ఆలయంమా భరాయిన్‍ర్హావమా యోహాఃత్‍ దూతల్‍కనా ఛాతె హాఃత్‍ తెగుల్‍ సమాప్తహువతోడి ఆలయంకనా కోన్బి జావనాకోహుయీని.