అపొ 2

41 ఇను వాక్యంనా అంగీకరించ్యుతె యూవ్నే హాఃరు బాప్తిస్మమ్‍ లీదు. యో ధన్నేస్‍ భరోబ్బర్‍ తీన్‍ హాజర్‍ అద్మి దేవ్నా నమ్మిలిదూ. 42 అవ్నే అపొస్తుల్‍నూ బోధమా, హాఃగ్‍మా, రోటొ తోఢమాబి, ప్రార్థనకరమాబి నావిసక్నుతిమ్‍ ర్హయా.

విష్వాసుల్‍ ఇచ్మా జీవను

43 బుజు కెత్రూకి అధ్బుతాల్‍నా అజు హాఃణత్‍నాబి అపొస్తుల్‍నా హాతె దెఖ్కాడ్యొ. తెదె హార్యేక్‍ జణమా ఢర్‍ కలుగ్యు. 44 విష్వాస్‍రాక్యుతె హార్యేక్‍జనూ కూడీన్‍ యూవ్నకనా ఛాతే హాఃరు రాఛ ఏక్నా యేక్ దీలేత థా. 45 ఏత్రేస్‍ కాహేతిమ్‍ యూవ్నూ దవ్లత్‍ యేచీన్‍ గరీబేవ్‍నా కెత్రే కోదువ ఛాకీ పంఛా. 46 బుజు యూవ్నే హాఃరు యేక్ దిల్‍తి హార్‍ రోజ్‍ దేవలయంమా మళ్తూథూ, ఘర్‍ ఘర్‍మా రోటా తోడ్‍తాహూయిన్‍, ఇవ్ను దిల్నా కామ్‍ కర్లిన్‍. 47 దేవ్నా స్తూతిస్తాహూయిన్‍, జనాల్‍ హాఃరేతీ దయ పొంద్యుతే యువ్నింతర, బుజు ప్రభు రక్చణ లెంక్రతే యువ్నా విష్వాసుల్‍మా మలౌతార్హయా.